Жаңы жылдык балаты Бишкектеги Ала-Тоо аянтында

Жаңы жылга карата аба ырайы

131
30-31-декабрда жана 1-январь түнкүсүн көпчүлүк аймактарда жаан-чачын күтүлбөйт. 1-январда күндүз Бишкектен башка облустарга кар жаашы ыктымал.

БИШКЕК, 30-дек. — Sputnik. Кыргызгидромет бул аптада, анын ичинен Жаңы жылда аба ырайы кандай боло турганын маалымдады.

Билдирмеге ылайык, 30-31-декабрда жана 1-январь күнү түнкүсүн көпчүлүк аймактарда жаан-чачын күтүлбөйт.

1-январь күндүз Бишкектен башка облустарга кар жаашы ыктымал. Кыргызгидромет Жаңы жылдын биринчи күнү туман түшүүсү мүмкүн экенин да божомолдоду.

31-декабрда абанын температурасы Чүй, Талас облустарында -1…-6, Ош, Жалал-Абад, Баткен жана Ысык-Көлдө -2…+3 градус, Нарында -4…-9 градуска чейин суук болушу мүмкүн. Бишкекте абанын температурасы -2…-4 градуска төмөндөшү ыктымал.

1-январда Бишкек шаарында абанын температурасы -3…-5 градус суук болсо, Чүй менен Таласта -2…-7, Баткен, Жалал-Абад, Ош, Ысык-Көл облустарында -3…+2, Нарында -5…-10 градус суук болушу күтүлөт.

131
Белгилер:
божомол, Жаңы жыл, Кыргызгидромет, аба ырайы
Тема боюнча
Кылычын кайраган кыштын керемети. Бишкектин 12 сүрөтү
Кыз апасы менен кинотеатрда. Архив

Балдар үчүн кинофильмдин сценарийине сынак жарыяланды

7
Сценарий жазууга катышууну каалагандардын арызы "Кыргызфильм" киностудиясынын электрондук почтасы аркылуу кабыл алынат.

БИШКЕК, 23-янв. — Sputnik. Төлөмүш Океев атындагы "Кыргызфильм" улуттук киностудиясы балдар үчүн кинофильмдин сценарийине сынак жарыялады. Бул тууралуу Маданият, маалымат жана туризм министрлигинен кабарлады.

Ага ылайык, арыздар "Кыргызфильм" киностудиясынын электрондук почтасы аркылуу кабыл алынат.

Сценарийдин тиркемесине төмөнкүлөр кирет:

  • болжолдуу аталышы;
  • жанр;
  • убакыт;
  • логлайн (кыскача баяндоо);
  • синопсис (кыскача мааниси).
"Сценарийлер америкалык форматта гана кабыл алынат. Ал эми тиркемелери менен өзү кыргыз тилинде жазылышы шарт. Жеңүүчүлөрдүн эмгеги киностудиянын расмий сайтына жарыяланат", — деп айтылат маалыматта.

Мыкты эмгектин ээсине 100 000 сом гонорар төлөнүп бериле турганы кошумчаланды.

7
Белгилер:
балдар, кино, сынак, сценарий
Тема боюнча
"Акыркы көч" тасмасы Дакка эл аралык кинофестивалына катышууда
Китепканадагы кыз. Архивдик сүрөт

Кыргызстанда эркектерге караганда аялдар билимдүүрөөк. Статистика

17
Туруктуу жумушу бар аялдардын арасында 27 пайызы жогорку билимдүү болсо, эркектер арасында бул көрсөткүч 18 гана пайызды түзөт.

БИШКЕК, 23-янв. — Sputnik. Иштеген жарандардын арасынан карай турган болсок, Кыргызстанда кесиптик билими бар эркектерге караганда аялдар басымдуулук кылат. Бул тууралуу Улуттук статистика комитетинен билдиришти.

Тагыраагы, иши бар аялдардын арасында 27 пайызы жогорку билимдүү болсо, эркектер арасында бул көрсөткүч 18 гана пайызды түзөт.

Кыз-келиндердин билимге умтулганын мындан билсек болот, 2019-2020-окуу жылында ЖОЖдордун студенттеринин 52 пайызын кыздар түзгөн. Ал эми орто кесиптик окуу жайларда окугандардын 56 пайызы кыздар. Ошондой эле аспирантурада окуп жаткан жарандардын ичинен 59 пайызы, докторантурада 67 пайызы аял кишилер.

Учурда кыргызстандык кыз-келиндер көбүнесе билим берүү, кеңири керектелүүчү товарлардын технологиясы, саламаттык сактоо, маданият, искусство, сервис сыяктуу адистиктерде окушат.

17
Белгилер:
билим, эркек, аял, Кыргызстан
Тема боюнча
Узаган жылы пенсия менен жөлөк пулга канча каражат жумшалган. Статистика