Бишкекте жашаган Эстониялык Ребекка Хан

Эстониядан Кыргызстанга көчүп келгениме өкүнбөйм. Чет өлкөлүк кыздын маеги

17450
(жаңыланган 12:13 04.01.2021)
Бир нече жыл мурун Ребекка Хан Эстониядагы жакшы ишин таштап, бишкектик жигитине келген. Чет өлкөлүк кыз Sputnik Кыргызстанга Бишкекте кайсы нерселерге ичи жылып, эмнеден көңүлү калганын айтып берди.

Ребекка Кыргызстанга келишине себеп болгон жигити менен мамилесин үзгөнүн жашырбады. Бирок антсе да Кыргызстанда жашап калууну чечкен. Кийин ал Европада сатыла турган кийимдерди тигүү ишине киришкен.

— Эстониядан биздин өлкөгө кандайча келип калдыңыз?

— 2015-жылдын аягында кыргызстандык жигит менен таанышып калдым. Ал Таллинге жумуш боюнча келиптир, тез эле ынак болуп, мен аны сүйүп калдым. 2016-жылы ага мейманга келдим. Бишкек мурда кыдырган шаарларымдан кем калышпайт экен. Жергиликтүү тургундардын жөнөкөйлүгү жана ак көңүлдүгүнө суктандым. Анан да азык-түлүк арзан.

Үч аптага келгем, жанымда 11 түгөй бут кийим, дээрлик баары бийик такалуу эле. Жигитим мени ресторандарга алып барат деп ойлогом, бирок мага кроссовки эле жетиштүү болду. Анткени тоого эле чыга бердик. Айтмакчы, тоолор бул жакта керемет экен!

Ачыгын айтсам, Кыргызстанда ушунча көп убакыт жүрөм деп ойлобоптурмун. Жагдай түздөн-түз жигитиме жараша эле, белгилүү себептерден улам чет өлкөгө бирге кете албадык. Кийин мамилебиз үзүлдү, бирок Бишкекте дагы жашап тургум келди.

Европаны тынч кыдырып жүрө алгандан кийин бул жакта эмне кылып жүрөрүмдү көп сурашат. Постсоветтик өлкөлөрдүн жарандарынын көбү чет өлкөдө жашоо жакшы деген ойдо. Албетте, айрым учурларда ыңгайлуу, бирок жалпысынан кай жак болбосун, жашоо бирдей. Мен өз мекенимди сүйөм, бирок ал жакта да чоң калаадан чыкканда Кыргызстан же башка өлкөлөрдөгүдөй эле жакыр кыштактарды көрүп жүрөм.

Уроженка Эстонии живущая в Бишкеке Ребекка Хан во время интервью журналисту Sputnik Кыргызстан
© Sputnik / Табылды Кадырбеков
Бир нече жыл мурун Ребекка Хан Эстониядагы жакшы ишин таштап, бишкектик жигитине келген

— Жер которгондон кийин кайсы нерсе сизди таң калтырды?

— Азиянын тургундарынан бир мүнөздү байкадым, бул жакта карыз алуу көнүмүш. Расмий түрдө катталган насыя жөнүндө айтканым жок. Айрым дүкөн же кафелерден карызга алып же тамак жеш кадыресе көрүнүш экен. Эстония же башка европалык өлкөлөрдө карыз берүү жана карыз алмай жок.

— Көңүлүңүздү калтырган көрүнүштөр болдубу?

— Жетекчилердин кол алдындагыларга жасаган мамилеси көңүл калтырды. Жеке өзүм андайлар менен иштешкен жокмун, бирок кызматы төмөн кишилерге оройлоно берүү кадыресе көрүнүш катары эсептелерин билем. Айрыкча мамлекеттик кызматта. Менин көп тааныштарым мамлекеттик структураларда эмгектенишет. Жетекчилери кандай мамиле кыларын укканда төбө чачым тик турат. Бизде андайга жол берилбейт. Мисалы, мен Эстония өкмөтүндө жана Таллиндин мэриясында иштегем. Биз жетекчилерибиз менен жай эле тамашалашып, кофе ичип же дем алыш күндөрүбүз кандай өткөнүн сүйлөшө алчубуз.

— Мурдагы жигитиңиз менен алака уланбаса да эмнеге Кыргызстанда калууну чечтиңиз?

— Ийгилик же бакыт сенин кайсы өлкөдө жашаганыңа жараша эмес. Эки башка кеткенибиз Кыргызстандагы жашоомо чекит койбойт. Бул жакта досторум, санаалаштарым бар, бизнес түптөй алдым. Сиздердин республика жашоо жана өнүгүү үчүн мыкты жер деп эсептейм.

Албетте, үйгө кетип кала алам, бирок кетким жок. Бишкек мага жагат. Кызыгы, баягы жигит Европага кетүүгө камынууда, мен, тескерисинче, Кыргызстанда жашоону пландап турам.

