Жогорку соттун төрайымы Гүлбара Калиева. Архив

Ташиев: 8 млн. сом кымырып алышкан, жакында Жогорку соттун төрайымын да тергейбиз

401
(жаңыланган 14:18 24.12.2020)
УКМК төрагасынын билдиришинче, жергиликтүү сот өлкөдөгү IT компаниялардын бири менен жасалма келишим түзгөн.

БИШКЕК, 24-дек. — Sputnik. Сот системасына автоматташтырылган маалыматтык системасын ишке киргизүүдөн бюджетке сегиз миллион сом зыян келтирилген. Ага Жогорку соттун төрайымы аралашканы аныкталды. Бул маалыматты Улуттук коопсуздук мамлекеттик комитетинин төрагасы Камчыбек Ташиев билдирди.

Анын айтымында, жергиликтүү сот IT компаниясы менен жасалма келишим түзгөн. Буга байланыштуу Сот департаментинин Маалыматтык технологиялар бөлүмүнүн жетекчиси, "Центр бизнеса и инноваций" IT компаниясынын жетекчиси Александр Задорожный кармалган.

"Тергөөнүн алкагында мамлекетке сегиз миллион сом зыян келтирилгени аныкталды. Ошондой эле Жогорку соттун жетекчилигинин бул ишке тиешеси бар-жогу териштирилүүдө. Ал эми Жогорку соттун төрайымынын түздөн-түз тиешеси бар. Биз ага карата документ даярдадык, жакында материалдарды Тартип комиссиясына жиберебиз. Эгер аны жактырып берсе, төрайымды жоопкерчиликке тартабыз. Башкача айтканда, кармап, тергөө жүргүзөбүз", — деди Ташиев.

Белгилей кетсек, учурда Жогорку соттун төрайымы Гүлбара Калиева. Ал бул кызматта 2018-жылдын 22-сентябрынан баштап иштеп келе жатат.

Жогорку соттун басма сөз кызматынан айтылган бул маселе боюнча кийинчерээк маалымат беришерин билдиришти.

401
Белгилер:
келишим, кармоо, Гүлбара Калиева, сот, Камчыбек Ташиев
Тема боюнча
Ташиев Райым Матраимов 2 млрд. сомду кандай жол менен кайтарганын айтты
УКМК башчысы Ташиев журналисттердин суроолоруна жооп берүүдө. Видео
Спутник V вакцинасына чыгаруу. Архив

Россия Кыргызстандын аймагында "Спутник V" вакцинасын чыгарууга даяр

12
(жаңыланган 11:14 26.01.2021)
Россия Кыргызстандын аймагында "Спутник V" вакцинасын жасоого даяр экени Москвада өткөн ЕАЭКтин жыйынында Путин тарабынан айтылган. Муну Россиянын өнөр жай жана соода министри Денис Мантуров да ырастаган.

БИШКЕК, 26-янв. — Sputnik. Россия коронавируска каршы "Спутник V" вакцинасын Кыргызстандын аймагында чыгарууга даяр. Бул тууралуу Өнөр жай, энергетика жана жер казынасын пайдалануу боюнча мамлекеттик комитеттин төрагасы Жыргалбек Сагынбаев билдирди.

Анын айтымында, кыргыз делегациясы Жогорку евразиялык экономикалык кеңештин отурумуна катышуу үчүн Москва шаарына барып, Россиянын өкмөт мүчөлөрү жана инвесторлор менен жолуккан. Жыйын учурунда Владимир Путин Россия ЕАЭБдин бардык өлкөлөрүндө вакцина өндүрүшүн ачууга даяр экендигин айткан. Андан кийин муну Россиянын өнөр жай жана соода министри Денис Мантуров дагы ырастаган.

"Эгерде Кыргызстан техникалык мүмкүнчүлүктөрү, тиешелүү шаймандары бар компанияны аныктаса, анда Россия комиссия жиберип, чечим кабыл алууга даяр экенин билдирди", – деди Сагынбаев.

Вакцина өндүрүүчү компанияны Россиянын Өнөр жай жана соода министрлиги тандайт. Талапкерлерди Кыргызстандын Мамлекеттик өнөр жай комитети сунуштайт. Айрым талапкер болгон компаниялар буга чейин министрлик менен сүйлөшүүлөрдү өткөргөн. Каржы маселесин Россиянын Өнөр жай жана соода министрлиги жана компания чечет, ал эми кыргыз өкмөтү шарт түзүп бериши керек.

Сагынбаев вакцинаны өндүрүү препараттын жеткиликтүүлүгүн гана камсыз кылбастан, жумуш орундарын да түзөрүн, ошондой эле вакцина өндүрүү жаатындагы өлкөдө алгачкы тажрыйба болорун белгилеген.

