Дасторкон. Архив

Майрам күндөрү ашыкча салмактан кантип сактанса болот. Машыктыруучунун кеңеши

119
(жаңыланган 14:04 03.01.2021)
Адис организмге тамак менен кирген май жана башка заттарды ошол замат жок кылбаса, топтоло берип, кийин алардан кутулуу оор болуп каларын эскертет.

БИШКЕК, 3-янв. — Sputnik. Чуркоо боюнча машыктыруучу Вера Соснова RT телеканалына маек куруп, майрам күндөрү ашыкча салмак жыйнап алуудан кантип сактанса болорун айтып берди.

"Мен акыл токтотуп иш кылууну сунуштайм. Эң негизгиси, адам карманышы керек. Түшүнүп турам, дасторкон толо даамдуу тамактар турса, андан баш тартып коюу оңой эмес. Андыктан каалаган нерсени жеп, бирок ошол калорийди жок кылуу үчүн кыймылдаганды унутпаш керек", — деди машыктыруучу.

Ал үчүн бир аз чуркап же жеңил-желпи көнүгүүлөрдү жасап коюу туура экени айтылат. Тагыраагы, адис организмге тамак менен кирген май жана башка заттарды ошол замат жок кылбаса топтоло берип, кийин алардан кутулуу оор болуп каларын эскертет.

119
Белгилер:
организм, ден соолук, тамак, майрам
Тема боюнча
Дарыгер кышкысын мончого кантип туура түшүү керектигин түшүндүрдү
Колл-центрдин ишкери. Архив

Бишкекте мугалимдер онлайн-сабак өтпөй жатса арызданууга болот. Номерлер

11
Ушул жумадан тарта борбор калаада 1, 5, 9 жана 11-класстын окуучулары мектепке барып окуй баштады. Калган класстар аралыктан билим алууну улантууда.

БИШКЕК, 23-янв. — Sputnik. Бишкек шаарынын вице-мэри Айжан Чыныбаева мугалимдер онлайн-сабакты өтпөй жатса кабарлап коюуну өзүнүн Facebook баракчасы аркылуу өтүндү.

Эске салсак, 18-январдан тарта борбор калаада 1, 5, 9 жана 11-класстын окуучулары мектепке барып окуй баштады. Ошол эле учурда бул класстын айрым окуучулары шартына жараша үйдөн да билим алса болору белгиленген. Аларга мугалим өзүнчө сабак өтөт, мындан сырткары, телеканалдарда телесабактар көрсөтүлөт.

"Социалдык тармактарда айрым мугалимдер онлайн-окутууну үзгүлтүккө учуратып, сабак өтпөй жатат деген маалыматтар пайда болду. Бул маалымат чындыкка дал келбейт. Биз жакынкы убакытта балдардын бардыгы окууну кадимкидей тартипте улантарына ишенебиз", — деп жазган Чыныбаева.

Вице-мэр окуу процессине байланыштуу педагогдор тарабынан мыйзам бузуулар болсо 0709 24 02 84 WhatsApp номерине кабарлап коюуну өтүндү.

11
Белгилер:
кайрылуу, мугалим, окуу, Бишкек мэриясы
Тема боюнча
Бишкектеги мектептерге 53,5 миңден ашуун окуучу бара баштады
Кыз апасы менен кинотеатрда. Архив

Балдар үчүн кинофильмдин сценарийине сынак жарыяланды

29
Сценарий жазууга катышууну каалагандардын арызы "Кыргызфильм" киностудиясынын электрондук почтасы аркылуу кабыл алынат.

БИШКЕК, 23-янв. — Sputnik. Төлөмүш Океев атындагы "Кыргызфильм" улуттук киностудиясы балдар үчүн кинофильмдин сценарийине сынак жарыялады. Бул тууралуу Маданият, маалымат жана туризм министрлигинен кабарлады.

Ага ылайык, арыздар "Кыргызфильм" киностудиясынын электрондук почтасы аркылуу кабыл алынат.

Сценарийдин тиркемесине төмөнкүлөр кирет:

  • болжолдуу аталышы;
  • жанр;
  • убакыт;
  • логлайн (кыскача баяндоо);
  • синопсис (кыскача мааниси).
"Сценарийлер америкалык форматта гана кабыл алынат. Ал эми тиркемелери менен өзү кыргыз тилинде жазылышы шарт. Жеңүүчүлөрдүн эмгеги киностудиянын расмий сайтына жарыяланат", — деп айтылат маалыматта.

Мыкты эмгектин ээсине 100 000 сом гонорар төлөнүп бериле турганы кошумчаланды.

29
Белгилер:
балдар, кино, сынак, сценарий
Тема боюнча
"Акыркы көч" тасмасы Дакка эл аралык кинофестивалына катышууда
 Сотрудники МЧС на месте крупного пожара на Орто-Сайском рынке в Бишкеке. 9 ноября 2020 года

Түндө Бишкектеги азык-түлүк саткан дүкөн өрттөнүп кетти. Видео

0
Өрт түнкү үчтөрдө чыгып, ага куткаруучулардын бир бөлүмү тартылган. Дүкөндөгү азык-түлүктөр менен 11 муздаткыч жана кондиционер күйүп кеткен.

БИШКЕК, 23-янв. — Sputnik. Бишкекте түндө дүкөн өрттөнүп кеткенин ӨКМдин маалымат кызматы кабарлады.

"Короче" Telegram-каналы өрттүн видеосун жарыялады.

23-январга караган түнү 5-кичи районундагы №48 үйдүн жанында жайгашкан азык-түлүк саткан дүкөндөн өрт чыккандыгы тууралуу маалымат түшкөн. Өрттү өчүрүүгө саат 02:39да Октябрь районунан бир бөлүм тартылган.

Тилсиз жоо саат 03:36да чектөөгө алынып, 04:30да толук өчүрүлгөн.

"Кийинчерээк дүкөндүн аянты 50 метр чарчы экени аныкталды. Ошондой эле азык-түлүктөр менен биргеликте 11 муздаткыч жана кондиционер күйүп кеткен", — деп айтылат маалыматта.

Өрткө электр жабдыктарын орнотуудагы эреже бузуулар себеп болгон.

0
Белгилер:
дүкөн, өрт, ӨКМ, Бишкек