Кыргызстанга Россиянын Воронеж шаарынан алып келинген үрөн тазалоочу атайын 19 техника республиканын беш облусуна берилди.

Кара-Суудагы үрөн фондуна Россиядан алып келинген техника тапшырылды

(жаңыланган 16:31 23.12.2020)
Техниканы Воронеж шаарынан БУУнун Айыл чарбасын өнүктүрүү боюнча эл аралык фондунун акчасына сатып келишкен.

БИШКЕК, 23-дек. — Sputnik. Кыргызстанга Россиянын Воронеж шаарынан алып келинген үрөн тазалоочу атайын 19 техника республиканын беш облусуна берилди. Бул тууралуу Айыл чарба, тамак-аш өнөр жайы жана мелиорация министрлигинин маалымат кызматынан билдиришти. 

Торжественное вручение 19 единиц спецтехники по очистке семян в Оше.
© Фото / Министерство сельского хозяйства, пищевой промышленности и мелиорации КР
Кыргызстанга Россиянын Воронеж шаарынан алып келинген үрөн тазалоочу атайын 19 техника республиканын беш облусуна берилди

Техниканы Воронеж шаарынан "Мал чарбасын жана рынокту өнүктүрүү - 2" долбоорунун алкагында "Агромаш" ишканасынан 30 миллион сомго сатып келишкен. Дыйканчылыкка пайдасы зор болгон бул жабдууларды алууну БУУнун Айыл чарбасын өнүктүрүү боюнча эл аралык фонду каржылаган.

Ош облусуна алты, Баткен облусуна үч, Жалал-Абад дубанына алты, Ысык-Көл менен Нарын аймактарына эки техника бөлүнгөн.

Бүгүн, 23-декабрда, алып келинген жабдуунун тийиштүү бөлүгү Ош облусунун Кара-Суу районундагы Жылкелди айылында иштеген коомдук үрөн фондуна салтанаттуу түрдө тапшырылды.

"Үрөн алган демилгелүү топтун ар бир мүчөсү өстүрүлгөн түшүмдү эки эсе кылып жергиликтүү фондго кайтарып берет. Бул принцип фонддун чыгымдарын жабууга, анын көлөмүн кеңейтүүгө жана бенефициардын санын көбөйтүүгө шарт түзөт", — деп айтышты министрликтен.

2018-2019-жылдары республикада 154 коомдук үрөн фондусу түзүлгөн. Алар мал чарбасынын өндүрүмдүүлүгүн жогорулатуу жана жайыт жерлерин туура пайдалануу максатында иштеп, үрөн өстүрүп, дыйкандарга таратышат.

Белгилер:
техника, үрөн, фонд, өнүктүрүү, БУУ, Айыл чарба жана мелиорация министрлиги, тамак-аш, айыл чарба, Кыргызстан
Тема боюнча
Россия КМШ өлкөлөрүнө коронавируска каршы вакцинаны алууга жардам берет
Евразиялык фонд Кыргызстанга 3 миллион доллар грант бермей болду
Ооруканада палатадагы капельница. Архив

Бишкекте уу коргошунга ууланып төртүнчү бейтап ооруканага түштү

(жаңыланган 22:48 20.04.2021)
Учурда бейтап Бишкектеги Травматология жана ортопедия илим-изилдөө борборунда жатат. Абалы туруктуу экени айтылды.

БИШКЕК, 20-апр. — Sputnik. Бишкек шаарында уу коргошунга ууланган төртүнчү адам ооруканага түштү. Бул тууралуу кабарды Саламаттык сактоо жана социалдык өнүктүрүү министрлигинин маалымат кызматы тастыктады.

Билдирүүгө ылайык, бейтап тундурманы беш күндөн бери үйүндө ичип жатканын айткан. Учурда ал Бишкектеги Травматология жана ортопедия илим-изилдөө борборунда жатат. Абалы туруктуу.

Кыргызстандын президенти Садыр Жапаров
© Пресс-служба президента КР / Султан Досалиев
Ушуну менен борбор калаада уу коргошунга ууланган төртүнчү бейтап катталганы маалым болду. Бүгүн аталган ооруканага 71 жана 67 жаштагы жубайлар түшүп, алдын ала диагнозу "аконитке уулануу, аритмогендик шок" деп коюлган.

