Жаңы жылдан кийин кыйналган киши. Архивдик сүрөт

Нарколог көп ичкен адам кантип баш жазышы керектигин айтты

298
Ичимдик ичкендин эртеси биринчи кезекте организмдеги суунун запасын толтуруу маанилүү экенин айтат адис.

БИШКЕК, 1-янв. — Sputnik. Нарколог Алексей Казанцев Россиянын Бешинчи каналына берген маегинде көп ичимдик ичкендин эртеси организмдеги гармония менен балансты калыбына келтирүү үчүн кеңештерди айтканын РИА Новости жазды.

Анын айтымында, биринчи кезекте организмдеги суунун запасын толтуруу маанилүү. Бул үчүн ысык жана муздак сууну алмак-салмак куюнуп, жуунуп чыгуу сунушталат.

"Ичкен адам эртең менен ичимдик жыттанып калат, канды тазалоо үчүн сөзсүз түрдө минералдык суу ичиш керек. Ошондой эле өзүнө келиши үчүн курамында белогу көп азыктарды жесе батыраак жеңилдейт. Анча куурулбаган омлет өтө жакшы тамак болуп берет. Ал ашказанында көйгөйү барлар үчүн да пайдалуу", — деди Казанцев.

Мындан сырткары, нарколог ичкендин эртеси организмдеги жетишсиз витаминдерди алууга кеңеш берди. Алар калий, магний же янтарь жана лимон кычкылтегин камтыган препараттар болушу мүмкүн.

Ал эми кофе менен сүттү ичүү такыр болбой турганын айтат, өзгөчө ашказан-ичеги оорулары менен жабыркагандар булардан оолак болгону оң. Ошону менен катар көп кыймылдабай турууну сунуштайт. Анын ордуна таза абада жай басуу дурус.

298
Белгилер:
кеңеш, нарколог, баш жазуу, ичимдик
Тема боюнча
Канткенде ичимдиктин ден соолукка зыяны азаят. Диетологдун пикири
Кыз апасы менен кинотеатрда. Архив

Балдар үчүн кинофильмдин сценарийине сынак жарыяланды

5
Сценарий жазууга катышууну каалагандардын арызы "Кыргызфильм" киностудиясынын электрондук почтасы аркылуу кабыл алынат.

БИШКЕК, 23-янв. — Sputnik. Төлөмүш Океев атындагы "Кыргызфильм" улуттук киностудиясы балдар үчүн кинофильмдин сценарийине сынак жарыялады. Бул тууралуу Маданият, маалымат жана туризм министрлигинен кабарлады.

Ага ылайык, арыздар "Кыргызфильм" киностудиясынын электрондук почтасы аркылуу кабыл алынат.

Сценарийдин тиркемесине төмөнкүлөр кирет:

  • болжолдуу аталышы;
  • жанр;
  • убакыт;
  • логлайн (кыскача баяндоо);
  • синопсис (кыскача мааниси).
"Сценарийлер америкалык форматта гана кабыл алынат. Ал эми тиркемелери менен өзү кыргыз тилинде жазылышы шарт. Жеңүүчүлөрдүн эмгеги киностудиянын расмий сайтына жарыяланат", — деп айтылат маалыматта.

Мыкты эмгектин ээсине 100 000 сом гонорар төлөнүп бериле турганы кошумчаланды.

5
Белгилер:
балдар, кино, сынак, сценарий
Тема боюнча
"Акыркы көч" тасмасы Дакка эл аралык кинофестивалына катышууда
Китепканадагы кыз. Архивдик сүрөт

Кыргызстанда эркектерге караганда аялдар билимдүүрөөк. Статистика

15
Туруктуу жумушу бар аялдардын арасында 27 пайызы жогорку билимдүү болсо, эркектер арасында бул көрсөткүч 18 гана пайызды түзөт.

БИШКЕК, 23-янв. — Sputnik. Иштеген жарандардын арасынан карай турган болсок, Кыргызстанда кесиптик билими бар эркектерге караганда аялдар басымдуулук кылат. Бул тууралуу Улуттук статистика комитетинен билдиришти.

Тагыраагы, иши бар аялдардын арасында 27 пайызы жогорку билимдүү болсо, эркектер арасында бул көрсөткүч 18 гана пайызды түзөт.

Кыз-келиндердин билимге умтулганын мындан билсек болот, 2019-2020-окуу жылында ЖОЖдордун студенттеринин 52 пайызын кыздар түзгөн. Ал эми орто кесиптик окуу жайларда окугандардын 56 пайызы кыздар. Ошондой эле аспирантурада окуп жаткан жарандардын ичинен 59 пайызы, докторантурада 67 пайызы аял кишилер.

Учурда кыргызстандык кыз-келиндер көбүнесе билим берүү, кеңири керектелүүчү товарлардын технологиясы, саламаттык сактоо, маданият, искусство, сервис сыяктуу адистиктерде окушат.

15
Белгилер:
билим, эркек, аял, Кыргызстан
Тема боюнча
Узаган жылы пенсия менен жөлөк пулга канча каражат жумшалган. Статистика