Медициналык кызматкер ооруканада

Кечээтен бери 189 кишиден COVID аныкталып, бир адам кайтыш болду

111
(жаңыланган 09:36 30.12.2020)
Учурда ооруканаларда 1 165 бейтап коронавирустан дарыланып жатат. Анын ичинен 313 адамдын абалы оор болсо, 55 кишинин абалы өтө оор деп бааланды.

БИШКЕК, 30-дек. — Sputnik. Өткөн суткада коронавирус 189 кишиден табылып, 290 бейтап айыкты. Бул тууралуу Республикалык штаб маалымдады.

Жуктургандар:

  • Бишкек – 65;
  • Чүй облусу – 63;
  • Ош облусу – 13;
  • Талас облусу – 3;
  • Нарын облусу – 3
  • Ысык-Көл облусу – 24;
  • Жалал-Абад облусу – 10;
  • Баткен облусу – 8.

Айыккандар:

  • Бишкек – 93;
  • Чүй облусу – 96;
  • Ош облусу – 17;
  • Талас облусу – 3;
  • Нарын облусу – 7;
  • Ысык-Көл облусу – 36;
  • Жалал-Абад облусу – 23;
  • Баткен облусу – 7;
  • Ош шаары – 8.

Кечээтен бери Бишкекте коронавирустан бир адам каза тапкан.

Ушуну менен COVID-19 жуктургандардын саны 80 843кө жетип калды. Анын ичинен 75 624ү айыкса, 1 354 бейтап бул дүйнө менен кош айтышкан.

Учурда ооруканаларда 1 165 бейтап коронавирустан дарыланып жатат. Анын ичинен 313 адамдын абалы оор болсо, 55 кишинин абалы өтө оор деп бааланууда.

Бир сутка ичинде өлкө боюнча төрт медицина кызматкери коронавирус жуктуруп алган. Анын ичинен бирөө илдетти кызыл зонадан илештирип алганы айтылды.

111
Белгилер:
медик, өлүм, оору, статистика, коронавирус
Тема:
Кыргызстандагы коронавирус жуктуруп алгандар (1515)
Тема боюнча
Пандемия КРдеги бүлөлөрдүн тең жарымынын кирешесин азайтты. Иликтөө
Түркияга кирүү үчүн маалым кат даярдоо шарттары өзгөрдү
Автоунаа айдаган киши. Архив

Бишкекте электрондук айдоочулук күбөлүктүн пилоттук долбоору ишке кирет

3
Аталган долбоор пилоттук негизде адегенде Бишкек шаарында башталат. Электрондук документтер мобилдик тиркемелер аркылуу сунушталат.

БИШКЕК, 23-янв. — Sputnik. Быйыл санариптештирүүнүн алкагында айдоочулук күбөлүктөрдү жана автоунаалардын паспортторун электрондук түргө өткөрүү пландаштырылууда. Бул тууралуу Мамлекеттик каттоо кызматы билдирди.

Маалыматта айтылгандай, аталган долбоор пилоттук негизде адегенде Бишкек шаарында башталат.

"Пилоттук түрдө сыналуучу долбоордо унаа башкарган адамдар бет түзүлүшү аркылуу идентификацияланып, келечекте айдоочунун күбөлүгүн жана унаанын документин каттоо электрондук түргө өтүүгө мүмкүндүк берет. Электрондук документтер мобилдик тиркемелер аркылуу сунушталат", — деп айтылат маалыматта.

Өткөн жылы "Унаа" ишканасы тарабынан автонуааларга 413 миң 218 мамлекеттик номер белгилери, 250 миң 038 транспорт каражатын каттоо тууралуу күбөлүктөр берилген.

Ал эми эл аралык үлгүдөгү айдоочулук күбөлүк алгандардын саны 189 миң 526 адамга берилген.

3
Тема боюнча
Автоунаа номерлерин сатуудан өлкө бюджети 70 млн. сомго толукталды
"Унаа" ишканасынын кызматтары 1-январдан тарта арзандайт. Жаңы тариф
Колл-центрдин ишкери. Архив

Бишкекте мугалимдер онлайн-сабак өтпөй жатса арызданууга болот. Номерлер

14
Ушул жумадан тарта борбор калаада 1, 5, 9 жана 11-класстын окуучулары мектепке барып окуй баштады. Калган класстар аралыктан билим алууну улантууда.

БИШКЕК, 23-янв. — Sputnik. Бишкек шаарынын вице-мэри Айжан Чыныбаева мугалимдер онлайн-сабакты өтпөй жатса кабарлап коюуну өзүнүн Facebook баракчасы аркылуу өтүндү.

Эске салсак, 18-январдан тарта борбор калаада 1, 5, 9 жана 11-класстын окуучулары мектепке барып окуй баштады. Ошол эле учурда бул класстын айрым окуучулары шартына жараша үйдөн да билим алса болору белгиленген. Аларга мугалим өзүнчө сабак өтөт, мындан сырткары, телеканалдарда телесабактар көрсөтүлөт.

"Социалдык тармактарда айрым мугалимдер онлайн-окутууну үзгүлтүккө учуратып, сабак өтпөй жатат деген маалыматтар пайда болду. Бул маалымат чындыкка дал келбейт. Биз жакынкы убакытта балдардын бардыгы окууну кадимкидей тартипте улантарына ишенебиз", — деп жазган Чыныбаева.

Вице-мэр окуу процессине байланыштуу педагогдор тарабынан мыйзам бузуулар болсо 0709 24 02 84 WhatsApp номерине кабарлап коюуну өтүндү.

14
Белгилер:
кайрылуу, мугалим, окуу, Бишкек мэриясы
Тема боюнча
Бишкектеги мектептерге 53,5 миңден ашуун окуучу бара баштады