Ала-Арча мамлекеттик паркы. Архив

Кыргызстандын ажайып жерлеринин 3D картасы түзүлдү

247
(жаңыланган 16:20 03.01.2021)
Картадан Кыргызстандын ажайып кооз жерлерин жана бардык облустарынын негизги символдорун көрүүгө болот. Ар бир объектиге кыргыз, орус жана англис тилинде сүрөттөмө берилген.

БИШКЕК, 3-янв. — Sputnik. Кыргызстандагы ажайып жайлардын 3D панорамалык картасы түзүлдү. Виртуалдык турга шилтеме Туризм департаментинин жаңы сайтына жайгаштырылды.

Андан Кыргызстандын ажайып кооз жерлерин жана бардык облустарынын негизги символдорун көрүүгө болот. Ар бир объектиге кыргыз, орус жана англис тилинде сүрөттөмө берилген.

Департаменттен билдиришкендей, бул долбоор өлкөнүн туристтик потенциалын арттырат. Чет элдиктер келе турган жайларын алдын ала 360° форматында көрө алышат.

Кооз жерлер 3D Kyrgyzstan долбоорунун алкагында Мааданият, маалымат жана туризм министрлигинин, JICA жана GIZ уюмдарынын колдоосунда тартылган. Сайтта долбоордун үстүндө Максат Конушалиев (автор), Viktor Rehemäe, Андрей Кислицын жана Элдияр Ниязов иштегени жазылган.

247
Белгилер:
туризм, карта, долбоор, Кыргызстан
Тема боюнча
Ыбыкеева: музей экспонаттарынын электрондук каталогу түзүлөт
Туризм департаментине төрт айдан кийин жаңы жетекчи келди
Колл-центрдин ишкери. Архив

Бишкекте мугалимдер онлайн-сабак өтпөй жатса арызданууга болот. Номерлер

11
Ушул жумадан тарта борбор калаада 1, 5, 9 жана 11-класстын окуучулары мектепке барып окуй баштады. Калган класстар аралыктан билим алууну улантууда.

БИШКЕК, 23-янв. — Sputnik. Бишкек шаарынын вице-мэри Айжан Чыныбаева мугалимдер онлайн-сабакты өтпөй жатса кабарлап коюуну өзүнүн Facebook баракчасы аркылуу өтүндү.

Эске салсак, 18-январдан тарта борбор калаада 1, 5, 9 жана 11-класстын окуучулары мектепке барып окуй баштады. Ошол эле учурда бул класстын айрым окуучулары шартына жараша үйдөн да билим алса болору белгиленген. Аларга мугалим өзүнчө сабак өтөт, мындан сырткары, телеканалдарда телесабактар көрсөтүлөт.

"Социалдык тармактарда айрым мугалимдер онлайн-окутууну үзгүлтүккө учуратып, сабак өтпөй жатат деген маалыматтар пайда болду. Бул маалымат чындыкка дал келбейт. Биз жакынкы убакытта балдардын бардыгы окууну кадимкидей тартипте улантарына ишенебиз", — деп жазган Чыныбаева.

Вице-мэр окуу процессине байланыштуу педагогдор тарабынан мыйзам бузуулар болсо 0709 24 02 84 WhatsApp номерине кабарлап коюуну өтүндү.

11
Белгилер:
кайрылуу, мугалим, окуу, Бишкек мэриясы
Тема боюнча
Бишкектеги мектептерге 53,5 миңден ашуун окуучу бара баштады
Кыз апасы менен кинотеатрда. Архив

Балдар үчүн кинофильмдин сценарийине сынак жарыяланды

28
Сценарий жазууга катышууну каалагандардын арызы "Кыргызфильм" киностудиясынын электрондук почтасы аркылуу кабыл алынат.

БИШКЕК, 23-янв. — Sputnik. Төлөмүш Океев атындагы "Кыргызфильм" улуттук киностудиясы балдар үчүн кинофильмдин сценарийине сынак жарыялады. Бул тууралуу Маданият, маалымат жана туризм министрлигинен кабарлады.

Ага ылайык, арыздар "Кыргызфильм" киностудиясынын электрондук почтасы аркылуу кабыл алынат.

Сценарийдин тиркемесине төмөнкүлөр кирет:

  • болжолдуу аталышы;
  • жанр;
  • убакыт;
  • логлайн (кыскача баяндоо);
  • синопсис (кыскача мааниси).
"Сценарийлер америкалык форматта гана кабыл алынат. Ал эми тиркемелери менен өзү кыргыз тилинде жазылышы шарт. Жеңүүчүлөрдүн эмгеги киностудиянын расмий сайтына жарыяланат", — деп айтылат маалыматта.

Мыкты эмгектин ээсине 100 000 сом гонорар төлөнүп бериле турганы кошумчаланды.

28
Белгилер:
балдар, кино, сынак, сценарий
Тема боюнча
"Акыркы көч" тасмасы Дакка эл аралык кинофестивалына катышууда