30-декабрда Бишкектин кайсы райондорунда жарык өчөт? Тизме
БИШКЕК, 29-дек. — Sputnik. 30-декабрь күнү Бишкектин бир катар көчөлөрүндө, жаңы конуш жана кичи райондорунда электр жарыгын өчүрүү пландалууда. Бул тууралуу "Түндүк электр" ишканасынын маалымат кызматы кабарлады.
Бул күнү оңдоо иштери жүрүп, адистер трансформатор жана электр зымдарын текшерип, оңдоп-түздөлө турганы айтылды.
Өчүрүү графиги:
- 9:00дөн 12:00гө чейин — Мурас-Ордо көчөсү;
- 9:00дөн 17:00гө чейин — Ак-Босого жаңы конушу, (Чүй көчөсү, 23-28);
- 9:30дан 17:00гө чейин — Ташкент жана Манас көчөлөрүнүн бөлүктөрү. Мындан сырткары, Арча-Бешик жаңы конушундагы Абдрахманов, Шералиев, Чортеков, Кара-Көө, Он-Арча, Бах, Миң-Куш көчөлөрү;
- 12:00дөн 15:00гө чейин — Достук кичи району;
- 15:00дөн 18:00гө чейин — Эгинчиев көчөсүнүн бир бөлүгү.
Белгилер:
Бишкекте мугалимдер онлайн-сабак өтпөй жатса арызданууга болот. Номерлер
БИШКЕК, 23-янв. — Sputnik. Бишкек шаарынын вице-мэри Айжан Чыныбаева мугалимдер онлайн-сабакты өтпөй жатса кабарлап коюуну өзүнүн Facebook баракчасы аркылуу өтүндү.
Эске салсак, 18-январдан тарта борбор калаада 1, 5, 9 жана 11-класстын окуучулары мектепке барып окуй баштады. Ошол эле учурда бул класстын айрым окуучулары шартына жараша үйдөн да билим алса болору белгиленген. Аларга мугалим өзүнчө сабак өтөт, мындан сырткары, телеканалдарда телесабактар көрсөтүлөт.
"Социалдык тармактарда айрым мугалимдер онлайн-окутууну үзгүлтүккө учуратып, сабак өтпөй жатат деген маалыматтар пайда болду. Бул маалымат чындыкка дал келбейт. Биз жакынкы убакытта балдардын бардыгы окууну кадимкидей тартипте улантарына ишенебиз", — деп жазган Чыныбаева.
Вице-мэр окуу процессине байланыштуу педагогдор тарабынан мыйзам бузуулар болсо 0709 24 02 84 WhatsApp номерине кабарлап коюуну өтүндү.
Белгилер:
Балдар үчүн кинофильмдин сценарийине сынак жарыяланды
БИШКЕК, 23-янв. — Sputnik. Төлөмүш Океев атындагы "Кыргызфильм" улуттук киностудиясы балдар үчүн кинофильмдин сценарийине сынак жарыялады. Бул тууралуу Маданият, маалымат жана туризм министрлигинен кабарлады.
Ага ылайык, арыздар "Кыргызфильм" киностудиясынын электрондук почтасы аркылуу кабыл алынат.
Сценарийдин тиркемесине төмөнкүлөр кирет:
- болжолдуу аталышы;
- жанр;
- убакыт;
- логлайн (кыскача баяндоо);
- синопсис (кыскача мааниси).
"Сценарийлер америкалык форматта гана кабыл алынат. Ал эми тиркемелери менен өзү кыргыз тилинде жазылышы шарт. Жеңүүчүлөрдүн эмгеги киностудиянын расмий сайтына жарыяланат", — деп айтылат маалыматта.
Мыкты эмгектин ээсине 100 000 сом гонорар төлөнүп бериле турганы кошумчаланды.
Белгилер: