Калкты тейлөө борбору. Архив

Каттоо кызматынын бөлүмдөрү январдын башында кандай иштейт? График

110
Калкты тейлөө борборлору, калкты жана транспортту каттоо, паспорттоштуруу бөлүмдөрү, почта, архив, нике каттоо кызматтары 2021-жылдын 4-январынан тарта кадимки тартипте иштеп баштайт.

БИШКЕК, 31-дек. — Sputnik. Мамлекеттик каттоо кызматынын бөлүмдөрү 1-3-январь күндөрү жана 7-8-январда иштебейт. Бул тууралуу аталган мекеменин маалымат кызматы кабарлады.

Эске салсак, 1-2-3-январда (жума, ишемби, жекшемби) кыргызстандыктар эс алат.

"Мамлекеттик каттоо кызматынын борбордук аппараты, калкты тейлөө борборлору, калкты жана транспортту каттоо, паспорттоштуруу бөлүмдөрү, почта, архив, нике каттоо кызматтары 2021-жылдын 4-январынан тарта кадимки тартипте иштеп баштайт. Калган күндөрү жумуш штаттык режимде жүрөт. Калкты тейлөө, каттоо кызматтарына барарда календарды карап алууну эскертебиз", — деп айтылат маалыматта.

Кыргызстанда 7-январь күнү православдардын Рождество майрамы белгиленсе, шайлоочулар жашаган жери боюнча президенттик шайлоого жана референдумга добуш берип жетишүү үчүн 8-январь да эс алуу күн деп белгиленди. Референдум жана президенттик шайлоо өлкөдө 10-январда өтөт.

110
Белгилер:
эс алуу, график, тейлөө, Мамлекеттик каттоо кызматы
Тема боюнча
Бишкекте коомдук транспорттун графиги эки күнгө өзгөрөт
Медицинский работник берет у женщины образец мазка из носа для теста на COVID-19 в центре тестирования в Брюсселе (Бельгия). 14 января 2021 года

Бир суткада 90 кишиден коронавирус табылып, үч бейтап көз жумду

0
Азыркы учурда 742 адам стационарларда дарыланып жатканы айтылды. Анын ичинен 37 бейтаптын абалы өтө оор деп бааланууда.

БИШКЕК, 19-янв. — Sputnik. Өткөн суткада өлкөдө 90 кишиден коронавирус табылды. Ошол эле маалда 145 бейтап ооруну жеңген. Бул тууралуу Республикалык штаб кабарлады.

Жуктургандар:

  • Бишкек – 21;
  • Чүй облусу – 37;
  • Ош облусу – 1;
  • Нарын облусу – 2;
  • Ысык-Көл облусу – 23;
  • Жалал-Абад облусу – 3;
  • Баткен облусу – 3.

Ушуну менен коронавирус жуктургандардын саны өлкөдө 83 268ке жетти.

Айыккандар:

  • Бишкек – 61;
  • Ош шаары – 2;
  • Чүй облусу – 45;
  • Ош облусу – 4;
  • Талас облусу – 2;
  • Нарын облусу – 2;
  • Ысык-Көл облусу – 22;
  • Жалал-Абад облусу – 5;
  • Баткен облусу – 2.

Оору илештиргендердин басымдуу бөлүгү, тагыраагы, 79 249 бейтап айыккан.

Тилекке каршы, өткөн суткада коронавирус үч адамдын өмүрүн алган. Анын экөө Бишкектен, бири Ошто болчу.

Азыркы учурда 742 адам стационарларда дарыланып жатканы айтылды. Анын ичинен 220сынын абалы оор болсо, 37 бейтаптын абалы өтө оор деп бааланууда.

Өткөн суткада бир да медиктен коронавирус аныкталган эмес.

0
Белгилер:
өлүм, медик, оору, статистика, коронавирус, Кыргызстан
Тема:
Кыргызстандагы коронавирус жуктуруп алгандар
Люди идут по новому подземному пешеходному переходу между станциями Динамо Замоскворецкой линии и Петровский парк Большой кольцевой линии (БКЛ) метро в Москве.

Россияда "британиялык" штамм мартта күч алары болжолдонууда

0
Декабрь айынын орто ченинде Улуу Британияда SARS-CoV-2 деп аталган коронавирустун жаңы мутациясы пайда болгону тастыкталган.

БИШКЕК, 19-янв. — Sputnik. COVID-19дун британиялык штаммы Россияда март айында кенен жайылышы мүмкүн. Бул тууралуу Жорж Мейсон университетинин Системалык биология мектебинин профессору Анча Баранова билдиргенин РИА Новости жазды.

Анын айтымында, жаңы штамм буга чейин аныкталган вируска караганда жугуу мүмкүнчүлүгү бир кыйла жогору.

"АКШда "британиялык" штамм менен катталган бейтаптардын саны көбөйүүдө. Америкалык Ооруну көзөмөлдөө жана алдын алуу борбору АКШда март айында дал ушул штамм негизги көйгөй болорун болжолдоду. Мен Россияда да ушундай эле көрүнүш болот деген ойдомун", — деген Баранова.

Биологдун айтымында, узак убакытка чейин шарттуу түрдө коопсуз делген байланыштардан эми оору жугушу мүмкүн.

"Мурда сиз коронавируска кабылган бейтап менен 15 мүнөткө чейин сүйлөшсөңүз да илдет жукчу эмес. "Британиялык" штаммда бул көрүнүш жок дегенде беш мүнөткө чейин кыскарат. Так убакытты эч ким эсептей элек, бирок эски вирусту жаңысына алмаштыруу процесси ушундай болуп жатат. "Британиялык" штаммды алып жүрүүчүлөрдөн башкалар жугузуп алышат. Ал эми жаңы штамм эски вируска караганда тез жайылат. Вакцина ооруну кубалап чыгат деген үмүт бар", — деп белгиледи ал.

Профессор белгилегендей, Россияда жаңы штамм аныкталган бир учур катталып, бейтап обочолонгон. Бул аныкталган гана учур, аба каттамдары толук токтотулган эмес. РФке "британиялык" штамм катталган көптөгөн өлкөлөрдөн адамдар учуп келүүдө.

"Россияда жаңы штамм менен катталган бир эле учур бар. Өлкөгө үч айдан бери илдет жуктурган бир эле киши келген деп айтууга болбойт", — деп белгиледи Баранова.

Декабрь айынын орто ченинде Улуу Британияда SARS-CoV-2 деп аталган коронавирустун жаңы мутациясы пайда болгону тастыкталган.

0
Белгилер:
Россия, илдет, коронавирус
Тема:
Дүйнөгө жайылган коронавирус