Ош шаары менен Таласта коронавирус катталган жок. Акыркы статистика
(жаңыланган 11:01 01.01.2021)
Оору азайганы менен COVID-19 илдетинен акыркы суткада бир киши көз жумган. Бул тууралуу Республикалык штаб кабарлады.БИШКЕК, 1-янв. — Sputnik. Кыргызстанда бир сутка ичинде 122 киши коронавирусту жуктурса, 230 бейтап ооруну жеңди. Бул тууралуу Республикалык штаб кабарлады.
Бир сутка ичинде COVID-19 U07.1 жана U07.2 катталган жаңы учурлар:
- Бишкек — 43;
- Чүй облусу — 39;
- Ош облусу — 7;
- Нарын облусу — 2;
- Ысык-Көл облусу — 25;
- Жалал-Абад облусу — 3;
- Баткен облусу — 3;
Жалпысынан дартка чалдыккандардын саны 81 156га жетти.
Соңку суткада COVID-19 илдетинен сакайып чыккандар, пневмонияны эсепке алганда:
- Бишкек — 94;
- Ош шаары — 6;
- Чүй облусу — 54;
- Ош облусу — 26;
- Талас облусу — 3;
- Нарын облусу — 3;
- Ысык-Көл облусу — 28;
- Жалал-Абад облусу — 7;
- Баткен облусу — 9.
Ал эми COVID-19 илдетинен акыркы суткада бир киши көз жумган. Анын Бишкек шаарында дарыланып жатканы айтылды. Дарттан көз жумгандар 1 356га жетти.
Учурда стационарда 991 бейтап дарыланууда. Алардын ичинен 13 адамдын абалы канааттандырарлык, 687си орточо, 241и оор, 50сү өтө оор абалда. Амбулатордук дарыланууда 1 746 бейтап бар.
COVID: Казакстанда өлгөндөрдүн саны көбөйүп, Нур-Султан кызыл зонага кирди
БИШКЕК, 16-янв. — Sputnik. Казакстанда акыркы 24 саат ичинде коронавирустан 12 адам көз жумду. Бул тууралуу Sputnik Казакстан агенттиги жазды.
Өткөн суткада коңшу өлкөдө бир миңден ашуун адамдан коронавирус жана пневмония аныкталган. Ушу тапта ооруканада коронавирустан 12 284 киши, пневмониядан 11 781 дарыланууда. Ал эми мурдагы суткада илдеттерден жети адам каза болгон.
Жалпысынан Казакстанда COVID-19га кабылгандардын саны бүгүн 213 855 кишиге жетти.
Өлкөдө абал жакшырбай жаткандыктан, Саламаттык сактоо министрлиги борбор калаа Нур-Султан шаарын кызыл зонага киргизди. Эми эрежеге ылайык, бул аймакка кайрадан бир катар чектөөлөр жарыяланмакчы. Азыр Нур-Султан менен кошо эң кооптуу аймактарга Акмоло жана Костанай облустары кирет.
Исакова: Бишкекте 18-январдан тарта 1, 5, 9, 11-класстар салттуу окуйт
Исакова: Бишкекте 18-январдан тарта 1, 5, 9, 11-класстар салттуу окуйт
18-январдан тарта Бишкектеги орто мектептер салттуу режимде окуй башташат. Бул тууралуу Чынара Исакова Sputnik Кыргызстан радиосуна маек куруп жатып билдирди.
Анын айтымында, балдарын мектепке жеткирип барган ата-энелер да эпидемиологиялык абалды эске алып, тиешелүү эрежелерди карманышы шарт.
"18-январдан тарта Бишкек мэриясына караган мектептер айрым класстардын окуучулары үчүн эшигин ачат. Алар 1, 5, 9 жана 11-класстын окуучулары. Жалпысынан 56 миңден ашуун окуучу барып окуйт. Бардык эпидемиологиялык шарттар эске алынды, мектептер даяр", — деди Исакова.
Адис бирдиктүү мектеп формасы талап кылынбастыгын, бирок дресс-кодду сактоо зарылдыгын кошумчалады.
Белгилер: