Аба тазалагыч аба чыпкасы. Архив

Адамдын өпкөсү болушу мүмкүн эле. Бишкек тургуну аба тазалагычтын сүрөтүн көрсөттү

222
(жаңыланган 12:57 05.01.2021)
Сүрөттү жарыялаган кишинин айтымында, шаардын борбордук бөлүгүндө, тагыраагы, Москва жана Исанов көчөлөрүнүн кесилишинде жашайт.

БИШКЕК, 5-янв. — Sputnik. Facebook тармагынын колдонуучусу Philipp Reichm өзүнүн баракчасына батиринде эки айдан бери иштеп турган аба тазалагычтын сүрөтүн жарыялады.

Анын айтымында, үйү шаардын борбордук бөлүгүндө, тагыраагы, Москва жана Исанов көчөлөрүнүн кесилишинде жайгашкан.

"Бишкектеги эки ай. Бул силердин өпкөңөр болуп калышы мүмкүн эле", — деп жазылат постто.

Сүрөттө эки фильтр көрсөтүлгөн. Бири жаңы, экинчиси колдонулуп, ыштан карарып кеткен.

Белгилей кетсек, суук түшкөндөн бери Бишкек шаарын жана анын тегерегиндеги конуштарды коюу ыш каптап турат.

Буга чейин адистер шаардагы ыш көптөгөн ооруларды пайда кыларын айткан. Мисалы, кара түтүн өпкөдөн ылдый жайгашкан көк боор, ашказан, өт сыяктуу органдардын ишин бузат.

222
Белгилер:
аба, өпкө, Сүрөт, Бишкек
Тема боюнча
Бишкекти ыш кантип каптап жатат. Ылдамдатылган видео
Президенттин милдетин аткарып жаткан Жогорку Кеңештин төрагасы Талант Мамытов. Архив

Сиздерге таазим! Мамытов Ленинградды курчоодон бошотуу күнүнө карата кайрылуу жасады

52
(жаңыланган 11:30 27.01.2021)
Мамытов 27-январда белгилене турчу маанилүү дата — Ленинградды фашисттердин курчоосунан толук бошоткон күнгө карата жасаган кайрылуусунда советтик аскерлердин эрдигин өзгөчө белгилеген.

БИШКЕК, 27-янв. — Sputnik. Президенттин милдетин аткарып жаткан Жогорку Кеңештин төрагасы Талант Мамытов Ленинград шаарынын фашисттик курчоодон толук бошотулган күнүнө карата элге кайрылуу жолдоду. Бул тууралуу бүгүн, 27-январда, президенттин маалымат кызматынан билдиришти.

Кайрылууда советтик аскерлер тарабынан Ленинград шаарынын фашисттик курчоодон толук бошотулган күнү белгиленип жатканы айтылды.

"Ленинградды курчоого алуу — Улуу Ата Мекендик согуштун эң кайгылуу окуяларынын бири. Ленинград — дүйнөлүк тарыхта 900 күндүк курчоого туруштук берген жападан жалгыз шаар, ошол күндөрү миллиондогон балдар, аялдар, улгайган адамдар жана аскерлер каза болгон", — деп жазылат Мамытовдун кайрылуусунда.

Ленинградды курчоодон бошотуудагы салгылашууларда башка боордош элдер менен бирдикте 4,5 миңден ашуун мекендештерибиз баатырларча курман болушкан.

Ленинград курчоосунун алынгандыгынын 78 жылдыгы Бишкекте белгиленди
© Фото / представительство Россотрудничества в КР
"Курчоодо калып, аны баатырдык менен жеңип чыккан Ленинграддын каарман коргоочулары көрсөткөн эрдик өлбөс-өчпөс болуп калды. Алардын эрдиги биздин жүрөгүбүздө бекем сакталат. Урматтуу ардагерлер, сиздерге терең таазим! Курман болгон баатырлар түбөлүк эсибизде", — деген президенттин милдетин аткаруучу.

Улуу Ата Мекендик согуш учурунда курчоого алынган Ленинграддан Кыргызстанга 16 миңге жакын адам эвакуацияланган. Алардын 3,5 миңи балдар болгон.

