Түлөбаев: УКМК кармаган "Бишкек башкы архитектуранын" жетекчисин иштен алам
(жаңыланган 18:59 25.12.2020)
Түлөбердиев жер тилкесин сатуу боюнча аукционду жеңип алууда үчүнчү жактар менен соодалашкан деп айыпталууда.БИШКЕК, 25-дек. — Sputnik. Коррупцияга айыпталып жаткан "Бишкек башкы архитектура" ишканасынын жетекчиси Асхат Түлөбердиев жумуштан алынат. Бул тууралуу Sputnik Кыргызстанга Бишкек шаарынын мэринин милдетин аткаруучу Балбак Түлөбаев билдирди.
Белгилей кетсек, УКМК кечээ, 24-декабрда, жер тилкесин сатуу боюнча аукционду жеңип алууда үчүнчү жактар менен соодалашкан деп Түлөбердиев жана дагы бир шектүүнү колго түшүргөн.
"Ооба, кызматтан кетирем. Ээлеген ордунан бошотуу тууралуу документ дүйшөмбү же шейшемби күнү даяр болот", — деди мэрдин милдетин аткаруучу.
Аталган факты Жазык кодексинин 309-беренеси ("Коррупция") менен Кылмыш жана жоруктардын бирдиктүү реестрине катталып, сотко чейинки тергөө башталган. Кармалгандар УКМКнын тергөө абагына киргизилгени айтылды.
Бишкектин эки мектебинен COVID жугузгандар аныкталды. Мэриянын кайрылуусу
(жаңыланган 18:46 24.01.2021)
Учурда балдар менен бир класста окугандардын бардыгы эки аптага аралыктан окууга жиберилди. Ал эми мугалимдер ПЦР-тест тапшырууга жөнөтүлдү.БИШКЕК, 24-янв. — Sputnik. Бишкектин эки мектебинин окуучуларынан коронавирус аныкталды. Бул тууралуу мэриядан кабарлашты.
Иликтей келгенде ал окуучулардын үйүндө вирус жугузуп алгандар болгону такталды. Учурда балдар менен бир класста окугандардын бардыгы эки аптага аралыктан окууга жиберилди. Ал эми мугалимдер ПЦР-тест тапшырууга жөнөтүлдү.
"Урматтуу ата-энелер! Эгер үйдө коронавируска чалдыккандар болсо, тез арада мектепке кабар берип, баланы бардык текшерүүдөн өткөндөн кийин гана окууга жиберүүңөрдү өтүнөбүз. Албетте, сиздерге дагы оңой болуп жаткан жок, бирок силердин жоопкерчилигиңерге башка адамдардын өмүрү жана ден соолугу байланыштуу экенин унутпагыла”, — деп өтүнүштү мэриядан.
Эске салсак, Бишкекте 18-январдан тарта 1, 5, 9 жана 11-класстардын окуучулары мектепке бара баштаган.
Белгилер:
Абдыкеримов: кыргыздын менталитети спорттук ийгиликтерди жаратууда чоң роль ойнойт
(жаңыланган 18:30 24.01.2021)
"Чемпион" футболдук академиянын жетекчиси, машыктыруучу Эр-Улан Абдыкеримов Кыргызстан чет элдик футболдук академиялардан керектүү моделди алса болорун айтты.Абдыкеримов: кыргыздын менталитети спорттук ийгиликтерди жаратууда чоң роль ойнойт
Көп өлкөлөрдүн академияларынын иш-тажрыйбасын байкап көрүп, өзүбүздүн руханий баалуулуктарга карата колдонсок жакшы болот. Мындай ойду Эр-Улан Абдыкеримов Sputnik Кыргызстан радиосунун эфиринде маек куруп жатып билдирди.
Анын айтымында, футболдук академиялар балдарды машыктырууда комплекстүү кадамдарга багыт алышы керек.
"Милдеттүү түрдө биздин багытыбыз болушу керек. Ийгиликтүү футболдук клубдардын тажрыйбасына таянып, моделин алсак болот. Бирок өзүбүздүн география, менталитетибиз спорттук ийгиликтерди жаратууда чоң роль ойнойт," — деди Абдыкеримов.
Ошондой эле машыктыруучу улуттук курама команданын акыркы жылдардагы жетишкендиги футболдун өнүгүшүнө жол ачканын кошумчалады.
Белгилер:
- Тема боюнча
- Эшенов: футболду өнүктүрүүдө көйгөйлөр көп