Оорукананын жандандыруу бөлүмүндөгү медициналык кызматкерлер. Архив

Коронавируска салыштырмалуу пневмония көп адамдын өмүрүн алган. Сандар

96
(жаңыланган 11:30 02.01.2021)
Кыргызстанда коронавирус катталгандан бери жалпысынан 81 214 адамдан табылды. Анын ичинен Бишкек шаарын кошкондо Чүй облусунда эң көп болду.

БИШКЕК, 2-янв. — Sputnik. Кыргызстанда коронавирус пандемиясы башталгандан тарта оору жалпы 1 358 адамдын өмүрүн алган. Анын ичинен 942си пневмониядан (U07.2) көз жумса, 416 бейтап коронавирустан (U07.1) каза тапкан. Бул тууралуу Республикалык штаб жиберген маалыматта айтылат.

Белгилей кетсек, коронавирус лаборатордук (U07.1) жана клиникалык-эпидемиологиялык тастыкталган (U07.2) болуп экиге бөлүп эсептелет.

Кыргызстанда коронавирус жалпысынан 81 214 адамдан табылды. Анын ичинен Бишкек шаарын кошкондо Чүй облусунда эң көп учур катталган. Тагыраагы, Чүйдө — 11 553, ал эми Бишкекте — 26 907 киши жуктурган. Экөөнү кошкондо 38 460 адам коронавирус менен ооруган. Дарт көп аныкталган аймактардан экинчи орунга Ош облусу чыккан. Ош шаарынын статистикасын кошкондо бул аймакта 13 768 учур катталган.

Калган аймактарда оору катталган учурлар:

  • Жалал-Абад облусу — 9805;
  • Ысык-Көл облусу — 7234;
  • Баткен облусу — 7140;
  • Талас облусу — 2547;
  • Нарын — 2260.
96
Белгилер:
аймак, пневмония, бейтап, өлүм, коронавирус
Тема:
Кыргызстандагы коронавирус жуктуруп алгандар (1513)
Тема боюнча
Министр: жазында COVID-19га каршы вакцина алуу пландалууда
Кечээ Тажикстанда COVID илдетине чалдыккандар болгон жок
Ала-Тоо аянтында жүргөн милиция кызматкерлери. Архивдик сүрөт

Бишкектин борборунда милиция кызматкерлери адаттагыдан көп. Себеби

23
(жаңыланган 10:39 21.01.2021)
Sputnik Кыргызстан агенттигинин окурмандары эмне себептен борбордук аянтта жана көчөлөрдө милиция кызматкерлери чогулуп калганын сурашкан.

БИШКЕК, 20-янв. — Sputnik. Бишкектин кайгуул милициясынын маалымат кызматы ордо калаанын чок ортосунда эмне себептен таң эрте милиция кызматкерлери көп экенин түшүндүрдү.

Буга чейин окурмандар "Ала-Тоо" аянтындагы автоунаалар тазаланып, кайгуул милициялары борбордук көчөлөрдө, анын ичинде Чүй проспектисинде көп турганы боюнча суроо узатышкан.

Кайгуул милициясынын маалымат кызматы билдиргендей, мекеме жакында боло турган президенттин инаугурациясына даярдык көрүп жатат жана жарандардын коопсуздугун камсыз кылууда.

Маалым болгондой, бул иш-чарада "Ала-Тоо" аянтын тосуу пландалган жок.

20-январь күнү БШК президенттик шайлоонун жыйынтыгын айтып, анда Садыр Жапаров жеңгенин кабарлаган. Жапаров шайлоочулар добушунун 79,2 пайызын алган.

Кийинчерээк президенттин инаугурациясы 28-январь күнү Токтогул Сатылганов атындагы Кыргыз улуттук филармонияда өтө турганы айтылган.

23
Белгилер:
окурман, Кайгуул милициясы, Ала-Тоо аянты, жол, Бишкек
Тема боюнча
Бишкек милициясы иш таштаган маршрутка айдоочуларына кайрылды
Мектептер ачылат, балдарга аяр мамиле жасагыла! Милиция айдоочуларга эскертти
Нью-Йорктогу Эркиндик эстелиги. Архивдик сүрөт

Байден мигранттарга коюлган чектөөлөр боюнча Трамптын жарлыгын жокко чыгарды

32
(жаңыланган 10:14 21.01.2021)
Бул чектөөлөрдү мурда Дональд Трамптын администрациясы киргизген. Ага ылайык, Мьянма, Иран, Кыргызстан, Ливия, Судан сыяктуу 13 мамлекеттин жарандарына АКШга кирүүгө чектөөлөр коюлган.

БИШКЕК, 21-янв. — Sputnik. АКШнын жаңы президенти Жозеф Байден алгачкы иш күнүндө кол койгон жарлыктарынын бири менен Кыргызстан катарына кирген бир нече өлкөнүн жарандарына коюлган визалык чектөөнү алып салды. Бул тууралуу АКШнын Кыргызстандагы элчилигинен билдиришти.

"Президент Байден кыргыз иммигранттарынын өлкөгө кирүүсүн токтоткон иммиграциялык жана ар түрдүүлүк (Diversity Visa) визаларга чектөөлөрдү алып салуу боюнча буйрукка 20-январда кол койду. Биз кыргыз өкмөтүнүн акыркы 12 ай ичинде саясий коопсуздукту кыйла жакшыртканын байкадык", — деп айтылат элчиликтин билдирүүсүндө.

Ошондой эле өкмөт Интерпол менен кызматташуусун өркүндөтүп, кылмыштуулук жана террорчулук тууралуу маалыматтар менен ачык-айкын бөлүшүп жатканы кошумчаланды.

"АКШ кыргыз элинин коопсуздугу жана эгемендүүлүгү үчүн эки тараптуу мамилелерин бекемдөөгө умтулат", — деп айтылат билдирүүдө.

Бул чектөөлөрдү мурда Дональд Трамптын администрациясы киргизген. Ага ылайык, Мьянма, Иран, Кыргызстан, Ливия, Судан сыяктуу 13 мамлекеттин жарандарына АКШга кирүүгө чектөөлөр коюлган.

Эске салсак, 2017-жылы АКШга биометрикалык паспорт колдонбогон өлкөлөрдүн жарандары киргизилбей тургандыгы тууралуу жарлыкка мурдагы президент Дональд Трамп кол койгон. Анда Кыргызстан тез арада биометрикалык паспортторду жайылтышы керектиги айтылган.

Жо Байден 20-январь күнү ант берип, АКШнын президенттик кызматына расмий түрдө киришти.

32
Белгилер:
миграция, жарлык, Жо Байден, Дональд Трамп
Тема боюнча
Байден бүгүн АКШга кирүү боюнча кыргызстандыктарга коюлган чектөөнү алып салат