— Социалдык медиадагы баракчаңызда 50 килограммга арыктаганыңызды жазгансыз. Кантип эрк таба алдыңыз?

— Мурда 122 килограмм болчумун, 68ге чейин арыктадым. Бала кезимден салмак көйгөйүм бар эле, ошондуктан апам тамактануумду көзөмөлдөп, арыктоо боюнча кымбат программаларды сатып берчү. Бирок тамакка болгон "ашыктыгым" мени жеңип кетчү. Тамакты көп, бат-бат, анан да албетте, зыяндуу азыктарды жечүмүн. Анткен менен салмагымдан тартынчу эмесмин. Жигиттерге жакчумун, кыска юбкаларды кие алчумун...

Бишкектик жигит менен таанышканымда эмне болду билбейм, ал суктангыдай арыктоого шыктандым. Аз-аздан баштап, Таллинде жөө көп сейилдеп, рационду өзгөртүп, сууну көп иччү болдум. Арыктоонун купуя сыры деле жок, ийгиликке жетелеген – спорт жана азыктануу. Анан да бул бүтпөгөн сыноодо акылдан айнып кетпеш үчүн шыктандырган нерсе керек. Меники ушундай эле болду.

— Азиялык жигиттер менен европалыктардын кандай айырмачылыгы жана окшоштуктары бар?

— 30-40 жаштагы жигиттердин көбү ата-энеси менен турушат. Кийин үйлөнүп, кайра эле ата-энелери менен жашай беришет. 17 жашымдан тарта өзүмчө жашап келгендиктен, муну укканда таң калгам. Ошондон бери апам менен атамдан бир тыйын да алган эмесмин, батир жана саякатыма өзүм төлөп келем.

Европалык жигиттер кафеде аял кишиге төлөп бербейт, ал эми батирди тең бөлүп төлөшөт деген пикир жашайт экен. Балким андай да болор, бирок бул мыйзам ченемдүүлүк эмес. Этикет эрежеси бардык өлкөлөрдө бирдей: ким чакырса, ошол төлөйт. Кээде өзүм үчүн өзүм төлөөгө кубанмакмын, бирок европалык досторум ага жол беришпейт. Кыргызстандык досторум да ушундай.

Айырмасы, чет өлкөлүк эркектер тышкы көрүнүшкө чоң маани беришпейт, алардын сулуулук жаатында ашкере талабы жок. Ал эми азиялык жигиттер кыздарга комплименттерди жаадырып, укмуш карап, жагынышат. Бирок таптакыр кыжырымды кайнатканы – сигнал берип, ышкырып же артыңдан бир нерсе деп кыйкырып калгандары. Башта таанышым го деп бурулуп карачумун. Кийин бул жөн гана кызга кызыгуусун көрсөтүү ыкмасы экенин түшүндүм.

Уроженка Эстонии живущая в Бишкеке Ребекка Хан во время интервью журналисту Sputnik Кыргызстан
© Sputnik / Табылды Кадырбеков
Ребекка Кыргызстанга келишине себеп болгон жигити менен мамилесин үзсө дагы Кыргызстанда жашап калууну чечкен

— Азиялык аялдар боюнча эмне айта аласыз, европалыктардан айырмасы кандай?

— Жергиликтүү кыздар сабырдуулугу жана өжөрлүгү менен өзгөчөлөнүшөт. Алар деле жигиттер сымал ата-энелери менен жашоону ылайык көрүшөт. Турмушка чыкканда кайын журту менен бирге турушат.

Жашы өйдөлөп калган аялдар башка адамдардын жеке мейкиндигин буза аларын ойлошот. Толугураак кезимде тамактанып жатып эле бир таанышым арыкташым керектигин, антпесе төрөш кыйын болуп каларын айтып салбаспы... Европада андай болбойт. Ал жакта эч ким сенин сырткы кемчилигиңди көзгө сайып көрсөтүшпөйт, сурабаган соң кеңештерин айтышпайт.

Уроженка Эстонии живущая в Бишкеке Ребекка Хан
© Sputnik / Табылды Кадырбеков
Ребекка Европада сатыла турган кийимдерди тигүү ишине киришти

— Көпчүлүк кыргызстандыктар жакшы иш табыш кыйын экенин айтып наалышат. Бир нече жылдан бери Бишкектесиз, укканыма караганда дегеле бош жүрбөпсүз. Чет элдик кызга Бишкекте ишке орношуу татаал эмеспи?

— Буга чейин мурда топтогон каражатыма жашап жүрдүм. Акчам түгөнгөн кезде жарым күнгө жетпей жумуш таап алдым. Ири компанияга башкы директордун жардамчысы болуп кирдим, иш жүзүндө универсалдуу офис-менеджер элем. Бир ай мурун жетекчи алмашкандыктан жумуштан кеттим.

