Поезд на железнодорожном вокзале Бишкека. Архивное фото

Чүйдө 31-декабрдан тарта эл ташыган поезддер каттай баштайт

331
(жаңыланган 18:32 28.12.2020)
Бардык маршруттар күн сайын, ал эми Кара-Балта — Бишкек — Кара-Балта каттамы күнүнө эки ирет каттайт. Ишканадан бардык санитардык нормалар сакталарын убадалашты.

БИШКЕК, 28-дек. — Sputnik. Жүргүнчү ташыган поезддер Чүй облусунун аймагында 31-декабрдан тарта иштей баштайт. Бул тууралуу "Кыргыз темир жолу" Улуттук компаниясынан" билдиришти.

Маалыматка караганда, өкмөттүн ыйгарым укуктуу өкүлчүлүгү төмөнкү багыттар боюнча каттамдарды жандантууга уруксат берген:

  • Бишкек — Токмок — Бишкек;
  • Кайынды — Бишкек — Кайынды;
  • Кара-Балта — Бишкек — Кара-Балта.

Бардык маршруттар күн сайын, ал эми Кара-Балта — Бишкек — Кара-Балта каттамы күнүнө эки ирет каттайт. Ишканадан бардык санитардык нормалар сакталарын убадалашты.

"Маршруттар боюнча айрым өзгөрүүлөр бар. Кайынды — Бишкек — Кайынды каттамында "Лицей" деген жаңы аялдама болот. Ал эми Кара-Балта — Бишкек — Кара-Балта поезди "Бишкек-1" станциясына чейин барат", — деп айтылат маалыматта.

Поезддердин расписаниеси темир жол вокзалдарынан жана "Кыргыз темир жолунун" сайтынын башкы бетинен биле аласыздар.

Эске салсак, пандемияга байланыштуу эл аралык темир жол каттамдары 17-марттан тарта, ички каттамдар 25-мартта токтотулган.

331
Белгилер:
каттам, поезд, темир жол
Тема боюнча
Кыргызстан — Казакстан — Россия темир жол каттамдарынын графиги түзүлдү
АКШнын жаңы шайланган президенти Жо Байден

Байден бүгүн АКШга кирүү боюнча кыргызстандыктарга коюлган чектөөнү алып салат

87
(жаңыланган 23:12 20.01.2021)
Учурда Мьянма, Иран, Кыргызстан, Ливия, Судан сыяктуу 13 мамлекеттин жарандарынын АКШга кирүүсүнө чектөөлөр бар.

БИШКЕК, 20-янв. — Sputnik. АКШнын жаңы шайланган президенти Жо Байден Кыргызстан кошулган бир катар өлкөлөрдүн жарандарына Кошмо Штаттарга кирүүгө тыюу салууларды жокко чыгарганы жатат. Бул тууралуу анын командасына шилтеме берип РИА Новости маалымдады.

Чектөөлөрдү мурда Дональд Трамптын администрациясы киргизген.

"Байден ал чечимди жокко чыгарып, негизинен мусулмандардан турган жана Африка өлкөлөрүнүн жарандарына АКШга кирүүгө уруксат берет. Ошондой эле Мамлекеттик департаментке аталган өлкөлөрдүн жарандарына виза берүү маселесин жаңылоону тапшырат”, — деп айтылат билдирүүдө.

Ошондой эле Байден иммигранттарды АКШдан чыгарылбай, убактылуу жашоого мүмкүндүк берген DACA программасын бекемдөөнү карап жатканы кошумчаланды. Аталган программа ушул тапта депортациядан 700 миң кишини сактап турганы кошумчаланды.

Учурда Мьянма, Иран, Кыргызстан, Ливия, Судан сыяктуу 13 мамлекеттин жарандарына АКШга кирүүгө чектөөлөр коюлган.

Жо Байдендин инаугурациясы 20-январь күнү Вашингтон шаарында өтөт.

87
Белгилер:
виза, Кыргызстан, Мигрант, инаугурация, Жо Байден
Тема боюнча
Серепчи: АКШ менен РФ ортосундагы өз ара кызматташуу багыты өзгөрүүдө
Тарыхта биринчи ирет… Байден өз командасына трансгендерди алмай болду
Медициналык кызматкер эмдөө үчүн шприц даярдап жатат. Архив

COVID: Сурабалдиева КРде июнга чейин вакцинация болбой турганын айтты

34
(жаңыланган 22:41 20.01.2021)
Буга чейин Кыргызстанга коронавируска каршы эмдөө жүргүзүү үчүн алгачкы талапкер катары АКШнын Pfizer вакцинасы сунушталган.

БИШКЕК, 20-янв. — Sputnik. Кыргызстанда ушул жылдын июнь айына чейин коронавируска каршы вакцина жасалбайт. Бул тууралуу вице-премьер Эльвира Сурабалдиева өзүнүн Twitter баракчасына жазды.

"Саламаттык сактоо министрлигинин маалыматына караганда, COVAX программасынын негизинде 15 миң кишиге ченелген 30 миң доза Pfizer вакцинасы сунушталды. Бирок министрлик аны -70 градуста сактоо үчүн 2 миллион долларга муздаткыч сатып алууну максатсыз деп эсептеди. Дагы 7 вакцина боюнча сунуштар болот. 2021-жылдын июнь айына чейин вакцинация болбойт”, — деп жазды ал.

Буга чейин Кыргызстанга коронавируска каршы эмдөө жүргүзүү үчүн алгачкы талапкер катары АКШнын Pfizer вакцинасы сунушталганы айтылган болчу. Бирок аны -70 градуста сактоо үчүн муздаткыч талап кылынары белгилүү болгон.

34
Белгилер:
вакцина, Кыргызстан, Эльвира Сурабалдиева
Тема:
Коронавируска байланыштуу Кыргызстандагы кырдаал
Тема боюнча
Министр: Pfizer вакцинасынан баш тарткан жокпуз, алганга каражат жетишсиз
COVID-19га каршы россиялык вакцинаны түзгөн адис Кыргызстанда туулган
Министр: КР Pfizer вакцинасын албай калды, Россиядан 500 миң доза күтүп жатабыз

UFC: Хабиб Нурмагомедовдун иниси алгачкы беттешинде атаандашын утуп алды. Видео

0
(жаңыланган 01:41 21.01.2021)
Россиялык мушкер казакстандык атаандашы Сергей Морозовду муунтуу ыкмасы менен жеңип алды. Беттеш 2-раундда соңуна чыкты.

Хабиб Нурмагомедовдун тууганы Умар UFC турнириндеги алгачкы беттешинде жеңишке жетишти.

Россиялык мушкер казакстандык атаандашы Сергей Морозовду муунтуу ыкмасы менен утуп кетти. Беттеш 2-раундда соңуна чыкты.

Ал беттеш аяктаган соң агасы Хабиб дагы алгачкы жеңишин дал ушундай ыкма менен багындырганын эске салды.

"Мен бактылуумун. Тогуз жыл мурда бул рингге Хабиб кирип, дал мендей болуп утуп чыккан. Анын ыкмасын кайталаганыма кубанычтамын”, — деди ал.

Таймашка секундант катары катышкан Хабиб Нурмагомедов өзү инисиндей болуп экинчи эмес, үчүнчү гана раундда жеңгенин кошумчалады.

0
Белгилер:
бир тууган, UFC, Хабиб Нурмагомедов
Тема боюнча
Чыканак менен башка уруп... Соңку UFC турниринин кызыктуу учурлары видеодо
Макгрегордун Нурмагомедов менен кармашканга чейинки жана андан кийинки видеосу