52
Белгилер:
Талант Мамытов, кайрылуу, Кыргызстан, Улуу Ата Мекендик согуш, Ленинград, курчоо, фашизм
Тема боюнча
Путин КМШ өлкөлөрү Улуу Жеңиш жөнүндөгү чындыкты коргогону үчүн ыраазы болду
Кыз кукласы менен отурат. Архив

Баланы сексуалдык зомбулуктан кантип коргоо керек. ИИМдин эрежелери

60
(жаңыланган 11:06 27.01.2021)
ИИМ балдарга карата сексуалдык зомбулук болгон учурда кылмыштын издерин сактоо үчүн кийимдерди жууп же ыргытып салбоо зарыл экенин билдирди.

БИШКЕК, 27-янв. — Sputnik. Кыргызстанда сексуалдык зомбулукка жашы жете электердин 80 пайызы тааныштары жана туугандары тарабынан кабылат. Бул тууралуу ИИМдин маалымат кызматы кабарлады.

Ошондой эле балдарга карата сексуалдык ыдыктар үйүндө же конокто жасалары айтылат. 

  • Министрлик ата-энелерди балдарга сак жана жоопкерчиликтүү болууга чакырып, аларды зомбулуктан коргоонун жолдорун айтып берди.
  • Балдар тийишкен адамдар тууралуу жакындарына же ишенимдүү адамга айтуудан тартынбашы керек;
  • Өзүңдүн коопсуздугуңду сактоого укугуң бар. Зомбулук аракет кылгандарга жооп кайтара бил;
  • Жолдогу бейтааныш адамдардын автоунаасына отурба. Зарылчылык жаралганда такси кызматын чакыр;
  • Подъездге, лифтиге түшүүдөн мурда тегерегиңди кара, тааныш эмес адам менен кирбе;
  • Бейтааныш адамдар сунуштаган суусундуктарды ичпе;
  • Каякка барарыңды жана качан келериңди жакындарыңа билдирип тур;
  • Туугандарың болсо дагы эркектер менен жалгыз калбаганга аракет кыл. Үйдө ата-энелер жокто эркектерди киргизүү да кооптуу;
  • Түнгө калба жана конокто көпкө отуруп калба.

Мындан сырткары, ата-энелерге балдардын уюлдук телефонуна "Мен милициянын аймактык инспекторумун"  жана "112 Кыргызстан" тиркемелерин көчүрүп берүүнү сунуштады. 

"Зомбулук болгон учурда эмне кылуу керек? Кылмыштын издерин сактоо үчүн кийимдерди жууп же ыргытып салбоо зарыл. Милицияга жана медициналык мекемеге кайрылуу керек. Биринчи 72 саатта дарыгер ВИЧтин, жыныстык жугуштуу оорулардын жугушунун алдын алууга, күтүлбөгөн жерден бойго бүтүрбөөгө жардам берет. Ошондой эле зомбулукка кабылган жашы жете электерге психологиялык жардам берүү маанилүү", — деп айтылат билдирмеде.

Балдарга карата сексуалдык же башка мүнөздөгү зордук-зомбулуктар жасалса 102, 112 кызматтарына жана 111 ишеним телефондоруна байланышууга болот.

60
Белгилер:
ата-эне, бала, коопсуздук, зомбулук, ИИМ, Кыргызстан
Тема боюнча
Алтай, жалаа, сурак. Мончодо өспүрүмдү зордуктоо видеосу боюнча жаңы жагдайлар айтылды
Депутат ЖК Нурбек Сыдыгалиев на заседании Жорогку Кенеша

Жогорку Кеңешке жаңы вице-спикер шайланды

0
Төраганын орун басары кызматына парламенттин оппозициялык фракцияларынан эки талапкер көрсөтүлүп, жашыруун добуш берилди.

БИШКЕК, 27-янв. — Sputnik. Жогорку Кеңештин вице-спикери болуп Нурбек Сыдыгалиев шайланды.

Төраганын орун басары кызматына оппозициялык фракциялардын квотасы менен көрсөтүлөт. "Ата Мекен" фракциясы Нурбек Сыдыгалиевди, "Өнүгүү – Прогресс" фракциясы Уланбек Исмаиловдун талапкерлигин сунуштаган.

Жашыруун добуш берүүнүн жыйынтыгы менен Сыдыгалиев 77 депутаттын колдоосуна татып, вице-спикер болуп шайланды. Ал эми атаандашы Исмаилов 38 эл өкүлүнүн добушун алды.

Мурдагы вице-спикер Мирлан Бакиров белгисиз себептерден улам өткөн жылдын 23-декабрында кызматын тапшырып кеткен.

0