20 жаштагы Лаззат Нуркожоева

"Кыргызстан сулуусу" болгон кыз Садыр Жапаровдун тууганыбы? Уюштуруучунун жообу

665
(жаңыланган 14:59 30.12.2020)
Конкурса катышууга 150 талапкер ниеттенип, анын ичинен жарым финалга 80 кыз чыккан, ал эми финалда 31 бийкеч ат салышты.

БИШКЕК, 30-дек. — Sputnik. Борбор калаадагы ресторандардын биринде кечээ, 29-декабрда, "Кыргызстан сулуусу - 2020" сулуулук сынагы өттү.

Конкурстун уюштуруучусу Рыскүл Намазбекова алгач тандоо туруна 150 талапкер келгенин билдирди. Андан тандалып жарым финалга 80 кыз чыса, ал эми финалда 31 бийкеч ат салышкан.

  • Конкурстун уюштуруучусу Рыскүл Намазбекова алгач тандоо туруна 150 талапкер келгенин билдирди. Андан тандалып жарым финалга 80 кыз чыса, ал эми финалда 31 бийкеч ат салышкан
    Конкурстун уюштуруучусу Рыскүл Намазбекова алгач тандоо туруна 150 талапкер келгенин билдирди. Андан тандалып жарым финалга 80 кыз чыса, ал эми финалда 31 бийкеч ат салышкан
    © Фото / Азамат Матысаев
  • Жыйынтыгында 20 жаштагы Лаззат Нуркожоева сынактын баш байгесине ээ болду
    Жыйынтыгында 20 жаштагы Лаззат Нуркожоева сынактын баш байгесине ээ болду
    © Фото / Азамат Матысаев
  • Биринчи вице-мисс титулу Алтынай Ботоярова
    Биринчи вице-мисс титулу Алтынай Ботоярова
    © Фото / Азамат Матысаев
  • Экинчи вице-мисс Алина Болотбекова
    Экинчи вице-мисс Алина Болотбекова
    © Фото / Азамат Матысаев
1 / 4
© Фото / Азамат Матысаев
Конкурстун уюштуруучусу Рыскүл Намазбекова алгач тандоо туруна 150 талапкер келгенин билдирди. Андан тандалып жарым финалга 80 кыз чыса, ал эми финалда 31 бийкеч ат салышкан

Жыйынтыгында 20 жаштагы Лаззат Нуркожоева сынактын баш байгесине ээ болду. "Биринчи вице-мисс" титулу Алтынай Ботояровага, экинчи вице-мисс Алина Болотбековага буйруган.

"Сынактын жеңүүчүсүнө баш байгеге BMW X5 автоунаасы берилди. Алтынай кийинки жылы "Дүйнө сулуусу" эл аралык конкурсуна өлкө атынан катышат. Алина болсо Египетке эс алууга жолдомо утуп алды", — деди Намазбекова.

Ал арада социалдык тармактарда Лаззат президенттикке талапкер Садыр Жапаровдун бир тууганы Дөөлөтбек Жапаровдун кызы экени талкууга түштү.

Участницы финала национального конкурса красоты Мисс Кыргызстан — 2020
© Фото / Азамат Матысаев
Ал арада социалдык тармактарда Лаззат президенттикке талапкер Садыр Жапаровдун бир тууганы Дөөлөтбек Жапаровдун кызы экени талкууга түштү
"Лаззаттын президенттикке талапкер менен тууганчылыгы боюнча айтсам, ал ийгиликтүү модель, көп жылдан бери улуттук сулуулук сынактарына катышып келет. 2016-жылы "Бишкектин топ-модели" титулун алган. Былтыркы сынакка катыша албай калган. Быйылкыга пландаган экен. Сынактын кастингдери сентябрда өткөнүн, ал эми өлкөдө саясий окуялар октябрда болгонун белгилеп кетким келет", — деди Намазбекова.
Посмотреть эту публикацию в Instagram

Публикация от @nurkozhoeva_

Учурда Лаззат Нуркожоева Кыргыз юридика академиясында үчүнчү курста окуйт. Окуудан сырткары ал таэквондо менен алектенет.

665
Белгилер:
Садыр Жапаров, туугандар, жеңүүчү, сулуулук сынагы
Тема боюнча
Уят болчу! Кыргызстандагы алгачкы сулуулук сынагы кантип өткөн. Видео
Кыргыз сулуусу Untact Face of Asia сынагынын жарым финалына өттү. Видео

Түрмөдөн чыгып тактыга отурган президенттер. Садыр Жапаров өңдүүлөр көппү

0
Айрым дүйнөлүк лидерлер саясий олимпке чыгаардын алдында эркинен ажыратылып, абакта болушкан. Sputnik Кыргызстан ушундай башчылар тууралуу түрмөк даярдады.

