Тосмосу алынган Ак үйдүн жанына жол чырак орнотулду. Сүрөттөр
(жаңыланган 16:57 04.01.2021)
Аскар Акаевдин президенттик доорунда коюлган Ак үйдүн тосмолорун алуу чечими октябрдагы окуядан кийин кабыл алынган. БИШКЕК, 4-янв. — Sputnik. Бишкекте Ак үйдүн жанынан өткөн Чүй проспектиси менен Панфилов көчөсүнүн кесилишине жол чырак орнотулду.
Эми Панфилов көчөсү менен Ак үйдүн чыгыш тарабынан ылдыйды көздөй Фрунзе жана Жибек Жолу көчөлөрү тарапка өтүүгө болот. Бул жерди буга чейин аталган имараттын тосмосу жаап турган.
Бишкек мэриясынын маалымат кызматы светофор орнотулуп, иштеп жатканын билдирди.
Бишкекте Ак үйдүн жанынан өткөн Чүй проспектиси менен Панфилов көчөсүнүн кесилишине жол чырак орнотулду.© Sputnik / Эмиль Садыров
Эми Панфилов көчөсү менен Ак үйдүн чыгыш тарабынан ылдыйды көздөй Фрунзе жана Жибек Жолу көчөлөрү тарапка өтүүгө болот.© Sputnik / Акылбек Батырбеков
Бишкек мэриясынын маалымат кызматы светофор орнотулуп, иштеп жатканын билдирди.© Sputnik / Акылбек Батырбеков
Кайгуул милиция кызматы Панфилов көчөсү боюнча өтмөк ачылгандан кийин борбордук "Ала-Тоо" аянтындагы тыгындарды алдын алуу үчүн жол чырак орнотулгандыгын белгиледи.© Sputnik / Эмиль Садыров
©
Sputnik / Эмиль Садыров
Кайгуул милиция кызматы Панфилов көчөсү боюнча өтмөк ачылгандан кийин борбордук "Ала-Тоо" аянтындагы тыгындарды алдын алуу үчүн жол чырак орнотулгандыгын белгиледи.
Аскар Акаевдин президенттик доорунда коюлган Ак үйдүн тосмолору өткөн жылдын ноябрь айында алынган. Бийлик эл алдында ачык-айкын болууну убадалап, ушундай кадамга барган.
Тосмонун 2010-жылы апрель окуяларында каза болгондордун тизмеси жазылган такта илинген бөлүгү алынган эмес. Алар тарых үчүн ушул жерде калтырылган.
Белгилер:
Соңку бир суткада 93 адам коронавирус жугузуп, экөө каза болду
(жаңыланган 11:07 23.01.2021)
Бүгүнкү күндө ооруканаларда 689 бейтап дарыланууда. Алардын 437си орто оордукта, 220сы оор абалда, 28и өтө оор абалда жатат.БИШКЕК, 23-янв. — Sputnik. Кыргызстанда соңку бир сутканын ичинде 93 адам коронавирус жугузуп алса, 108 бейтап ооруну жеңип чыкты. Бул тууралуу Республикалык штаб кабарлады.
Илдеттен эки адам каза болуп, алар Чүй жана Ысык-Көл облусунун тургундары болгону айтылды. Ушуну менен өпкөнү сезгенткен оорудан 1 398 кыргызстандык каза болду.
Бир сутка ичинде катталган жаңы учурлар:
- Бишкек – 27;
- Ош – 2;
- Чүй облусу – 29;
- Ош облусу – 4;
- Талас облусу – 2;
- Нарын облусу – 1;
- Ысык-Көл облусу – 21;
- Жалал-Абад облусу – 5;
- Баткен облусу – 2.
Бүгүнкү статистиканы кошкондо өлкөдө COVID-19 жугузуп алган адамдардын жалпы саны 83 796га жетти.
Айыгып чыккандар:
- Бишкек – 38;
- Ош шаары – 2;
- Чүй облусу – 35;
- Ош облусу – 3;
- Нарын облусу – 3;
- Ысык-Көл облусу – 23;
- Жалал-Абад облусу – 1;
- Баткен облусу – 3.
Ушуну менен коронавирустан сакайгандардын саны 79 772 кишини түздү.
Бүгүнкү күндө ооруканаларда 689 бейтап дарыланууда. Алардын төртөө канааттандырарлык абалда, 437си орто оордукта, 220сы оор абалда, 28и өтө оор абалда жатат.
Мындан сырткары, 1006 бейтап үй шартында дарыланууда.
Бишкекте электрондук айдоочулук күбөлүктүн пилоттук долбоору ишке кирет
БИШКЕК, 23-янв. — Sputnik. Быйыл санариптештирүүнүн алкагында айдоочулук күбөлүктөрдү жана автоунаалардын паспортторун электрондук түргө өткөрүү пландаштырылууда. Бул тууралуу Мамлекеттик каттоо кызматы билдирди.
Маалыматта айтылгандай, аталган долбоор пилоттук негизде адегенде Бишкек шаарында башталат.
"Пилоттук түрдө сыналуучу долбоордо унаа башкарган адамдар бет түзүлүшү аркылуу идентификацияланып, келечекте айдоочунун күбөлүгүн жана унаанын документин каттоо электрондук түргө өтүүгө мүмкүндүк берет. Электрондук документтер мобилдик тиркемелер аркылуу сунушталат", — деп айтылат маалыматта.
Өткөн жылы "Унаа" ишканасы тарабынан автонуааларга 413 миң 218 мамлекеттик номер белгилери, 250 миң 038 транспорт каражатын каттоо тууралуу күбөлүктөр берилген.
Ал эми эл аралык үлгүдөгү айдоочулук күбөлүк алгандардын саны 189 миң 526 адамга берилген.