Парктта эс алууда үй-бүлө. Архив

Кыргызстандын тоолорунда жоголгон үй-бүлө табылды

173
(жаңыланган 14:09 25.12.2020)
Үй-бүлө башчысы жеке чарбачылыкты кайтарып иштейт. Ал энесине телефон чалып, тоодо байланыш начар болгондуктан кабарлаша албай жүргөнүн билдирген.

БИШКЕК, 25-дек. – Sputnik. Кыргызстандын тоолорунда жоголуп кеткен бир үй-бүлө табылды. Бардыгы аман-эсен. Бул тууралуу Чүй облустук ИИББден билдиришти.

Буга чейин 2020-жылдын сентябрь айында Николай Дививи кош бойлуу жубайы жана үч баласы (11, 6 жана 5 жашар) менен Ош жана Жалал-Абад облустарынын чектешкен жериндеги тоого кетип, ошондон бери байланышка чыкпай жатканы кабарланган.

Издөө иштерине ыктыярдуу уюмдар менен милиция тартылган.

"Изделип жаткан Николай Дививи 24-декабрь күнү кечинде энеси менен байланышып, бардыгы жакшы экенин билдирген. Үй-бүлө Ош жана Жалал-Абад облустары чектешкен аймактагы тоолордо жашап жеке чарбачылыкты кайтарышат экен. Дививи тоодо байланыш начар болгондуктан туугандарына телефон чала албай жүргөнүн билдирген", — дешти милициядан.

"Совет общественной безопасности" ыктыярчылар уюмунан билдиришкендей, Дививинин жубайы төрөп, эми үй-бүлөдө төрт бала болуп калды.

173
Белгилер:
Ош
Тема боюнча
Чүй милициясы дайынсыз жоголгон 13 жаштагы кызды издеп жатат. Сүрөттөр
Колл-центрдин ишкери. Архив

Бишкекте мугалимдер онлайн-сабак өтпөй жатса арызданууга болот. Номерлер

2
Ушул жумадан тарта борбор калаада 1, 5, 9 жана 11-класстын окуучулары мектепке барып окуй баштады. Калган класстар аралыктан билим алууну улантууда.

БИШКЕК, 23-янв. — Sputnik. Бишкек шаарынын вице-мэри Айжан Чыныбаева мугалимдер онлайн-сабакты өтпөй жатса кабарлап коюуну өзүнүн Facebook баракчасы аркылуу өтүндү.

Эске салсак, 18-январдан тарта борбор калаада 1, 5, 9 жана 11-класстын окуучулары мектепке барып окуй баштады. Ошол эле учурда бул класстын айрым окуучулары шартына жараша үйдөн да билим алса болору белгиленген. Аларга мугалим өзүнчө сабак өтөт, мындан сырткары, телеканалдарда телесабактар көрсөтүлөт.

"Социалдык тармактарда айрым мугалимдер онлайн-окутууну үзгүлтүккө учуратып, сабак өтпөй жатат деген маалыматтар пайда болду. Бул маалымат чындыкка дал келбейт. Биз жакынкы убакытта балдардын бардыгы окууну кадимкидей тартипте улантарына ишенебиз", — деп жазган Чыныбаева.

Вице-мэр окуу процессине байланыштуу педагогдор тарабынан мыйзам бузуулар болсо 0709 24 02 84 WhatsApp номерине кабарлап коюуну өтүндү.

2
Белгилер:
кайрылуу, мугалим, окуу, Бишкек мэриясы
Тема боюнча
Бишкектеги мектептерге 53,5 миңден ашуун окуучу бара баштады
Кыз апасы менен кинотеатрда. Архив

Балдар үчүн кинофильмдин сценарийине сынак жарыяланды

12
Сценарий жазууга катышууну каалагандардын арызы "Кыргызфильм" киностудиясынын электрондук почтасы аркылуу кабыл алынат.

БИШКЕК, 23-янв. — Sputnik. Төлөмүш Океев атындагы "Кыргызфильм" улуттук киностудиясы балдар үчүн кинофильмдин сценарийине сынак жарыялады. Бул тууралуу Маданият, маалымат жана туризм министрлигинен кабарлады.

Ага ылайык, арыздар "Кыргызфильм" киностудиясынын электрондук почтасы аркылуу кабыл алынат.

Сценарийдин тиркемесине төмөнкүлөр кирет:

  • болжолдуу аталышы;
  • жанр;
  • убакыт;
  • логлайн (кыскача баяндоо);
  • синопсис (кыскача мааниси).
"Сценарийлер америкалык форматта гана кабыл алынат. Ал эми тиркемелери менен өзү кыргыз тилинде жазылышы шарт. Жеңүүчүлөрдүн эмгеги киностудиянын расмий сайтына жарыяланат", — деп айтылат маалыматта.

Мыкты эмгектин ээсине 100 000 сом гонорар төлөнүп бериле турганы кошумчаланды.

12
Белгилер:
балдар, кино, сынак, сценарий
Тема боюнча
"Акыркы көч" тасмасы Дакка эл аралык кинофестивалына катышууда