Апасынын колун кармаган атминер. Архивдик сүрөт

Ажолукка ат салышкандар кандай үй-бүлөдөн чыккан? Ата-энелеринин сүрөттөрү

7519
(жаңыланган 17:48 06.01.2021)
Эртең мамлекет башына ким келери жана өлкөнүн келечеги кайсы багытка бет алары көпчүлүктүн бүйүрүн кызытып, элди түйшөлтүп турган чагы.

Тарбия башаты үй-бүлө дейбиз. "Адамды эл караткан да, жер караткан да — бала" деп бабаларыбыз айткандай, элибиздин эртеңин калчагысы келген эрендер кандай үй-бүлөдөн чыкты экен?

Sputnik Кыргызстан агенттиги мамлекетти башкарууга белсенгендердин ата-энелери тууралуу билип көрдү. Арасында ата-энеси тууралуу айткысы келбегендери да болду.

Абдил Сегизбаев

Родители кандидата на должность президента КР Абдиля Сегизбаева
© Фото / из семейного архива Сегизбаевых
Абдил Сегизбаевдин ата-энеси Кеңеш Сегизбаев жана Шарипа Абдылдаева

Атасы Кеңеш Сегизбаев 1927-жылы 27-февралда Аламүдүн районунун Кой-Таш айылында төрөлгөн. Кийин Таш-Мойнок орто мектебин бүтүргөн соң Айыл чарба институтунан агроном кесиби боюнча билим алган. Эмгек жолун Таш-Мойнок айылында баштайт. Кийин ошол совхоздун директору болуп шайланып, анда 15 жыл иштеген. Ал эми Абдил Сегизбаевдин апасы Шарипа Абдылдаева 1943-жылы Талас облусундагы Киров районунун Жоон-Төбө айылында төрөлгөн. Анын атасы убагында ошол райондун башкармасы болгон экен. Ал эми Шарипа Абдылдаева кесиби боюнча физика мугалими.

Абдил Кеңешович апасы тууралуу "абдан сулуу, жөнөкөй, кеменгер жана аялзатына тийиштүү бүт касиеттери бар эле. Үй-бүлөдө балдарды тарбиялоого көп көңүл бурчу. Башкысы, бизди улууну урматтап, кичүүнү сыйлаган кичи пейилдикке үйрөткөн" деп айткан.

Талапкер апасынан 10 жашында, атасынан 17 жашында айрылган.

Клара Сооронкулова

Родители кандидата на должность президента КР Клары Сооронкуловой на торжестве
© Фото / иллюстрация из книги Сыргака Сооронкулова
Клара Сооронкулованын ата-энеси - Сыргак Сооронкулов жана Күлүйпа Сүйүмбаева

Клара Сооронкулованын атасы Сыргак Сооронкулов белгилүү санжырачы. Ал киши өмүрүнүн көп бөлүгүн колхоз иштерине арнап, республиканын түштүк жана Талас аймагындагы айыл чарба тармагын 25 жылдан ашык башкарган. Кесиби боюнча экономист, ошондой эле КУУнун экономика факультетинин алгачкы бүтүрүүчүлөрүнөн болгон. Убагында Германияда үч жыл аскердик кызмат өтөп келген да жайы бар. "Турмушумду барактап" аттуу автобиографиялык китептин автору. Өмүрлүк жары Күлүйпа Сүйүмбаева экөө Таластан, бир айылдан болушат. Клара айымдын апасы өмүрүн мектепте балдарга билим берүүгө арнаган. Жубайлар жети баланы тарбиялап өстүрүштү.

Аймен Касенов

Кандидат на должность президента КР Аймен Касенов с родителями. Архивное фото
© Фото / из семейного архива Касеновых
Аймен Касеновдун ата-энеси Абдыталип Касенов жана Күмүш Досалиева

Аймен мырзанын атасы Абдыталип Касенов билими боюнча мотор инженери. Нарын облусунда көп жыл иштеген. Ал эми апасы Күмүш Досалиева Финансы техникумун аяктаган. Президенттикке талапкер Аймен Касенов үй-бүлөсү тууралуу баракчасына кененирээк билдирүү калтырып, атасын үлгүлүү адам катары эсептээрин жазган.

"Негизи, билими боюнча атам мотор инженери. Ал көп жылдар бою Нарында иштеген. СССР таркаган соң Ысык-Көлдө топоз өстүрүп, азыркы учурда кыргыздын тарыхын, санжырасын изилдөөдө. Ал эми апам Каржы техникумун аяктаган, бирок мансапка караганда беш баланы жана үй-бүлөсүн багууну артык көрөт. Баса, мени кичинемден Каламкаш чоң энем чоңойткон. Ал кишинин жасаган тамактарын, айтып берген ырларын, жомокторун эч качан унутпайм", — деп жазган талапкер.

Касенов беш бир туугандын улуусу.

Канат Исаев

Родители кандидата на должность президента КР Каната Исаева. Архивное фото
© Фото / предоставлено штабом Каната Исаева
Канат Исаевдин ата-энеси - Кедейкан Кулов жана Асымбүбү Ташибаева

Кедейкан Кулов 1934-жылы 10-сентябрда туулган. Кедейкан Исаевич гидромелиоративдик техникумдан жана Алматыдагы жогорку партиялык мектептен билим алган. Кичи Кеминде колхоздун катчысы, парткомдун төрагасы болуп иштеген. Ардактуу эс алууга чыккыча суу чарба системасында да эмгектенет. "Ардак белгиси" жана "Эмгек ардагери" медалы менен сыйланган.

Апасы Асымбүбү Ташибаева 1941-жылы туулган. Ал ошол кездеги Фрунзе шаарындагы Кыз-келиндер педагогикалык институтун аяктап, 1964-жылдан 2015-жылга чейин мектепте физикадан сабак берген. КРдин эмгек сиңирген мугалими. Канат Исаевдин ата-энеси жети баланы тарбиялап өстүрүшкөн.

Мыктыбек Арстанбек

Мыктыбек Арстанбектин ата-энеси Арстанбек Батырбеков менен Айбарча Иранова экөө тең мугалим болгон.

Каныбек Иманалиев

Родители кандидата на должность президента КР Каныбека Иманалиева
© Фото / предоставлено Каныбеком Иманалиевым
Каныбек Иманалиевдин ата-энеси - Капаш Иманалиев жана Расия Абыкеева

Капаш Иманалиевдин кесиби мугалим, эл агартуунун отличниги. Ал киши 2005-жылы 73 жашында кайтыш болгон. Апасы Расия Абыкеева учурда 83 жашта, кесиби боюнча мугалим. Учурда жети уул-кыздын, 30дай небере-чөбөрөнүн төрүндө балпайган чоң эне.

Имамидин Ташов

Родители кандидата на должность президента КР Имамидина Ташова
© Фото / предоставлено штабом Имамидина Ташова
Имамидин Ташовдун ата-энеси - Асамидин Ташов жана Саипжамал Абдукаимова

Атасы Асамидин Ташов 1951-жылы туулган. Адистиги боюнча агроном. Апасы Саипжамал Абдукаимова 1958-жылы жарык дүйнөгө келип, мугалимдикти аркалаган. Имамидин Ташов беш бир туугандын улуусу. Ата-энеси үч уул, эки кызды тарбиялап өстүрүшкөн. Имамидин мырзанын кичи мекени —  Баткен облусуна караштуу Кадамжай районунун Майдан айыл өкмөтүндөгү Кара-Кыштак айылы. Асамидин аксакал 2019-жылы жарык дүйнө менен кош айтышкан. Саипжамал эне азыр Кадамжайда турат.

Элдар Абакиров

Элдар Абакировдун атасы Курманбек Абакиров 40 жылдан бери Кыргызстандагы ЖОЖдордо филология боюнча студенттерге билим берип келет. Апасы Бурул Шарипова мектептерде орус тилдүү класстарга кыргыз тилин окуткан. Учурда үй кожейкеси.

Эскерте кетсек, Элдар Абакиров төрт бир тууган.

Равшан Жээнбеков

Кандидат на должность президента КР Равшан Жээнбеков с сыном и отцом
© Фото / предоставлено штабом Равшана Жээнбекова
Равшан Жээнбеков уулу жана атасы Бабырбек Жээнбеков менен

Президенттикке талапкерлигин койгон Равшан Жээнбеков учурунда коомчулукка белгилүү ишмер, "Алиби", "Ачык саясат" саясий гезиттеринин негиздөөчүсү Бабырбек Жээнбековдун уулу экенин көпчүлүк жакшы билет. Бабырбек Субанович журналистика айдыңында бир топ жыл эмгектенген. Кийинки жылдары Монополияга каршы мамлекеттик агенттигин да жетектеп турду. Бабырбек Жээнбеков 2019-жылы узакка созулган оорудан улам көз жумган. Ал эми Равшан Бабырбековичтин апасы Самен Жайлообаева 1952-жылы туулуп, 2011-жылы каза болгон. Ал соода тармагында эмгектенчү.

