Айыл чарба, тамак-аш өнөр жайы жана мелиорация министри Тилек Токтогазиев

Токтогазиев: бизде эл аралык стандартка ылайык 2 эле мал союучу цех иштейт

154
Талапка ылайык, мал союучу цехтин бири Чүйдүн Аламүдүн районунда, экинчиси Нарындын Кочкор районунда жайгашкан.

БИШКЕК, 25-дек. — Sputnik. Кыргызстанда эл аралык стандартка туура келген эки гана мал союучу цех иштейт. Бул тууралуу айыл чарба, тамак-аш өнөр жайы жана мелиорация министри Тилек Токтогазиев билдирди.

Ал бүгүн министрликтеги 60 күндүн жыйынтыгы жана 2021-жылга карата пландары туурасында Sputnik Кыргызстандын маалымат борборунда өтүп жаткан брифингде билдирди.

Токтогазиевдин айтымында, талапка ылайык мал союучу цехтин бири Аламүдүн районунда, экинчиси Кочкор районунда жайгашкан.

"Булар малды соёрго чейин карантинде кармашат. Эгер малга антибиотик берилген болсо, бул учурда ичинен чыгып кетет. Дагы беш цех бар, алар эл аралык талапка жооп бербейт. Көпчүлүк мал союучу жайларда жөнөкөй эле санитардык эрежелер сакталбайт. Ал жактан базарга тонналаган эт чыгууда. Муну менен канчалаган ооруну бизге, балдарыбызга, ата-энелерибизге ташып жатат", — деди Токтогазиев.

Ошондой эле мал базарлардын тазалыгын жана тартибин иретке келтирүү боюнча макулдашылганын билдирди.

154
Белгилер:
иштөө, Кыргызстан, мал
Тема боюнча
Кара-Суудагы үрөн фондуна Россиядан алып келинген техника тапшырылды
Ысык-Көлдө жылына 7 миңден ашык тонна эт өндүргөн комбинат курулууда
Кыргызстанда эт көп өндүрүлө баштады. Статистика
Спутник V вакцинасына чыгаруу. Архив

Россия Кыргызстандын аймагында "Спутник V" вакцинасын чыгарууга даяр

10
(жаңыланган 11:14 26.01.2021)
Россия Кыргызстандын аймагында "Спутник V" вакцинасын жасоого даяр экени Москвада өткөн ЕАЭКтин жыйынында Путин тарабынан айтылган. Муну Россиянын өнөр жай жана соода министри Денис Мантуров да ырастаган.

БИШКЕК, 26-янв. — Sputnik. Россия коронавируска каршы "Спутник V" вакцинасын Кыргызстандын аймагында чыгарууга даяр. Бул тууралуу Өнөр жай, энергетика жана жер казынасын пайдалануу боюнча мамлекеттик комитеттин төрагасы Жыргалбек Сагынбаев билдирди.

Анын айтымында, кыргыз делегациясы Жогорку евразиялык экономикалык кеңештин отурумуна катышуу үчүн Москва шаарына барып, Россиянын өкмөт мүчөлөрү жана инвесторлор менен жолуккан. Жыйын учурунда Владимир Путин Россия ЕАЭБдин бардык өлкөлөрүндө вакцина өндүрүшүн ачууга даяр экендигин айткан. Андан кийин муну Россиянын өнөр жай жана соода министри Денис Мантуров дагы ырастаган.

"Эгерде Кыргызстан техникалык мүмкүнчүлүктөрү, тиешелүү шаймандары бар компанияны аныктаса, анда Россия комиссия жиберип, чечим кабыл алууга даяр экенин билдирди", – деди Сагынбаев.

Вакцина өндүрүүчү компанияны Россиянын Өнөр жай жана соода министрлиги тандайт. Талапкерлерди Кыргызстандын Мамлекеттик өнөр жай комитети сунуштайт. Айрым талапкер болгон компаниялар буга чейин министрлик менен сүйлөшүүлөрдү өткөргөн. Каржы маселесин Россиянын Өнөр жай жана соода министрлиги жана компания чечет, ал эми кыргыз өкмөтү шарт түзүп бериши керек.

Сагынбаев вакцинаны өндүрүү препараттын жеткиликтүүлүгүн гана камсыз кылбастан, жумуш орундарын да түзөрүн, ошондой эле вакцина өндүрүү жаатындагы өлкөдө алгачкы тажрыйба болорун белгилеген.