Алдын ала маалыматтарга ылайык, 10-январда өткөн кезексиз президенттик шайлоодо Садыр Жапаров утуп чыкты. Ал 16 атаандашын артта калтырып, шайлоого катышкан кыргызстандыктардын дээрлик 80 пайыз добушуна ээ болгон. Андан кийинки сапта жетиден кем пайыз алган Адахан Мадумаров. Калган талапкерлер үч пайызга да жетпеген добуш алышты.

Жапаров саясатка түз эле түзөтүү колониясынан келди. Мурдагы эл өкүлү мамлекеттик кызматкерди барымтага алган деген айып менен жазасын өтөп жаткан. 4-октябрда өткөн парламенттик шайлоонун жыйынтыгына нааразылыктан улам башталган элдик толкундоолордун экинчи күнүндө аны тарапташтары бошоткон. Алты күн өтпөй Жапаров премьер-министрлик кызматка бекиген. Дагы беш күндөн кийин президент Сооронбай Жээнбековду отставкага кетүүгө мажбурлап, өзү мамлекет башчысынын милдетин аткаруучу болуп калган. Бийликке "түрмө аркылуу" келген башка өлкөлөрдүн башчыларын эске салууну чечтик.

Фидель Кастро

Кубалык революционер жана мамлекеттик ишмер 1953-жылы Сантьяго-де-Куба шаарындагы Монкада аскердик казармаларга жасалган ийгиликсиз чабуулдан улам камалган. Дал ошондо алгач ирет "Эркиндик же өлүм!" деген айтылуу ураан жаңырган.

Көтөрүлүш аёосуз басылып, Фидель Кастро аскердик трибуналга чыккан. Он беш жылга кесилген, бирок 1955-жылдын май айында коомдук пикирдин басымы алдында козголоңчуга ырайым берилген. Ошол эле жылы ал Мексикага жер которот.

Кастронун доору Кубада 1959-жылы, тагыраагы, революция жеңип жана Фульхенсио Батистанын диктатурасы кулатылганда башталган. Январда Кастро армиянын командачылыгын өз көзөмөлүнө алып, ал эми февралда өкмөт башчысынын ордун ээлеген. Өлкөнү дээрлик жарым кылым, 2008-жылга дейре жетектеп турган. Акыркы жылдары мамлекетти башкаруудан четтеп, бийликти иниси Рауль Кастрого өткөрүп берген. Ал киши да кезегинде көтөрүлүшчүлөр армиясында күрөшкөн.

Иосип Броз Тито

Балкандардагы эң белгилүү саясатчылардын бири Иосип Броз Тито мамлекет башына келгенге чейин темир тор аркасына эки ирет түшкөн. Адегенде бул Биринчи дүйнөлүк согуш убагында болгон, ага болочоктогу жол башчы Австрия-Венгрия императордук армиясынын курамына чакырылган.

Тито эмне себеп менен, кандай шарттарда кесилгени так белгисиз. Бир версияга ылайык, козголоңго азгыргандыгы, дагы бир версияга ылайык, ал орустар менен качууга ниети үчүн камакка алынганы айтылат. Кандай болгон күндө да көп өтпөй толук акталып чыккан.

Экинчи жолу 1928-жылы беш жылдан ашуун мезгилге кесилип, жазасын оор шартта өтөгөн. 1934-жылы март айында абактан чыгат. Азаттыкка чыккан соң Югославиянын Коммунисттик партиясынын жетекчилеринин бири болгон.

1948-жылы премьер-министр жана Тышкы иштер министрлигин аркалаган, ал эми 1953-жылы Тито президент болуп шайланат. Бул кызматты өмүрүнүн аягына дейре, тагыраагы, 1980-жылдын май айына дейре ээлеген.

Вацлав Гавел

1989-жылдын 29-декабрында Чехословакияда бийликке драматург, социалисттик түзүлүштүн айтылуу сынчысы Вацлав Гавел келген. Эч кандай саясий тажрыйбасы жок киши посткоммунисттик Чехословакиянын тун президенти болот. Ал эми өлкө экиге бөлүнгөн соң Чехияны жетектеп калат. Бийликке келгенче бир нече ирет камалып чыккан. Биринчисинде 1977-жылы мамлекеттик кызматкерге кол салганы үчүн айыпталган эле. Гавел абакта бир нече ай отурган, андан соң кылмыш ишин токтотушкан.

1979-жылы ал мамлекеттик төңкөрүш жасоо аракети үчүн кайра 4,5 жылга камалган. Натыйжада Гавел жалган жалаа менен дагы эки мөөнөттүк жаза алганы айтылат. Президент болуп шайлангандан жарым жыл мурун толук жазасын өтөп чыккан.

Уго Чавес

Катаал, ошол эле убакта калктын сүймөнчүгү болгон венесуэлалык лидер Уго Чавес 1992-жылдын башында президент Карлос Андрес Перести тактысынан кулатуу аракети үчүн түрмөгө түшкөн. Анын жашыруун кыймылы тарабынан уюштурулган аскердик төңкөрүш 18 кишинин өмүрүн алып, полковник Чавес бийликке багынып бергенче 60 киши жаракат алган.