Бактыбек Калмаматов

Кандидат на должность президента КР Бактыбек Калмаматов с отцом
© Фото / предоставлено штабом Бактыбека Калмаматова
Бактыбек Калмаматов атасы - Орозалы Калмаматов менен

Бактыбек Калмаматов да мугалимдин үй-бүлөсүндө жарык дүйнөгө келген. 

Кандидат на должность президента КР Бактыбек Калмаматов с матерью
© Фото / предоставлено штабом Бактыбека Калмаматова
Бактыбек Калмаматов апасы менен
"Атам өмүрүнүн дээрлик көпчүлүк бөлүгүн айдоочулук менен өткөрдү. Бул боюнча сабак берип дагы жүрдү. Кийин өзүнүн кесибине байланыштуу сот аткаруучу болуп да иштеди. Раматылык 2014-жылы каза болуп калды. Ал эми апам кесиби боюнча мугалим болуп, кийин китепканачы да болуп эмгектенген. Азыр үйүбүздүн куту болуп төрүбүздө отурат. Биз төрт бир тууганбыз. Баары үйлөнүп-жайланышкан. Мен үй-бүлөдө эң улуусумун, эки карындашым, иним бар", — деди Бактыбек Калмаматов.

Калмаматов бала чагында атасынын жумушуна байланыштуу көп жер которуп көчүп-конушканын журналисттер менен болгон маегинде айтканы бар. Ал көбүнчө чоң атасынын колунда өскөн. Бирок апасынын китепканада иштегени анын китепти көп окуусуна түрткү болгон экен.

Улукбек Кочкоров

Кандидат на должность президента КР Улукбек Кочкоров с отцом
© Фото / предоставлено штабом Улукбека Кочкорова
Улукбек Кочкоров атасы - Тойчубек Кочкоров менен

Улукбек Кочкоровдун атасы айыл чарба инженери болуп эмгектенген, азыр пенсияда. Энеси болсо эсепчи болгон. Ата-энесинин эмгекчилдигин Кочкоров дайыма үлгү катары көрөт.

"Атам да, апам да пенсияга кеткиче бир орунда иштешти. Жумуш дегенде ичкен ашын жерге койгон адамдар. Атам биз тура электе эле жумушка кетип, комбайн, тракторлордун ары-бери жагын карап керели-кечке талаада жүрчү. Кайра үйгө биз уктап калганда, түн киргенде келчү. Атамдын көз карашынан эле баарыбыз сестенчүбүз. Азыр кээде балдарым бейбаштык кылып баратканда атамдын ыкмаларын колдоном", — деген Кочкоров маектеринин биринде.

Талапкер алты бир туугандын улуусу. Бардыгы жогорку билимдүү.

Жеңишбек Байгуттиев

Родители кандидата на должность президента КР Женишбека Байгуттиева
© Фото / из семейного архива Байгуттиевых
Жеңишбек Байгуттиевдин ата-энеси - Сейтбек Байгуттиев жана Роза Жумагулова

Жеңишбек Байгуттиевдин атасы Сейтбек Байгуттиев 1931-жылы Нарын облусунун Нарын районундагы Куланак айылында туулган. Ал киши Кыргыз улуттук университетинде эмгектенип, доцент болгон. Атасы сабак өткөндү жана студенттери менен экспедицияга чыкканды жакшы көргөн. Кыргызстандын географиясы тууралуу көптөгөн эмгектерди жазган, комузда кол ойнотуп, саякатка көп чыккан. Жеңишбек Сейтбековичтин апасы Роза Жумагулова медицина тармагынын адиси. Роза апа 1942-жылы Чүй облусунун Панфилов районуна караштуу Эркин-Сай айылында туулган. Ал терапевт жана физиотерапевт катары эмгектенип, "Теплые ключи" эс алуу жайында башкы дарыгердин жардамчысы, андан кийин башкы дарыгер кызматын аркалаган.

Атасы 2002-жылы, ал эми апасы 2013-жылы көз жумган.

