Кишилер боз үйдү тигүү учурунда. Архив

Кыргызстан саякаттоого ыңгайлуу өлкөлөрдүн сап башына чыкты. The Guardian рейтинги

133
(жаңыланган 12:11 05.01.2021)
Рейтинг саякатчы жана блогерлердин пикирине негизделген. Авторлор эгер пандемияга байланыштуу абал жакшырып калса, бул тизмедеги өлкөлөргө барууну сунуштайт.

БИШКЕК, 5-янв. — Sputnik. Улуу Британиядагы кадырлуу басылмалардын бири The Guardian 2021-жылы саякаттоого ыңгайлуу 12 өлкөнү тизмектеди. Алардын сап башына Кыргызстан чыкты.

Рейтинг саякатчы жана блогерлердин пикирине негизделген. Авторлор эгер пандемияга байланыштуу абал жакшырып калса, бул тизмедеги өлкөлөргө барууну сунуштаган.

"Кыргызстан саякаттоо үчүн идеалдуу инфраструктурасы бар жерде жайгашкан. Жакшы жери - анын баары туристтер тарабынан тебеленип, бузула элек. Бишкек — жашоо кайнап турган заманбап шаар. Ал эми айылдарда каада-салтты унутта калтырбай жашаган көчмөндөрдү көрө аласыз. Негизи эле Кыргызстан - дүйнөдөгү эң керемет өлкөлөрдүн бири. Ашканасы дагы абдан даамдуу", — деп жазылат макалада.

Кыргызстандан тышкары бул тизмеге Исландия, Өзбекстан, Азербайжан, Грузия, Украина, Ланди аралы сыяктуу жерлер кирди.

Аталган басылма Кыргызстанды өз тизмесине алгачкы жолу киргизип жаткан жок. Биздин өлкө 2019-жылы дагы саякаттоо үчүн сунушталган мамлекеттердин катарында болгон.

133
Белгилер:
туризм, сунуш, рейтинг, саякат, Кыргызстан
Тема боюнча
Кыргызстандын ажайып жерлеринин 3D картасы түзүлдү
Гипермаркеттеги аял. Архив

КРдеги супермаркеттер мөөнөтү өтүп кеткен товарларды эмне кылат? Расмий жооп

31
Адис арзандатуу же башка акциялар мөөнөтү өтүп кеткен товарлардан кутулуунун ыкмасы эмес экенин белгилеген.

БИШКЕК, 21-янв. — Sputnik. Кыргызстандагы супермаркеттер түйүнүнүн маркетинг боюнча жетекчиси Никита Рыжих ири дүкөндөр мөөнөтү өтүп кеткен товарларды эмне кыла турганын Sputnik Кыргызстан агенттигинде маек берип жатып айтып берди.

Рыжих белгилегендей, мөөнөтү өтүп кеткен азык-түлүктөр дүкөндөрдүн текчелеринде турбашы керек.

Директор по маркетингу сети супермаркетов Никита Рыжих на радио Sputnik Кыргызстан
© Sputnik / Асель Сыдыкова
Кыргызстандагы супермаркеттер түйүнүнүн маркетинг боюнча жетекчиси Никита Рыжих
"Супермаркеттерде күн сайын кыдырып, товарлардын мөөнөтүн текшерген кураторлор иштейт. Эгер персонал мөөнөтү өтүп кеткен товарларды убагында тапшыруучуга өткөрүп бербесе, анда алар сый акыдан кол жуушат. Бул процесс алдын ала жүргүзүлөт. Товар бир же эки жума мурда эле кайтарылат. Тапшыруучу тарап менен түзүлгөн келишимде кайтарып берүү пайызы да жазылат. Мисалы, кайсы бир товардан 100 даана алсак, анын 10 пайызын гана кайтарып беребиз. Эгер 15 пайызын кайтара турган болсок, 5 пайызынын акысын төлөшүбүз керек", — деди Рыжих.

