Ооруканадагы дарыгер. Архив

191 киши коронавирус жуктуруп, бир адам кайтыш болду. Соңку статистика

96
(жаңыланган 10:37 31.12.2020)
Учурда ооруканада 1 093 бейтап COVID-19дан дарыланып жатат. Анын ичинен 279 адамдын абалы оор болсо, 46сынын абалы өтө оор деп бааланды.

БИШКЕК, 31-дек. — Sputnik. Өткөн суткада Кыргызстанда 191 кишиден коронавирус табылып, 294 бейтап ооруну жеңди. Бул тууралуу Республикалык штаб кабарлады.

Жуктургандар:

  • Бишкек – 77;
  • Ош шаары – 32;
  • Чүй облусу – 76;
  • Ош облусу – 16;
  • Талас облусу – 7;
  • Нарын облусу – 6;
  • Ысык-Көл облусу – 36;
  • Жалал-Абад облусу – 30;
  • Баткен облусу – 14.

Айыккандар:

  • Бишкек – 77;
  • Ош шаары – 32;
  • Чүй облусу – 76;
  • Ош облусу – 16;
  • Талас облусу – 7;
  • Нарын облусу – 6;
  • Ысык-Көл облусу – 36;
  • Жалал-Абад облусу – 30;
  • Баткен облусу – 14.

Кечээтен бери коронавирус Бишкектен бир адамдын өмүрүн алган.

Ушуну менен өлкөдө оору илештиргендердин саны 81 034кө жетти. Анын ичинен 75 918 бейтап дартты жеңсе, тилекке каршы, 1 355 адам кайтыш болду.

Учурда ооруканада 1 093 бейтап COVID-19дан дарыланып жатат. Анын ичинен 279 адамдын абалы оор болсо, 46сынын абалы өтө оор деп бааланды. 

Өткөн суткада Бишкекте эки медиктен коронавирус аныкталган. Ошол эле маалда 8 медицина кызматкери ооруну жеңип чыкканы белгилүү болду.

96
Белгилер:
Кыргызстан, статистика, коронавирус, оору
Тема:
Коронавируска байланыштуу Кыргызстандагы кырдаал (2490)
Тема боюнча
Пандемия КРдеги бүлөлөрдүн тең жарымынын кирешесин азайтты. Иликтөө

Тамак жасап, идиш жууган роботтун таң калтырган видеосу

10
CES 2021 деп аталган көргөзмөдө Moley Robotics компаниясы ашкана ишин кынтыксыз аткарган роботту элге тааныштырды. Анын кадимкидей эле тамак жасай аларын айтышты.

Роботтун эки колу бар, ал кудум адамдыкына окшош. Текчеден тиешелүү азык-түлүктү өзү эле алып, кууруп, бышырып, ал тургай күйгүзүп жибербей аралаштырып да турат. Отту азайтып же керек болсо көбөйтөт.

Бир нерсе төгүлүп же чачылып кетсе, жыйнап да коёру маалым болду. Идиш-аякты кадимкидей жууйт.

Түзүүчүлөр темир ашпозчунун эсине тамак-аш жасоонун беш миң ыкмасын киргизип коюшкан. Авторлор ээси тажап кетпеш үчүн кулинария китебин ай сайын жаңылап турууну пландап жаткандыктарын айтып беришкен.

Роботтун баасы учурда болжол менен 40,8 миң — 74,8 миң доллардын тегерегинде экендигин айтышты.

10
Белгилер:
кулинария, ашкана, тамак-аш, робот
Тема боюнча
Индияда роботтор COVID менен күрөшкөн дарыгерлерге жардамчы болууда. Видео
Окуучунун колун дезинфекция кылган мугалим. Архивдик сүрөт

Бишкектеги мектептерге 53,5 миңден ашуун окуучу бара баштады

23
(жаңыланган 10:26 19.01.2021)
Борбор калаада 1, 5, 9 жана 11-класстын окуучулары мектепке барып окуй баштады. Бүгүн ушул эле класстагы төрт миң бала аралыктан эле окууну туура көрдү.

БИШКЕК, 19-янв. — Sputnik. Бишкектеги мектептердин онлайн тартипте окутууга өткөн биринчи күнү 53,5 миңден ашуун бала барса, ушул эле окуучулардын 3 680 классташы аралыктан окуп жатат. Бул тууралуу мэриянын маалымат кызматы кабарлады.

Эске салсак, борбор калаада 1, 5, 9 жана 11-класстын окуучулары мектепке барып окуй баштады.

Ошондой эле алты миңден ашуун мугалим расписаниеге ылайык, кадимки жана аралыктан билим берүү тартибинде сабак өтүшкөн.

Маалыматта мектептер дезинфекциялык каражаттар, антибактериалдык самындар, санитайзер, термометр жана башкалар менен камсыздалганы айтылды.

23
Белгилер:
билим, окуучу, мектеп, Бишкек мэриясы
Тема:
Коронавируска байланыштуу Кыргызстандагы кырдаал (2490)
Тема боюнча
Эки топко бөлүнүп, 20-25 мүнөттөн окушат. Мектептеги окуу боюнча 6 суроого жооп
Абдылдаева: 2100 мектеп реалдуу режимде окуусун баштады