Учак аэропортто туман учурунда. Архив

Коюу тумандан улам Бишкек менен Ошто авиакаттамдар кармалууда

297
(жаңыланган 21:33 04.01.2021)
Аэропорттон авиакомпаниянын өкүлдөрү жүргүнчүлөр менен иш алып барып жаткандыктарын жана коопсуздук бардыгынан жогору турарын эскертишти.

БИШКЕК, 4-янв. – Sputnik. Аба ырайынын шартына байланыштуу 4-январь күнү аба каттамдар кечигип, кармалып жатат. Бул туурасында эл аралык "Манас" аэропортунан кабарлашты.

Алар эл аралык "Ош" аэропортунун аймагын саат 18:20дан бери коюу туман каптап турганын да билдиришти.

Тумандан улам төмөнкү авиакаттамдар абага көтөрүлө албай турат:

  • Бишкек — Ош — Бишкек "Тез жет" авиакомпаниясы
  • Ош — Бишкек "Авиа Траффик Компани" авиакомпаниясы
"Авиакомпаниянын өкүлдөрү жүргүнчүлөр менен иш алып барып жатышат. Түшүнүү менен мамиле кылууну суранабыз. Коопсуздук бардыгынан жогору турат", — деп айтылган маалыматта.

Аба майдандан каттамдар тууралуу маалыматтарды аэропорттордогу сурап-билүү түйүндөрүнөн 0(312) 693109 жана 0(3222) 90101 телефон номерлери менен тактап алууну айтышты.

297
Белгилер:
туман, Ош аэропорту, учак, аба каттамы, Ош, Кыргызстан
Тема боюнча
Бишкекке экологиялык өзгөчө кырдаал киргизүү сунушуна Түлөбаев жооп берди
Аймактарда суук -25 градуска жетет. Бир жумага карата аба ырайы
Нуска китеп борборунун жетекчиси Анаркан Садыкулова

Садыкулова: кандай китеп окуурун билбеген жаштар көбөйдү

1
"Нуска" китеп борборунун жетекчиси Анаркан Садыкулова учурда жаштар арасында кандай темадагы китеп окуурун билбеген, жашоодогу багытын издегендер көбөйгөнүн айтты.
Садыкулова: кандай китеп окуурун билбеген жаштар көбөйдү

Эмне жөнүндө китеп окуй турганыңды жан дүйнөң менен сезип, билип турушуң керек. Бул абдан маанилүү. Мындай пикирин Анаркан Садыкулова Sputnik Кыргызстан радиосунун эфиринде маек куруп жатып билдирди.

Анын айтымында, китеп окуган адамдын акылы тунук, даражасы бийик, ой-чабыты кенен болот.

"Акыркы 30 жылды алсак, китептен такыр алыстагандар бар. Жаштар эле эмес улуу муундагы адамдар деле эмне окуурун билбейт. Мисалы, дүкөнгө кирип кандай темадагы чыгарма издеп жатканын билишпейт. Азыркы жашоо көбүнесе акчага байланып калды", — деди Садыкулова.

Ошондой эле жетекчи китеп окуу маданиятын калыптандыруу керектигин кошумчалады.

1
Белгилер:
бизнес, жаштар, билим, китеп, нускама
Тема боюнча
Министр: китептерде ката кетпеши үчүн "Окуу китеби" борбору ачылды
Россияда курулушта иштеген мигранттар. Архивдик сүрөт

Путин мигранттарды курулушка жумушка алуу тартибин жеңилдетүүнү тапшырды

17
(жаңыланган 11:08 19.01.2021)
Чет элдик жарандар ишке бардык санитардык талаптарды сактоо менен, бирок кыйынчылыгы жок алынышы керек. Россия өкмөтү бул боюнча өз сунуштарын 1-мартка чейин берет.

БИШКЕК, 19-янв. — Sputnik. Россия президенти Владимир Путин өкмөт менен Мамлекеттик кеңештин профилдик комиссиясына мигранттарды курулуш тармагына жумушка алуу боюнча талаптарды жөнөкөйлөтүү талабын койду. Мамлекеттик кеңеш менен РФ президентинин алдындагы стратегиялык өнүгүү жана улуттук долбоорлор кеңешине берилген тапшырмалар жыйындысы Кремлдин сайтына жайгаштырылды.

Документте айтылганына караганда, кеп КМШга кирген айрым өлкөлөрдүн жарандары тууралуу болууда.

Мигранттар курулуш тармагына бардык санитардык талаптарды сактоо менен алынышы керек. Өкмөт бул боюнча өз сунуштарын 1-мартка чейин бермекчи.

"КМШнын айрым өлкөлөрүнүн жарандарын жумушка алууда COVID-19 инфекциясынын тарап кетишин алдын алуу үчүн бардык чаралар аткарылышы керек. Ошол эле учурда жумушка алуу жолдору жеңилдетилсин", — деп айтылат тапшырмада.

Жыйында Россиянын вице-премьери Марат Хуснуллин учурда курулуш тармагында жумушчу күч жетпей жаткандыктан, айрым долбоорлорду убагында бүтпөй калуу коркунучу бар экенин айтты. Ал эми Татарстандын президенти Рустам Минниханов Владимир Путинге ар кайсы объектилерге атайылап мигранттарды алып келүүнү сунуштады.

17
Белгилер:
курулуш, миграция, КМШ, Россия
Тема боюнча
ЕАЭБ пенсиясын кимдер кандай шартта алышат? 7 суроого жооп
Маразыков: айыл калкы менен бийлик ортосуна эмгек мигранттары көпүрө болот