Мэрдин милдетин аткаруучу Балбак Түлөбаев

Башың жетпесе, кийлигишпе. Түлөбаев монорельс боюнча сын айткандарга жооп берди

179
Мэрдин милдетин аткаруучу эгер баары ойдогудай ишке ашса, бир рельстүү транспорт Караколго чейин жетерин белгилеген.

БИШКЕК, 30-дек. — Sputnik. Мэрдин милдетин аткаруучу Балбак Түлөбаев бир рельстүү транспорттун долбоору боюнча айтылып жаткан сын-пикирлерге жооп берди.

Буга чейин мэрия жерден 5-7 метр бийикте боло турчу бир рельстүү транспорттун долбоорун сунуштаган. Айрымдар аталган долбоорду колдой турганын айтышса, башкалары анын ишке ашуусунан күмөн санап, 2006-жылдан бери талкууланып, бирок ишке ашпай келе жатканын белгилешкен.

"Бул келечектин долбоору, аны биз ишке ашырышыбыз керек. Эгер аны сала турган болсок, Сеул, Ташкент же Кытайга караганда арзан болот. Бизде Аламүдүн жана Ала-Арча деген эки суу бар. Мына силерге жол, жаңысын куруп кереги жок. Алардын үстүнө бетон түркүктөрдү коюп кете бер. Баары даяр. Жерди казып, сатып алып кереги жок. Болгону системаны эле коюп койсо жетиштүү. Айрымдары бул "Балбактын фантазиясы, ал элди алдап жатат" деп жатышат. Эгер сенин башың, фантазияң жетпесе, анда кийлигишпей чайыңды кайнатып, элдин башын айлантпай үйдө отур", — деди Түлөбаев.

Мэрдин милдетин аткаруучу эгер баары ойдогудай ишке ашса, бир рельстүү транспорт Караколго чейин жетерин белгилеген.

Монорельс — эстакада аркылуу рельс менен жүрөт, эл ташуучу транспорттун бир түрү.

179
Белгилер:
транспорт, Балбак Түлөбаев, Бишкек
Тема боюнча
Мэрия 7 аяр үй-бүлөгө батир берди. Турак жай курууну улантуу каралууда
Түлөбаев: Бишкектеги мектеп, отканалардын баарын газга өткөрөм
Түлөбаев: эми жаңы конуштарды өнүктүрүүгө өзгөчө басым жасалат
Мэрдин милдетин аткаруучу бир нече район Бишкектин карамагына өтөрүн айтты
Ош шаардык спорт комитетинин мурдагы төрагасы Кылычбек Саркарбаев. Архивдик сүрөт

Сот Кылыч Саркарбаев үй камагына чыгарылганын тастыктады

23
(жаңыланган 11:44 19.01.2021)
Өткөн жылдын 21-декабрында Саркарбаевдин баш коргоо чарасы тандалып, эки айга тергөө абагына киргизилген болчу.

БИШКЕК, 19-янв. — Sputnik. Ош шаардык спорт комитетинин мурдагы төрагасы Кылычбек Саркарбаев соттун чечими менен үй камагына чыкты. Маалыматты Ош облустук сотунун маалымат катчысы Назгүл Исманова тастыктады.

Билдирүүгө ылайык, шаардык сот 16-январда Саркарбаевдин бөгөт чарасын үй камагына өзгөрткөн. Чечимдин негизинде ага соттун уруксатысыз Ош шаарынан башка аймакка чыгууга тыюу салынды, ошондой эле кечки 22:00дөн таңкы 6:00гө чейин үйүндө болушу шарт.

Ушул эле шаардык сот 21-декабрда Саркарбаевдин баш коргоо чарасын тандап, эки айга тергөө абагына киргизген.

Кылыч Саркарбаев паспортун жасалмалаган жана криминалдык иштерге аралашкан деген кине менен өткөн жылдын 27-декабрында кармалган.

УКМКнын маалыматына караганда, ал "Дженго" каймана аты бар уюшкан кылмыштуу топтун лидери Кадыр Досонов менен жакын мамиледе болгон.

Бул окуяга байланыштуу ал Ош шаардык спорт комитетинин жетекчиси кызматынан бошотулган.

Саркарбаев жыйынтыгы жокко чыгарылган 4-октябрдагы парламенттик шайлоого "Мекеним Кыргызстан" партиясы менен катышканы маалым.

