Көчөдө бараткан адам. Архив

Пандемияда кайсы облустун тургундары көбүрөөк стресске кабылды

106
Коронавирус психологиялык жактан көбүнесе Ош шаарынын тургундарын жабыркатты. Салыштырмалуу азыраак кыйналгандардын сап башына Ысык-Көл облусунун тургундары чыкты.

БИШКЕК, 4-янв. — Sputnik. COVID-19 пандемиясы учурунда кыргызстандыктардын 66 пайызы депрессия, стресс жана кооптонуу сыяктуу сезимдерге туш болгон. Бул тууралуу Улуттук статистика комитети жүргүзгөн сурамжылоонун жыйынтыгында айтылды.

Изилдөө 15-октябрдан 15-ноябрга чейин жүргүзүлүп, ага 4 954 үй чарбасынын мүчөлөрү тартылган.

"Суралгандардын 66 пайызга жакыны, үй-бүлөнүн эч болбогондо бир мүчөсү депрессия, стресс же кооптонууда болгонун белгилешти. Мындай абалда болгондордун көбү Ош шаарында (98,1 пайыз), Ош (88,2 пайыз), Жалал-Абад (80,5 пайыз), Талас (77,7 пайыз) облустарында жана Бишкек шаарында (77,2 пайыз) байкалган", — деп айтылат билдирүүдө.

Нарында 39,4 пайыз, Баткенде 36,6 пайыз, Чүйдө 32,4 пайыз кишинин психологиялык абалы начарлаган. Пандемиядан салыштырмалуу азыраак кыйналгандардын сап башына Ысык-Көл облусунун тургундары чыкты. Бул аймакта психологиялык кыйынчылыкка кабылганын жашоочулардын 30,4 пайызы гана билдирген.

106
Белгилер:
депрессия, сурамжылоо, пандемия, Кыргызстан
Тема:
Коронавируска байланыштуу Кыргызстандагы кырдаал (2484)
Тема боюнча
Пандемия КРдеги бүлөлөрдүн тең жарымынын кирешесин азайтты. Иликтөө
Казакстандын тез жардам кызматкерлери. Архив

COVID: Казакстанда өлгөндөрдүн саны көбөйүп, Нур-Султан кызыл зонага кирди

6
Эрежеге ылайык, аталган аймакка кайрадан бир катар чектөөлөр жарыяланмакчы. Азыр Нур-Султан менен кошо эң кооптуу аймактарга Акмоло жана Костанай облустары кирет.

БИШКЕК, 16-янв. — Sputnik. Казакстанда акыркы 24 саат ичинде коронавирустан 12 адам көз жумду. Бул тууралуу Sputnik Казакстан агенттиги жазды.

Өткөн суткада коңшу өлкөдө бир миңден ашуун адамдан коронавирус жана пневмония аныкталган. Ушу тапта ооруканада коронавирустан 12 284 киши, пневмониядан 11 781 дарыланууда. Ал эми мурдагы суткада илдеттерден жети адам каза болгон.

Жалпысынан Казакстанда COVID-19га кабылгандардын саны бүгүн 213 855 кишиге жетти.

Өлкөдө абал жакшырбай жаткандыктан, Саламаттык сактоо министрлиги борбор калаа Нур-Султан шаарын кызыл зонага киргизди. Эми эрежеге ылайык, бул аймакка кайрадан бир катар чектөөлөр жарыяланмакчы. Азыр Нур-Султан менен кошо эң кооптуу аймактарга Акмоло жана Костанай облустары кирет.

6
Белгилер:
абал, коронавирус, Нур-Султан, Казакстан
Тема:
Дүйнөгө жайылган коронавирус
Тема боюнча
Россияда COVID-19ду бир саатта аныктай турган тест-система жасалды
Ким оорушу мүмкүн? Иммунолог коронавирустун жазындагы жаңы толкунуна баа берди
Бишкек шаардык мэриясынын Билим берүү башкармалыгынын башкы адиси Чынара Исакова. Архив

Исакова: Бишкекте 18-январдан тарта 1, 5, 9, 11-класстар салттуу окуйт

6
Бишкек шаардык мэриясынын Билим берүү башкармалыгынын башкы адиси Чынара Исакова борбор калаада мэрияга караштуу 97 орто билим берүү мектеби бар экендигин айтты.
Исакова: Бишкекте 18-январдан тарта 1, 5, 9, 11-класстар салттуу окуйт

18-январдан тарта Бишкектеги орто мектептер салттуу режимде окуй башташат. Бул тууралуу Чынара Исакова Sputnik Кыргызстан радиосуна маек куруп жатып билдирди.

Анын айтымында, балдарын мектепке жеткирип барган ата-энелер да эпидемиологиялык абалды эске алып, тиешелүү эрежелерди карманышы шарт.

"18-январдан тарта Бишкек мэриясына караган мектептер айрым класстардын окуучулары үчүн эшигин ачат. Алар 1, 5, 9 жана 11-класстын окуучулары. Жалпысынан 56 миңден ашуун окуучу барып окуйт. Бардык эпидемиологиялык шарттар эске алынды, мектептер даяр", — деди Исакова.

Адис бирдиктүү мектеп формасы талап кылынбастыгын, бирок дресс-кодду сактоо зарылдыгын кошумчалады.

6
Белгилер:
коронавирус, мектеп, Бишкек, Чынара Исакова
Тема боюнча
Абдылдаева: 2100 мектеп реалдуу режимде окуусун баштады