Адахан Мадумаров

Кимсанбай Мадумаров отец кандидата на должность президента КР Адахана Мадумарова
© Фото / из семейного архива Мадумаровых
Адахан Мадумаровдун атасы - Кимсанбай Мадумаров

Адахан Мадумаровдун атасы Кимсанбай Мадумаров 1935-жылы туулган. Ал киши Өзгөн районунун Куршаб айылындагы мектепте дене тарбия мугалими болуп эмгектенип, кийин пенсияга чыккан соң дыйканчылык менен алектенген. Кимсанбай аксакал так илимдерде жана дин жаатында билими терең адам болгон дешет. Эки жолу ажыга барып келген. 

Саламат Мадумарова мать кандидата на должность президента КР Адахана Мадумарова
© Фото / из семейного архива Мадумаровых
Адахан Мадумаровдун агасы жана апасы Саламат Мадумарова

Ал эми апасы Саламат Мадумарова 1938-жылы туулган. Ал убактысын үй-бүлөсүнө гана арнап, үй кожойкеси болгон. Абышкасы экөө сегиз баланы жарыкка алып келип, тарбиялап өстүрүшкөн. Адахан Мадумаров бир туугандардын экинчиси.

Атасы 2011-жылы, апасы 2015-жылы дүйнө салган.

Бабыржан Төлбаев

Кандидат на должность президента КР Бабыржан Тольбаев с отцом Латихан Тольбаевым
© Фото / предоставлено штабом Бабыржана Тольбаева
Бабыржан Төлбаев атасы - Латихан Төлбаев менен

Мамлекеттин тагдырын колго алгысы келгендердин бири Бабыржан Төлбаев маектеринин биринде жөнөкөй үй-бүлөдө төрөлгөндүгүн айтып берген. Атасы Латихан Төлбаев 1932-жылы Ош шаарында туулган. Ал киши шахмат ойногонду жакшы көрчү экен. Апасы Хабибахон Төлбаева — эмгек ардагери. 

Кандидат на должность президента КР Бабыржан Тольбаев с матерью Хабибахон Тольбаевой
© Фото / предоставлено штабом Бабыржана Тольбаева
Бабыржан Төлбаев апасы - Хабибахон Төлбаева менен
"Апам алгач жибек комбинатында, кийин бала бакчада ар кандай жумуштарда иштеген. Атам басмаканада, андан соң Ош шаарындагы Лебедев атындагы физика институтунун Памир экспедициясында улук лаборант болду. Үйдө жети бир тууган элек. Мен эң кичүүсүмүн, төрт байкем жана эки эжем бар", — деген Төлбаев.

Арстанбек Абдылдаев

Бейшеналы Абдылдаев и Саликан Кененбаева — родители кандидата на должность президента КР Арстанбека Абдылдаева
© Фото / из семейного архива Абдылдаевых
Арстанбек Абдылдаевдин ата-энеси - Бейшеналы Абдылдаев жана Саликан Кененбаева

Арстанбек Абдылдаевдин атасы Бейшеналы Абдылдаев 1934-жылы Ат-Башы районунун Дыйкан айылында туулган. Апасы Саликан Кененбаева 1936-жылы жарык дүйнөгө келет. Бейшеналы аксакал 1951-жылдан 1976-жылдарга чейин аталган райондогу Кара-Суу айылындагы "Коммунизм" колхозунда чабан болуп эмгек өтөгөн. Негизинен талапкердин ата-энеси экөө тең өмүр бою колхоздо эмгектенип, 1991-жылы ардактуу эс алууга чыгышкан. Бейшеналы Абдылдаев 2002-жылы Меккеге ажылыкка да барып келген. Байбичеси экөө сегиз баланы тарбиялап өстүрүп, окутушкан.

Апасы Саликан айым дагы чабандын жардамчысы болуп,"Алдыңкы саанчы", "Үлгүлүү үй-бүлө", "Күжүрмөн чабан" деген сыйлыктардын ээси болгон.

Арстанбек Абдылдаевдин атасы 2007-жылы, ал эми апасы 2009-жылы көз жумган..

Садыр Жапаров

Кандидат на должность президента КР Садыр Жапаров с отцом Нуркожо Мустали уулу и матерью Кадичей Жапаровой
© Фото / предоставлено штабом Садыра Жапарова
Садыр Жапаровдун ата-энеси - Нуркожо Мустали уулу жана Кадича Жапарова

Садыр Жапаровдун атасы Нуркожо Мустали уулу 1936-жылы Кытайда туулган. 2017-жылы 84 жашында дүйнө салган. Апасы Кадича Жапарова 1942-жылы туулган. Көп жыл сакманда иштеп, 2019-жылы 7-мартта каза болгон. Жубайлар 10 баланы тарбиялап өстүрүшкөн, Садыр Жапаров үйдө төртүнчү бала экени айтылып келет.