Азыр бизнеске кириштим, Европа үчүн спорттук кийимдерди тиге баштадык. Эстонияда аз чыгым кеткени менен костюмду Бишкектен тигип жөнөткөндөн кымбатка түшөт. Андан сырткары, курбум менен биргеликте шуба жана корей косметикасын европалык рынок үчүн сата баштадык. Айтор, Кыргызстан — бул мен үчүн арзан баалардын, боорукер адамдардын жана чоң мүмкүнчүлүктөрдүн өлкөсү. Бул жакта жакшы жашоо үчүн бардыгы бар. Көпчүлүк муну түшүнүү үчүн бөлөк мамлекетте жашап келүүсү керек өңдөнөт.

17450
Белгилер:
чет өлкө, косметика, бизнес, тигүүчү, Кыргызстан, Эстония
Тема боюнча
Өпкөнү көмүр, биомассаларды жагуудан коргоо зарыл. Бишкектеги пульмонологдун маеги
Жаңы курулуп аткан көп кабаттуу үйлөр. Архивдик сүрөт

МИК: эми ипотека алуу үчүн документтерди жарым саатта тапшырса болот

4
(жаңыланган 10:56 21.01.2021)
Элмира Абжапарованын айтымында, мурда документтерди тапшырууга орто эсеп менен үч айдай убакыт кетчү. Кагаздарды чогултууга эле бир топ убакыт, каражат талап кылынчу.

БИШКЕК, 21-янв. — Sputnik. Азыр мамлекеттик ипотека алуу үчүн документтерди тапшырууга болгону жарым сааттык убакыт талап кылынат. Бул тууралуу Мамлекеттик ипотекалык компаниянын (МИК) төрайымы Элмира Абжапарова билдирди. 

Председатель правления ОАО ГИК Элмира Абжапарова на брифинге в пресс-центре Sputnik Кыргызстан.
© Sputnik / Жоомарт Ураимов
Мамлекеттик ипотекалык компаниянын (МИК) төрайымы Элмира Абжапарова

Ал Sputnik Кыргызстан агенттигинин маалымат борборунда өтүп жаткан брифингге катышууда.

Абжапарованын айтымында, былтыркы жылдан тарта арыздарды кабыл алуу үчүн электрондук портал ишке киргизилген.

"Мурда документтерди тапшырууга орто эсеп менен үч айдай убакыт кетчү. Кагаздарды чогултууга эле бир топ убакыт, каражат талап кылынчу. Азыр ар бир адам өзүнүн уюлдук телефону аркылуу жарым сааттын ичинде ишин бүтүрүп алат. Портал "Түндүк" системасына кошулган. Андыктан мурда жаран кезекте туруп, кагаз түрүндө алган документтерди азыр өзүбүз даярдап алабыз", — деди Абжапарова.

Ошондой эле ал учурда бул багыт бир топ өнүккөн Азербайжан менен тажрыйба алмашуу болуп жатканын кошумчалады.

4
Белгилер:
Элмира Абжапарова, Мамлекеттик ипотекалык компания, Кыргызстан
Тема боюнча
Абжапарова: ипотекалык насыя боюнча Кыргызстан ЕАЭБде үчүнчү орунда
Ала-Тоо аянтында жүргөн милиция кызматкерлери. Архивдик сүрөт

Бишкектин борборунда милиция кызматкерлери адаттагыдан көп. Себеби

32
(жаңыланган 10:39 21.01.2021)
Sputnik Кыргызстан агенттигинин окурмандары эмне себептен борбордук аянтта жана көчөлөрдө милиция кызматкерлери чогулуп калганын сурашкан.

БИШКЕК, 20-янв. — Sputnik. Бишкектин кайгуул милициясынын маалымат кызматы ордо калаанын чок ортосунда эмне себептен таң эрте милиция кызматкерлери көп экенин түшүндүрдү.

Буга чейин окурмандар "Ала-Тоо" аянтындагы автоунаалар тазаланып, кайгуул милициялары борбордук көчөлөрдө, анын ичинде Чүй проспектисинде көп турганы боюнча суроо узатышкан.

Кайгуул милициясынын маалымат кызматы билдиргендей, мекеме жакында боло турган президенттин инаугурациясына даярдык көрүп жатат жана жарандардын коопсуздугун камсыз кылууда.

Маалым болгондой, бул иш-чарада "Ала-Тоо" аянтын тосуу пландалган жок.

20-январь күнү БШК президенттик шайлоонун жыйынтыгын айтып, анда Садыр Жапаров жеңгенин кабарлаган. Жапаров шайлоочулар добушунун 79,2 пайызын алган.

Кийинчерээк президенттин инаугурациясы 28-январь күнү Токтогул Сатылганов атындагы Кыргыз улуттук филармонияда өтө турганы айтылган.

32
Белгилер:
окурман, Кайгуул милициясы, Ала-Тоо аянты, жол, Бишкек
Тема боюнча
Бишкек милициясы иш таштаган маршрутка айдоочуларына кайрылды
Мектептер ачылат, балдарга аяр мамиле жасагыла! Милиция айдоочуларга эскертти