Болочок президент эки жыл абакта отурган, кийин "Бешинчи республика үчүн кыймыл" деп аталган партиясын түзөт. Чавес өкмөттү күч менен кулатууга бекем ишенген. Бирок тактикасын өзгөртүүгө аргасыз болуп, 1998-жылы президенттик шайлоого өз талапкерлигин коёт. Шайлоочулардын 56 пайыз добушуна ээ болуп, жыйынтыгында бийликке тынч жол менен келген. Элдин ишениминен тайбаган Чавес кийин үч жолу — 2000, 2006 жана 2012-жылдары президенттикке кайрадан шайланып келген.

Нельсон Мандела

Апартеид режимине каршы турган айтылуу күрөшчү Түштүк Африка Республикасынын президенти болгонго чейин 27 жыл абакта отурган.

Алгач ирет 1956-жылы камалган. Мандела жана Африкалык улуттук конгресстин 156 активисти мамлекетке чыккынчылык кылды деп айыпталган. Бирок Манделага тагылган айып төрт жылга созулган соттук процесстин жыйынтыгында алынган.

Көп өтпөй Мандела саботаж жана өкмөттү күч менен кулатууга аракет жасаган деген айып менен кайрадан абакка кирет. 1964-жылы ага өмүр бою эркинен ажыратуу өкүмү чыгарылат.

27 жылдын он жетисин ал жалгыз кишилик камерада өткөрүп, жарым жылда бир гана киши андан кабар алып жана бир гана кат алууга укугу болгон. Мандела өз эскерүүлөрүндө каттар көбүнчө абактык цензурадан өтпөй калганын жазган. Түрмөдө отурган убагында ал Лондон университетин сырттан окуп, юридикалык илимдердин бакалавр даражасын алган.

Аны 1990-жылы, Түштүк Африка Республикасына жаңы башчы келгенде гана бошотушкан. Эркиндикке чыккандан төрт жылдан кийин Мандела президенттик шайлоодо жеңип чыгып, бул кызматты 1999-жылга чейин аркалаган. 1993-жылы "апартеид режиминин аякташына тынч жол менен кошкон салымы жана Түштүк Африкада жаңы демократиянын негиздерин түптөгөнү үчүн" Нобелдин тынчтык сыйлыгына татыган.

Садыр Жапаров туурасындагы кызыктуу фактылар менен бул шилтеме аркылуу таанышсаңыз болот.

0
Белгилер:
бийлик, шайлоо, түрмө, президент, Садыр Жапаров
Тапанча кармаган адам. Архив

Ак-Талаа: акимдин кабинетинде тапанча менен чуу салган киши кармалды

21
(жаңыланган 12:30 16.01.2021)
Бул факты боюнча Ак-Талаа РИИБи тарабынан Жазык кодексинин 266-беренеси ("Бейбаштык") менен сотко чейинки өндүрүш ачылган.

БИШКЕК, 16-янв. — Sputnik. Ак-Талаа районунун Баетов айыл аймагында жайгашкан администрациясына тапанча көтөрүп кирип айыл акимди коркуткан киши кармалды. Бул туурасында Нарын облустук милициянын маалымат кызматы билдирди.

Милицияга 12-январь күнү саат 16:30дар чамасында колуна тапанча кармаган белгисиз мас киши келип ызы-чуу салып жатканы тууралуу маалымат түшкөн.

Ыкчам-тергөө тобу барганда 41 жаштагы А.Е. аттуу жергиликтүү тургун газ-пневматикалык тапанчаны эч кандай тийиштүү документи жок көтөрүп жүргөнү аныкталган.

“Мас абалында келген киши коомдук тартипти бузуп, мамлекеттик администрациянын жетекчисинин кабинетине кирип куралы менен чапкан. Денесине зыян келтирип, сөгүнүп, сабап саларын айтып коркуткан. Ошол учурда ал кармалып, 14-январда Ак-Талаа райондук сотунда баш коргоо чарасы тандалып, эки айга камалды”, — деп айтылат маалыматта.

Бул факты боюнча Ак-Талаа РИИБи тарабынан Жазык кодексинин 266-беренеси ("Бейбаштык") менен сотко чейинки өндүрүш ачылган.

Азыркы тапта тергөө иштери жүрүп жатат, тийиштүү соттук-медициналык экспертизалар дайындалган.

21
Белгилер:
Ак-Талаа району, коркутуу, кармоо, тергөө, милиция, мас
Тема боюнча
Жалал-Абадда көчө шыпырган аялды сабады деген шектүү кармалды
Бишкекте чет элдик жаранды коркуткан кылмыштуу топтун мүчөлөрү кармалды. Видео
Бишкекте жол талашкан айдоочуга курал такап жаткан киши кармалды