Адис: бул кышта жарык өчпөйт, бирок кийинки жыл катаал болушу мүмкүн
(жаңыланган 11:38 29.12.2020)
Энергетиктер калкты электр энергиясын үнөмдөөгө чакырууда. Кургакчылыктын айынан Токтогул суу сактагычында суунун көлөмү аз, келерки жыл дагы кандай болору белгисиз.БИШКЕК, 29-дек. — Sputnik. Бул кышта Кыргызстанда электр жарыгы өчүрүлбөйт, бирок келерки жыл катаал болушу мүмкүн. Бул тууралуу "Кыргыз энергетикалык эсептөө борбору" ААКнын башкы директору Талайбек Байгазиев билдирди.
Ал Sputnik Кыргызстан агенттигинин мультимедиалык маалымат борборунда өткөн "КРде электр энергиясын колдонууда лимиттен чыгып кетүү эмнеге алып келет?" аттуу брифингге катышты.
Байгазиевдин айтымында, электр энергиясын колдонуунун көлөмү бардык аймактарда жогорулады.
"Биз калкты электр энергиясын үнөмдөөгө чакырабыз. Кургакчылыктын айынан Токтогул суу сактагычында суунун көлөмү аз. Келерки жыл кандай болору белгисиз. Суу сактагычка агып келчү дарыялардын башына кар жакшы жаабаса, келерки жылда кыйынчылык жаралат ", — деди ал.
Ошондой эле жетекчи керектүү көлөмдү сактап туруу үчүн электр энергиясын импорттоо керектигин кошумчалады. Учурда КР бир нече миллиард киловатт-саат электр энергиясын топтошу керек. Азыр аз гана көлөмдө импорттолуп жатат.
Белгилей кетсек, "Кыргыз энергетикалык эсептөө борбору" электр энергиясын таратуу, жоготууларды аныктоо, энергетика системасындагы балансты кармоо жана дүң рынокту түзүү менен алектенет.
Белгилер:
Калктын кыргыз бийлигине ишеними азайып кетти. Статкомдун изилдөөсү
(жаңыланган 19:04 20.01.2021)
Сурамжылоонун жыйынтыгында аткаруу бийлигине элдин ишеними 2019-жылдын ушул мезгилине салыштырмалуу 2,8 баллга төмөндөгөн.БИШКЕК, 20-янв. — Sputnik. 2020-жылдын экинчи жарым жылдыгында калктын ишеним индекси кыргыз бийлигине былтыркыга салыштырмалуу төмөндөп кетти. Бул туурасында Улуттук статистика комитети билдирди.
Изилдөө декабрь айында жүргүзүлүп, 18 жаштан 75 жашка чейинки Кыргызстандын 3600 жараны сурамжылоого алынган.
Натыйжада аткаруу бийлигинин, Бишкек, Ош шаарларынын мэрияларынын, өкмөттүн облустагы өкүлдөрүнүн жана жергиликтүү өз алдынча башкаруу органдарынын ишмердигине калктын ишеним индекси 25 баллды түзгөн. Муну менен 2019-жылдын ушул мезгилине салыштырмалуу 2,8 баллга төмөндөгөн.
- Ишеним индекси жана төмөндөшү;
- Облустук, райондук маанидеги шаарлар жана жергиликтүү өз алдынча башкаруу органдары — 47,8 ( -2,3) балл;
- Өзгөчө кырдаалдар министрлиги — 44,6 (-1,1);
- Жергиликтүү мамлекеттик администрация — 44,2 (-47,6);
- Өкмөттүн облустагы ыйгарым укуктуу өкүлдөрү — 47,2 (-3,5);
- Жергиликтүү өз алдынча башкаруу органдары — 40,4 (+0,1);
- Экономика министрлиги — 15,1 (-5,5)
- Мамлекеттик мүлктү башкаруу фонду — 14,2 (-2,5)
- Мамлекеттик соттук-экспертиза кызматы — 13,3;
- Жаза аткаруу мамлекеттик кызматы — 10,3 (-1,3);
- Мамлекеттик бажы кызматы — 3,6 (-1,5)
РФте жүргөн мигранттар 15-мартка чейин документтерин иретке келтириши керек
(жаңыланган 18:29 20.01.2021)
Эгер Россияда туруктуу же убактылуу жүргөн кыргыз жарандары коюлган талаптарды аткарбаса, өлкөдөн чыгарылып, кайра кирүүгө тыюу салынмакчы.БИШКЕК, 20-янв. — Sputnik. Кыргызстандын Россияда иштеп жүргөн жарандары ушул жылдын 15-мартына чейин документтерге байланыштуу иштерин бүтүрүп алышы керек. Бул тууралуу Кыргызстандын РФтеги элчилигинен билдиришти.
Маалыматка караганда, Россия президенти "COVID-19 инфекциясынын андан ары жайылуу коркунучуна байланыштуу чет өлкөлүк жарандардын укуктук абалын жөнгө салуу боюнча убактылуу чараларды узартуу жөнүндө" жарлыкка кол койгон. Документтеги талаптарга ылайык, төмөнкүлөрдү аткаруусу зарыл:
- ID-card же жалпы жарандык паспортту жарактуу мөөнөтү бүткөн соң өз убагында алмаштыруу;
- Россиянын аймагында жүрүү үчүн документтерин (убактылуу жашоого уруксат, мөөнөтү бүткөндүгү тууралуу белгиси менен миграциялык карта, каттоосу) Россиянын мыйзамдарына ылайык калыбына келтирүү;
- зарыл болгон учурда жумуш берүүчүлөр менен эмгек келишимдерин жана контрактыларын узартуу;
- административдик укуктарды бузгандыгы үчүн салынган айыптарын жоюу;
- Россиянын аймагынан өз эрки менен чыгып кетүү (эгер мурда өлкөдөн чыгаруу боюнча чечим кабыл алынган болсо).
Эгер Россияда туруктуу же убактылуу жүргөн кыргыз жарандары жогорудагы талаптарды аткарбаса, өлкөдөн чыгарылып, кайра кирүүгө тыюу салынмакчы.