23
Белгилер:
Кылычбек Саркарбаев, УКМК, өзгөртүүлөр, чара, сот
Тема боюнча
Ош шаардык спорт комитетине жаңы жетекчи дайындалды
Транспорт министрлигинин статс-катчысы 2,5 млн. сом төлөп абактан чыкты
Бейтаптан анализ алып аткан медайым. Архивдик сүрөт

Бир суткада 90 кишиден коронавирус табылып, үч бейтап көз жумду

36
(жаңыланган 11:44 19.01.2021)
Азыркы учурда 742 адам стационарларда дарыланып жатканы айтылды. Анын ичинен 37 бейтаптын абалы өтө оор деп бааланууда.

БИШКЕК, 19-янв. — Sputnik. Өткөн суткада өлкөдө 90 кишиден коронавирус табылды. Ошол эле маалда 145 бейтап ооруну жеңген. Бул тууралуу Республикалык штаб кабарлады.

Жуктургандар:

  • Бишкек – 21;
  • Чүй облусу – 37;
  • Ош облусу – 1;
  • Нарын облусу – 2;
  • Ысык-Көл облусу – 23;
  • Жалал-Абад облусу – 3;
  • Баткен облусу – 3.

Ушуну менен коронавирус жуктургандардын саны өлкөдө 83 268ге жетти.

Айыккандар:

  • Бишкек – 61;
  • Ош шаары – 2;
  • Чүй облусу – 45;
  • Ош облусу – 4;
  • Талас облусу – 2;
  • Нарын облусу – 2;
  • Ысык-Көл облусу – 22;
  • Жалал-Абад облусу – 5;
  • Баткен облусу – 2.

Оору илештиргендердин басымдуу бөлүгү, тагыраагы, 79 249 бейтап айыккан.

Тилекке каршы, өткөн суткада коронавирус үч адамдын өмүрүн алган. Анын экөө Бишкектен, бири Ошто болчу.

Азыркы учурда 742 адам стационарларда дарыланып жатканы айтылды. Анын ичинен 220сынын абалы оор болсо, 37 бейтаптын абалы өтө оор деп бааланууда.

Өткөн суткада бир да медиктен коронавирус аныкталган эмес.

36
Белгилер:
өлүм, медик, оору, статистика, коронавирус, Кыргызстан
Тема:
Кыргызстандагы коронавирус жуктуруп алгандар
Тема боюнча
КР калкынын канчасында коронавируска каршы антитело бар? Изилдөөнүн жыйынтыгы
Россияда "британиялык" штамм мартта күч алары болжолдонууда
ӨКМ кызматкери өрт өчүрүү учурунда. Архив

Түндө жана таңда чыккан өрт эки адамдын өмүрүн алды

0
(жаңыланган 11:53 19.01.2021)
Адам өмүрүн алган кырсыктардын бири Бишкек шаарында, экинчиси Чүй облусунда катталган. Учурда өрттүн себептери такталууда.

БИШКЕК, 19-янв. — Sputnik. Өткөн суткада өрттөн эки киши каза болгондугун Өзгөчө кырдаалдар министрлигинен билдиришти.

Маалыматка ылайык, адам өмүрүн алган кырсыктардын бири Бишкек шаарында, экинчиси Чүй облусунда катталган.

"Түнкү саат 03:45 чамасында Панфилов районундагы Каптал-Арык айылында турак үйдүн чатыры жана ичи күйгөн. Анын кесепетинен 48 жаштагы адам каза болгон. Ал эми таңда, саат 05:19га чукул, Бишкектеги Васильевский тар көчөсүндө жалпы аянты 160 чарчы метр курулуш вагону толугу менен жана Volvo үлгүсүндөгү автоунаанын прицеби күйгөн. Өрт бир адамдын өмүрүн алып кеткен", —  деп айтылат маалыматта.

ӨКМ соңку сутканын ичинде өлкө аймагында 13 өрт кырсыгы катталып, аларды өчүрүүгө 16 бригада тартылгандыгын кошумча билдирди.

0
Белгилер:
түтүн, Чүй облусу, Бишкек, кырсык, өлүм, өрт
Тема боюнча
Өзгөн: клиникадагы өрт. Бир адам ооруканага түшүп, 11 кишини алып чыгышты