10
Белгилер:
Кыргызстан, Россия, коронавирус, вакцина, өндүрүүчү, сунуш, жолугушуу
Тема:
"Спутник V" вакцинасы
Тема боюнча
"Спутник V" вакцинасын кайсы оорусу барлар этияттык менен алышы керек? Инструкция
ЖМК: Пакистан россиялык "Спутник V" вакцинасын аларын айтты
Ооруканадагы дарыгерлер. Архив

Бишкекте бир бейтап көз жумуп, 97 адам оору жуктурду. Кыргызстандагы коронавирус

16
(жаңыланган 11:03 26.01.2021)
Учурда стационарда алты жүздөн ашуун бейтап дарыланууда. Анын ичинен эки адамдын абалы канааттандырарлык,  ал эми жыйырма жетиси өтө оор абалда жатат.

БИШКЕК, 26-янв. — Sputnik. Кыргызстанда акыркы суткада 97 кишиден коронавирус аныкталды, ал эми 157 бейтап оорудан айыкты. Бул тууралуу Республикалык штаб кабарлады.

Бир сутка ичинде COVID-19 U07.1 жана U07.2 катталган жаңы учурлар:

  • Бишкек — 42;
  • Ош — 2;
  • Чүй облусу — 40;
  • Талас облусу — 2;
  • Нарын облусу — 2;
  • Ысык-Көл облусу — 6;
  • Жалал-Абад облусу — 2;
  • Баткен облусу — 1. 

Марттагы пандемиядан бери оору жуктургандардын саны 84 068ге жетти.

Өткөн суткада COVID-19 илдетинен сакайып чыккандар, пневмонияны эсепке алганда:

  • Бишкек — 61;
  • Чүй облусу — 55;
  • Ош облусу — 4;
  • Талас облусу — 1;
  • Нарын облусу — 2;
  • Ысык-Көл облусу — 25;
  • Жалал-Абад облусу — 5;
  • Баткен облусу — 4.

Жалпысынан оорудан айыккандардын саны 80 182ге жетти.

Тилекке каршы, COVID-19дан Бишкектен бир бейтап көз жумган. Ушуну менен коронавирус 1 402 адамдын өмүрүн алды.

Учурда стационарда 643 бейтап дарыланып жатса, алардын ичинен 219у оор, ал эми 27си өтө оор абалда. Амбулатордук дарыланууда 907 бейтап бар. 

Бир сутка ичинде өлкө боюнча медицина кызматкерлери арасында коронавирус жуктуруп алган учурлар катталган жок.

Жалпысынан республика боюнча COVID-19 диагнозу менен ак халатчандар  арасында 4 168 учур катталып, 4 077си сакайды.

16
Белгилер:
айыктыруу, жуктуруу, оору, коронавирус, Кыргызстан
Тема:
Коронавируска байланыштуу Кыргызстандагы кырдаал
Тема боюнча
Далили жок! Пандемиянын кесепетин иликтеген комиссияга дарыгерлер жооп кайтарды
Кыргызстан Россиядан 500 миң доза "Спутник V" вакцинасын сурады
Бириккен Улуттар Уюмунун (БУУ) башкы катчысы Антониу Гутерреш. Архив

БУУ: COVID оңдурбай, дүйнө акыркы 100 жылдыкта эң оор каатчылыкка кептелди

0
(жаңыланган 11:13 26.01.2021)
Антониу Гутерреш 2021-жылы дүйнөнү калыбына келтирүүдө өкмөттөр, эл аралык уюмдар, жеке сектор жана жарандык коом биргелешип ынтымакта иштешүүсү керектигин билдирди.

БИШКЕК, 26-янв. — Sputnik. Бириккен Улуттар Уюмунун (БУУ) башкы катчысы Антониу Гутерреш коронавирус пандемиясынын кесепетинен дүйнө акыркы жүз жылдыктагы эң оор экономикалык каатчылыкка кептелгенин билдирди. Бул тууралуу уюмдун сайтында жарыяланды.

Катчынын айтымында, азыр "дүйнө абдан морт болуп турган кез".

"Пандемия эки миллиондон ашык адамдын өмүрүн алып кетти. Экономикалык абалыбыз акыркы 100 жыл ичиндеги эң төмөнкү көрсөтүчкө түштү. Коронавирус адамдар, өлкөлөр арасында теңсиздик бар экенин далилдеп койду. Кыскасы, жаратылышка биз кандай мамиле кылсак, ал бизге дал ошондой сокку уруп жатат. Дүйнө эли диалогго келип, кызматташуубуз керек", — деди Гутерреш.

Ошондой эле ал 2021-жылы дүйнөнү калыбына келтирүүдө өкмөттөр, эл аралык уюмдар, жеке сектор жана жарандык коом биргелешип ынтымакта иштешүүсү керектигин кошумчалады.

0
Белгилер:
кесепет, Дүйнө, пандемия, Антониу Гутерреш, БУУ
Тема:
Дүйнөгө жайылган коронавирус
Тема боюнча
ДССУ коронавирус менен күрөш көпкө созуларын айтты