Телефон колдонуп жаткан бала. Архив

Бала канча жаштан тарта социалдык тармакка катталса болот. Адистин кеңеши

106
Психолог ата-эне баласына интернетти туура колдонуу боюнча үйрөтүшү керектигин айтат. Анткени азыр өспүрүмдөрдү туура эмес жакка сүйрөгүсү келген шылуундар күтпөгөн жактан пайда болушу мүмкүн.

БИШКЕК, 28-дек. — Sputnik. Балага социалдык тармактын мазмунуна жараша 12, 14 же 16 жаштан тарта катталууга уруксат берсе болот. Бул тууралуу РИА Новости агенттигине клиникалык психолог Мария Зеленова билдирди.

Адистин айтымында, дал ушул курактардан тарта балдарда кырдаалды анализдөө, жоопкерчилик сыяктуу сапаттар калыптана баштайт.

"Бул курактарда баланын мээси жетишерлик деңгээлде иштеп, маалыматты анализдеп, ар кайсы аракеттин кесепети тууралуу түшүнө баштайт. Башкача айтканда, акырындык менен ак-караны, жаман-жакшыны айырмалап калат. Бирок жашоодо тажрыйбасы аз болгондуктан алданып, туура эмес жакка кетпеши үчүн дагы деле ата-эненин көзөмөлү керек", — деди Зеленова.

Ошондой эле ал ата-эне балага гаджет алып берип, интернетке киргизип коюп эле тим болбой, аны кантип колдонуу керектигин түшүндүрүшү зарыл экенин айтат.

"Балдар үчүн кооптуу контенттер көп. Демек кайсы бир сайтка техникалык жактан чектөө койгондон сырткары, түшүндүрүү иштерин жүргүзүү керек. Аткени азыр өспүрүмдөрдү туура эмес жакка сүйрөгүсү келген шылуундар өтө тажрыйбалуу болуп алышкан, ата-эне күтпөгөн жактан пайда болушу мүмкүн", — деди адис.

Мындан тышкары, психолог баланын социалдык тармакта өткөргөн убактысына дагы көңүл бурууга чакырат. Анткени бир нече саат катары менен "онлайн" болуп туруу баланы реалдуу жашоодон алыстатып ийиши мүмкүн.

106
Белгилер:
социалдык тармак, интернет, тарбия, бала
Тема боюнча
Агрессивдүү оюндарды көп ойногон бала кийин кылмышкер болобу

Бишкекте кургак сүттү мыйзамсыз өндүргөн жашыруун цех табылды. Видео

0
Ордо калаадагы базарлардын биринин аймагынан кургак сүттү санитардык эреже сакталбаган шартта жасаган цех табылган. Финпол ушундай мыйзамсыз иштер менен алектенгендер тууралуу кабарлап коюуну суранды.

Бишкекте Frima кургак сүтүн мыйзамсыз жол менен өндүрүп келген жашыруун цех табылды. Бул тууралуу Экономикалык кылмыштарга каршы күрөшүү мамлекеттик кызматы кабарлады.

Мекемеден билдиришкендей, бул факт Жазык кодексинин 218-беренеси ("Товарларды индивидуалдаштыруу каражаттарын (иштерди, кызмат көрсөтүүлөрдү) мыйзамсыз пайдалануу") менен сотко чейинки өндүрүшкө алынган.

"25-январь күнү ордо калаадагы базарлардын биринин аймагынан аталган азыкты санитардык эрежел сактабалбаган шартта жасаган цех табылды. Учурда өлкө боюнча ушул сыяктуу фактыларды аныктоо иш-чаралары жүрүп жатат", – деп айтылат маалыматта.

Финпол азык-түлүктөрдү мыйзамсыз өндүрүү жана сатуу менен алектенгендер тууралуу кабары барларга кайрылып, 1955 номерине билдирип коюуну суранат.

Мындай азыктар өлкө экономикасына гана эмес, жарандардын ден соолугуна да коркунуч келтирери белгиленген.

0
Белгилер:
кылмыш, азык, кургак сүт
Тема боюнча
Бишкекте мөөнөтү өткөн конфет-печенье сакталган дагы бир кампа табылды. Видео
Казино. Архив

Депутаттар чет элдиктер үчүн Ысык-Көлдө казино ачууну сунуштап жатат

8
(жаңыланган 12:14 26.01.2021)
Демилгечилер кумар оюндарынын ишине тыюу салуу мамлекеттик бюджетти бир жылда 600 миллион сом жоготууга, ошондой эле 11 миңден ашык жумушчу орундарынын жабылышына алып келгенин айтышкан.

БИШКЕК, 26-янв. — Sputnik. Ысык-Көл облусунда казинолордун ишине уруксат берүү сунушталды. Тиешелүү мыйзам долбоору Жогорку Кеңештин сайтында коомдук талкууга коюлду.

Демилгечилер депутаттар Дастан Жумабеков менен Бактыбек Турусбеков болгон. Алар долбоор өлкө экономикасына салым кошуу, туристтик тармакты өнүктүрүү жана инвестицияларды тартуу максатында иштелип чыкканын жазышкан.

2012-жылдын 1-январында Кыргызстанда кумар оюндарынын ишине тыюу салган мыйзам күчүнө киргенин белгилеп өтүшкөн.

"Кумар оюндарынын катышуучусу чет мамлекеттин жараны болуп саналат", — деп белгиленген долбоордун негиздемесинде.

Демилгечилер кумар оюндарынын ишине тыюу салуу мамлекеттик бюджетти бир жылда 600 миллион сом жоготууга, ошондой эле 11 миңден ашык жумушчу орундарынын жабылышына алып келгенин айтышкан.

Казино "Тамчы" аэропортунун базасындагы 1200 гектар жерде бир нече мейманканасы менен курулушу болжолдонгон.

Мыйзам долбоору менен кененирээк шилтеме аркылуу таанышууга болот.

8
Белгилер:
долбоор, казино, оюн, Бактыбек Турусбеков, Дастанбек Жумабеков, Ысык-Көл облусу
Тема боюнча
Муканбетов: казино кайра ачылса экономикага пайдасы тиет
Ошто көмүскө кумар оюндарын уюштурду делген 9 жай аныкталды. Тизме