Баткен шаары. Архив

Министрлик: Баткен шаарында 28 ишкана менен өнөр жай зонасы курулат

125
(жаңыланган 10:59 27.12.2020)
Эгер айтылган демилге ишке ашып калса, 2000ден ашык жумушчу орундар түзүлүп, инвестиция тартылат, экспорттун көлөмү көбөйөт. Ошондой эле шаардын инфраструктурасы жакшырат.

БИШКЕК, 27-дек. — Sputnik. Баткен шаарында 28 ишкана менен өнөр жай зонасы курулат. Бул тууралуу Экономика министрлиги билдирди.

Маалыматка ылайык, бул үчүн өкмөттүн 2019-жылдын 21-январындагы №617 токтому менен Баткен шаарынын Чет-Булак кварталында жайгашкан 172,9 гектар айыл чарба жерлери "Өнөр жай, транспорт, байланыш, энергетика жана башка багыттагы жерлер" категориясына которулган.

Министрлик Баткен облусу республиканын түштүк-батышында жайгашкан жана сейрек кездешүүчү өнөр жай потенциалына ээ экенин белгиледи.

"Кен иштетүү жана кайра иштетүү ишканаларын өнүктүрүүгө багытталган Баткен облусунун тоо-кен өнөр жайынын минералдык-сырьелук базасы пайдалуу кендердин айрым түрлөрүнүн, биринчи кезекте сымап, сурьма, көмүр, кварц куму ж.б. өнөр жайын өнүктүрүү аймактын социалдык-экономикалык өнүгүүсүнүн артыкчылыктуу багыты болуп саналат", — деп айтылат маалыматта.

Өнөр жай зонасында төмөнкү объектилердин курулушу күтүлүүдө:

  • индустриалдык соода-логистикалык борбору;
  • ун тартуучу комбинат;
  • курулуш материалдарын өндүрүүчү завод;
  • бут кийим фабрикасы;
  • жүн жана терини кайра иштетүүчү завод;
  • таштандыларды кайра иштетүүчү завод;
  • нефть базасы;
  • тоо-кен комбинаты;
  • жылуулук электр борбору;
  • айнек жасоочу мини цех.
"2000ден ашык жумушчу орундар түзүлөт, инвестициялар тартылат, экспорттун көлөмү көбөйөт. Шаардын инфраструктурасы жакшырат. Учурда облуста 7 объектинин курулушу башталды. Бул текстиль фабрикасы, кургатылган жемиштерди кайра иштетүү жана сорттоо, касапкана, бетон буюмдары, логистикалык борбор, майдалоочу цех. Баткен облусунун потенциалы жана анын өнүгүү динамикасы мындан да ири инвестицияларды тартууга жана масштабдуу долбоорлорду ишке ашырууга мүмкүндүк берет", — деп айтылат маалыматта.

Облустун өнөр жайын өнүктүрүүнүн негизги милдети жергиликтүү сырьелук базаны натыйжалуу пайдалануу болуп саналат. Билдирүүдө бул облустун тоо-кен тармагын, курулуш материалдар өнөр жайын, тамак-аш жана кайра иштетүү тармагын мындан ары өнүгүшүнө түрткү берери белгиленген.

125
Белгилер:
экономика, ишкана, цех, инвестициялар, өнөр жай, комбинат, Баткен
Тема боюнча
Кытай кыргызстандык ишкерлердин товарын эмне себептен кармоодо? Абалга сереп
Мамлекет акчаны эмнеге коротот? Министрликтин жообу
Жаңы үйлөнгөндөр. Архив

Бир мүнөттө үйлөнө калып жумушка чыккан полиция кызматкери. Кытайдагы окуя

9
(жаңыланган 11:06 21.01.2021)
Ишинен бошобогон полиция кызматкери сүйүктүүсүнө баш кошууга түшкү тамактануу учурунда убакыт таап келген.

БИШКЕК, 21-янв. — Sputnik. Кытайда кайгуул полиция кызматкери бир мүнөттүн ичинде үйлөнүп, кайра дароо эле жумушка чыкты. Бул тууралуу "Известия" басылмасы кабарлады.

Салтанат Кытайдын Хэбей провинциясында өткөн. Анда жумушунан бошобогон полиция кызматкери түшкү тамактануу учурунда убакыт таап, келинчеги менен бир мүнөттүн ичинде үйлөнүп, кайра эле кызматына жөнөгөнү айтылат.

Түгөйлөр 15-январда баш кошкон.

9
Белгилер:
полиция, той, үлпөт, үй-бүлө, Кытай
Тема боюнча
Үлпөт тоюнан 15 мүнөт өтпөй көз жумган келин. Даниядагы окуя
Жаңы курулуп аткан көп кабаттуу үйлөр. Архивдик сүрөт

МИК: эми ипотека алуу үчүн документтерди жарым саатта тапшырса болот

25
(жаңыланган 10:56 21.01.2021)
Элмира Абжапарованын айтымында, мурда документтерди тапшырууга орто эсеп менен үч айдай убакыт кетчү. Кагаздарды чогултууга эле бир топ убакыт, каражат талап кылынчу.

БИШКЕК, 21-янв. — Sputnik. Азыр мамлекеттик ипотека алуу үчүн документтерди тапшырууга болгону жарым сааттык убакыт талап кылынат. Бул тууралуу Мамлекеттик ипотекалык компаниянын (МИК) төрайымы Элмира Абжапарова билдирди. 

Председатель правления ОАО ГИК Элмира Абжапарова на брифинге в пресс-центре Sputnik Кыргызстан.
© Sputnik / Жоомарт Ураимов
Мамлекеттик ипотекалык компаниянын (МИК) төрайымы Элмира Абжапарова

Ал Sputnik Кыргызстан агенттигинин маалымат борборунда өтүп жаткан брифингге катышууда.

Абжапарованын айтымында, былтыркы жылдан тарта арыздарды кабыл алуу үчүн электрондук портал ишке киргизилген.

"Мурда документтерди тапшырууга орто эсеп менен үч айдай убакыт кетчү. Кагаздарды чогултууга эле бир топ убакыт, каражат талап кылынчу. Азыр ар бир адам өзүнүн уюлдук телефону аркылуу жарым сааттын ичинде ишин бүтүрүп алат. Портал "Түндүк" системасына кошулган. Андыктан мурда жаран кезекте туруп, кагаз түрүндө алган документтерди азыр өзүбүз даярдап алабыз", — деди Абжапарова.

Ошондой эле ал учурда бул багыт бир топ өнүккөн Азербайжан менен тажрыйба алмашуу болуп жатканын кошумчалады.

25
Белгилер:
Элмира Абжапарова, Мамлекеттик ипотекалык компания, Кыргызстан
Тема боюнча
Абжапарова: ипотекалык насыя боюнча Кыргызстан ЕАЭБде үчүнчү орунда