Андан мурдараак Тез жардам кызматы уу коргошунга ууланган киши ооруканага жеткирилгенин билдирген. Министрлик ал белгисиз затка ууланганын айтып, каны менен заарасы экспертизага жиберилгенин маалымдады. 

Уу коргошун чуусу

Президент Садыр Жапаров Кыргызстандын дарыгерлери коронавирустан 2-3 күндө айыктырган ыкма тапканын айткан. Көп өтпөй мамлекет башчы өзү аконит (уу коргошун) кайнатып жасап жатканы белгилүү болду

Ал эми саламаттык сактоо министри Алымкадыр Бейшеналиев түз эфирде уу коргошун ичип, мындан ары коронавирустан дарылоого колдонуларын жар салган. Ошол эле учурда бул тундурманы адам муздак ичип алса беш мүнөткө жетпей өлөрүн эскерткен.

Белгилер:
Бишкек, уулануу, бейтап, оорукана, Ысык-Көл тамыры, уу коргошун
Тема:
Уу коргошун чуусу
Тема боюнча
Уу коргошун ичкендерден кагаз жүзүндө уруксат алган эмеспиз. Министрдин маеги
Милиция кызматкерлерин фуражкалары. Архив

Айзада киши колдуу болгон жердин сүрөтүн жарыялаган 3 милиционер жазаланды

(жаңыланган 22:52 20.04.2021)
Анын ичинде кылмыш катталган жерге медициналык кол капты таштап салуу фактысы боюнча да иликтөө жүргүзүлгөн.

БИШКЕК, 20-апр. — Sputnik. Айзада Канатбекова киши колдуу болгон жердин сүрөтүн жарыялаган үч милиция кызматкери жазаланды. Бул тууралуу Чүй облустук милициянын маалымат кызматы билдирди.

Социалдык тармактарга тарап кеткен сүрөт, анын ичинде кылмыш катталган жерге ташталган медициналык кол каптар боюнча фактынын негизинде кызматтык иликтөө жүргүзүлгөн. Иликтөөнүн башкы максаты милдетин так аткарбай, көңүл кош мамиле жасаган кызматкерлерди жоопко тартуу болгон.

Ким кандай жаза алды:

  • Аламүдүн РИИБдин жоруктар бөлүмүнүн кызматкери, милициянын лейтенанты А. Экеевге катуу сөгүш;
  • Аламүдүн РИИБдин криминалдык милиция кызматынын жетекчиси, милициянын майору К. Самаевге катуу сөгүш;
  • Аламүдүн РИИБдин Криминалдык топту коштоп жүрүүчү инспектор-криминалист, милициянын капитаны М. Янванчиновго кызматына дал келбестиги боюнча эскертүү.

Айзаданын өлүмү

5-апрель күнү эртең менен саат 7:00дөр чамасында Медеров жана Тыныстанов көчөлөрүнүн кесилишинен үч жаран 27 жаштагы кызды кызыл түстөгү автоунаага салып кеткен. Кыздын туугандары ошол эле күнү издеп баштап, Биринчи май райондук милицияга саат 7:30да кабарлашкан. Бирок издөө иштери кечеңдеп жатканына нааразы болуп, эртеси ЖМКларга кайрылышкан.

7-апрелде изделип жаткан автоунаа Бишкектин чет жагындагы Арашан менен Чокморов айылдарынын ортосунан табылган. Ал тууралуу милицияга жергиликтүү чабан кабар берген.

Автоунаанын ичинен киши колдуу болгон Айзада Канатбекованын жана 36 жаштагы кишинин бычакталган сөөгү табылган. Кызды ала качууга катыштыгы бар делип төрт шектүү кармалган.

Айзада Канатбекованын өлүмү боюнча кызматтык иликтөөнүн натыйжасында Бишкек ШИИБдин жана Биринчи май райондук милициясынын начальниктери баш болгон бир катар жетекчилер кызматтан алынган.

Белгилер:
Айзада Канатбекова, жаза, сүрөт, өлүм, кызматкер, милиция, кылмыш
Тема:
Бишкекте 27 жаштагы кыздын уурдалып, өлтүрүлүшү
Тема боюнча
Кабар алып туралычы! Эже-карындашына кайдыгер ага-инилерге кайрылуу
ИИМ: митингчилерди милиция кызматкерлери кууган эмес