Ал арзандатуу же башка акциялар мөөнөтү өтүп кеткен товарлардан кутулуунун ыкмасы эмес экенин белгилеп, бул маркетинг стратегиясы экенин кошумчалаган.

31
Белгилер:
тазалоо, мөөнөт, товар, супермаркет, Кыргызстан
Тема боюнча
Жыл башынан бери кайсы товар канча пайызга кымбаттады
Кыргызстандын жана Япониянын желектери. Архив

Юристтерге Японияда билимин тереңдетүү үчүн программа жарыяланды

23
Программага катышууну каалагандар сөзсүз түрдө англис тилин билиши керек. Документтер 12-февралга чейин кабыл алынат.

БИШКЕК, 21-янв. — Sputnik. Кыргызстандагы Япония элчилигинин MIRAI-2021 сынагына катышуучулар кабыл алынат. Бул тууралуу Билим берүү жана илим министрлигинин сайтына жарыяланды.

Программа 20 жаштан 30 жашка чейинки жаш, иштеп жаткан юристтерге (юрист, жактоочу, мамлекеттик кызматкер же укуктук тармактагы документтер менен иштеген бизнесмендер) сунушталат. Ошондой эле сынакка юридикалык адистикке кызыкдар болгон студенттер жана аспиранттар, мамлекеттик жана бизнес тармагындагы юриспруденцияга кызыккандар катыша алат.

Документтерди 2021-жылдын 12-февралына (саат 16:00) чейин Мамлекеттик кадр кызматына тапшыруу керек. Катышуучуларды япон тарап тандап алат.

"Сынактан өткөн жарандар Японияда 8-июндан 16-июнга чейин болушат. Бирок бул болжолдуу дата, ал өзгөрүп кетиши дагы ыктымал", — деп айтылат маалыматта.

Программа боюнча толук маалыматты Япониянын Кыргызстандагы элчилигинин сайтынан окууга болот.

23
Белгилер:
сынак, окуу, юрист, Япония, Кыргызстан
Тема боюнча
Түркиянын ЖОЖдоруна тапшырууну каалагандардан документтерди кабыл алуу башталды
Алтын куймалары. Архив

Кыргызстандын алтын валюта кору күн сайын 2 млн. долларга азаюуда

0
(жаңыланган 09:51 21.01.2021)
Август айынын аягында алтын валюта резерви үч миллиард доллардан ашып, рекорддук көрсөткүчкө жеткен. Мындан улам Улуттук банк сомдун курсун колдоо үчүн каражатты кенен колдонгон.

БИШКЕК, 21-янв. — Sputnik. Кыргызстандын алтын валюталык резерви төртүнчү ай удаасы менен кыскарып жатат. Бул тууралуу Улуттук банктын маалыматтарында айтылат.

Эскерте кетсек, алтын валюталык резерв август айында рекорддук көрсөткүчкө жетип, анан төмөндөй баштаган:

  • август — 3 миллиард 71,2 миллион доллар;
  • сентябрь — 2 миллиард 994,6 миллион;
  • октябрь — 2 миллиард 944,2 миллион;
  • ноябрь — 2 миллиард  817 миллион 160 миң;
  • декабрь — 2 миллиард 808 миллион 110 миң.

Август айынан декабрга чейин (112 күн) кордун көлөмү 263 миллион долларга (суткасына эки миллиондон ашык) кыскарган.

Белгилеп кетсек, бул мезгил аралыгында Улуттук банк 246,3 миллион, анын ичинде декабрда 21 миллиондон ашык доллар саткан.

Ушул эле убакытта дүйнөлүк рынокто алтындын унциясы 96 долларга төмөндөгөн. Бул баалуу металл Кыргызстандын резервинин олуттуу бөлүгүн түзөт.

0
Белгилер:
төмөндөө, Улуттук банк, валюта, алтын
Тема боюнча
Кыргызстандын алтын корунун баасы абсолюттук рекорд койду
2020-жылы экономикасы өсүштө болгон жалгыз өлкө аныкталды