12
Белгилер:
Кыргызстан, Россия, коронавирус, вакцина, өндүрүүчү, сунуш, жолугушуу
Тема:
"Спутник V" вакцинасы
Тема боюнча
"Спутник V" вакцинасын кайсы оорусу барлар этияттык менен алышы керек? Инструкция
ЖМК: Пакистан россиялык "Спутник V" вакцинасын аларын айтты
Ооруканадагы дарыгерлер. Архив

Бишкекте бир бейтап көз жумуп, 97 адам оору жуктурду. Кыргызстандагы коронавирус

17
(жаңыланган 11:03 26.01.2021)
Учурда стационарда алты жүздөн ашуун бейтап дарыланууда. Анын ичинен эки адамдын абалы канааттандырарлык,  ал эми жыйырма жетиси өтө оор абалда жатат.

БИШКЕК, 26-янв. — Sputnik. Кыргызстанда акыркы суткада 97 кишиден коронавирус аныкталды, ал эми 157 бейтап оорудан айыкты. Бул тууралуу Республикалык штаб кабарлады.

Бир сутка ичинде COVID-19 U07.1 жана U07.2 катталган жаңы учурлар:

  • Бишкек — 42;
  • Ош — 2;
  • Чүй облусу — 40;
  • Талас облусу — 2;
  • Нарын облусу — 2;
  • Ысык-Көл облусу — 6;
  • Жалал-Абад облусу — 2;
  • Баткен облусу — 1. 

Марттагы пандемиядан бери оору жуктургандардын саны 84 068ге жетти.

Өткөн суткада COVID-19 илдетинен сакайып чыккандар, пневмонияны эсепке алганда:

  • Бишкек — 61;
  • Чүй облусу — 55;
  • Ош облусу — 4;
  • Талас облусу — 1;
  • Нарын облусу — 2;
  • Ысык-Көл облусу — 25;
  • Жалал-Абад облусу — 5;
  • Баткен облусу — 4.

Жалпысынан оорудан айыккандардын саны 80 182ге жетти.

Тилекке каршы, COVID-19дан Бишкектен бир бейтап көз жумган. Ушуну менен коронавирус 1 402 адамдын өмүрүн алды.

Учурда стационарда 643 бейтап дарыланып жатса, алардын ичинен 219у оор, ал эми 27си өтө оор абалда. Амбулатордук дарыланууда 907 бейтап бар. 

Бир сутка ичинде өлкө боюнча медицина кызматкерлери арасында коронавирус жуктуруп алган учурлар катталган жок.

Жалпысынан республика боюнча COVID-19 диагнозу менен ак халатчандар  арасында 4 168 учур катталып, 4 077си сакайды.

17
Белгилер:
айыктыруу, жуктуруу, оору, коронавирус, Кыргызстан
Тема:
Коронавируска байланыштуу Кыргызстандагы кырдаал
Тема боюнча
Далили жок! Пандемиянын кесепетин иликтеген комиссияга дарыгерлер жооп кайтарды
Кыргызстан Россиядан 500 миң доза "Спутник V" вакцинасын сурады
Бириккен Улуттар Уюмунун (БУУ) башкы катчысы Антониу Гутерреш. Архив

БУУ: COVID оңдурбай, дүйнө акыркы 100 жылдыкта эң оор каатчылыкка кептелди

0
(жаңыланган 11:13 26.01.2021)
Антониу Гутерреш 2021-жылы дүйнөнү калыбына келтирүүдө өкмөттөр, эл аралык уюмдар, жеке сектор жана жарандык коом биргелешип ынтымакта иштешүүсү керектигин билдирди.

БИШКЕК, 26-янв. — Sputnik. Бириккен Улуттар Уюмунун (БУУ) башкы катчысы Антониу Гутерреш коронавирус пандемиясынын кесепетинен дүйнө акыркы жүз жылдыктагы эң оор экономикалык каатчылыкка кептелгенин билдирди. Бул тууралуу уюмдун сайтында жарыяланды.

Катчынын айтымында, азыр "дүйнө абдан морт болуп турган кез".

"Пандемия эки миллиондон ашык адамдын өмүрүн алып кетти. Экономикалык абалыбыз акыркы 100 жыл ичиндеги эң төмөнкү көрсөтүчкө түштү. Коронавирус адамдар, өлкөлөр арасында теңсиздик бар экенин далилдеп койду. Кыскасы, жаратылышка биз кандай мамиле кылсак, ал бизге дал ошондой сокку уруп жатат. Дүйнө эли диалогго келип, кызматташуубуз керек", — деди Гутерреш.

Ошондой эле ал 2021-жылы дүйнөнү калыбына келтирүүдө өкмөттөр, эл аралык уюмдар, жеке сектор жана жарандык коом биргелешип ынтымакта иштешүүсү керектигин кошумчалады.

0
Белгилер:
кесепет, Дүйнө, пандемия, Антониу Гутерреш, БУУ
Тема:
Дүйнөгө жайылган коронавирус
Тема боюнча
ДССУ коронавирус менен күрөш көпкө созуларын айтты