Курсан Асанов

Курсан Асановдун ата-энеси тууралуу маалымат алууга мүмкүн болбоду.

7519
Белгилер:
президент, Сүрөт, ата-эне, талапкер
Тема:
Кыргызстандагы президенттик шайлоо – 2021 (188)
Тема боюнча
Канайымдыкка талапкерлер. Ажо болом дегендердин артында кандай аял турат
Европа, Америкада жашайт. Ажолукка талапкерлер кандай уул-кыздарды тарбиялаган
Бишкектеги Токтогул Сатылгановтун эстелиги. Архивдик сүрөт

Ишембиге карата аба ырайы

30
16-январга караган түнү республика боюнча күн ачык болуп, жаан-чачын күтүлбөйт. Жолдор тоңуп, тайгак болот.

БИШКЕК, 15-янв. — Sputnik. Ишемби, 16-январда, күндүзү өлкө аймагында күн ачык болот. Бул тууралуу Кыргызгидромет маалымдады.

Түштүк-чыгыштан соккон шамалдын ылдамдыгы секундасына 5-10 метрден кээ бир райондордо 15-20 метрге жетет.

Абанын температурасы Чүй өрөөнүндө +11...+16, Талас жергесинде +13...+18, Ош, Жалал-Абад, Баткен облустарында +12...+17, Ысык-Көлдө +4...+9, ал эми Нарын аймагында -1...-6 градус болору айтылды.

Күндүн табы Бишкекте +13...+15, ал эми Ошто +15...+17 градусту көрсөтөт.

30
Белгилер:
аба ырайы, Кыргызстан, январь
Тема боюнча
Жерге муз доору кайтышы мүмкүн

Созгон сайын үнү ачылып... Токон Эшпаевдин сүрөттө калган элеси

148
(жаңыланган 19:46 15.01.2021)
  • Токон Эшпаев бир үйдүн жалгыз уулу болгон. Анын көкүрөгүндөгү таланты ата-энесинин каршылыгына карабай музыкалык жогорку билим алууга түрткөн.
  • Токон Эшпаев менен Рыспай Абдыкадыров Ош педагогикалык институтунун музыка факультетинде бир тайпада билим алышкан. Экөөнүн эсте калган күндөрү абдан көп.
  • 1971-жылы жогорку окуу жайды аяктаган соң ар кыл ансамблдерде обончу, аткаруучу болуп иштеп, аймактарда концерт коюшкан.
  • 1987-жыл. Кыргыз циркинин мурунку директору Курмангазы Исанаев экөө дос болушкан. Андан тышкары, 1986-жылы Маданият министрлигинин алдындагы искусство мекемелеринин жетектөө боюнча жогорку курста бирге окушкан.
  • Токон Эшпаевдин өз энеси ал эки жашка чыкканда төрөттөн каза болуп калган. Бирок өздөй көргөн өгөй энеси Салима апанын мээримине канып чоңоёт.
  • 1967-жылы Ош шаарындагы Маданият үйүндө келечектеги жубайы Инават Камбаралиева менен таанышкан. Экөө студент кезде баш кошот.
  • Кыргыздын генийи Табылды Эгембердиев менен сый тамак үстүндө
  • Токон Эшпаев обон жаратарда ырдын сөзүнө абдан көңүл буруп, акындар менен жакшы иштешкен.
  • Ал Ай, эжеке, Ак көйнөкчөн аппак кыз, Акманым, Ак тилек, Ардагым, Атама, Гүлдө, Кыргызстан, Жаштык, Каалаймын өмүр көктөмүн, Керме-Тоо жылдыздары, Өзгөчөм, Өмүр салтанаты, Чакырат Чаткалым, Эжеке деп аталган ырлардын автору болгон.
  • Кыргыз эл артисти Жолболду Алыбаев жана белгилүү обончу Абдыкерим Ахмедов менен түшкөн
  • Токон Эшпаев жубайы Инават Камбаралиева экөө беш баланын бактылуу ата-энеси болушкан
  • Залкар талант 2014-жылы 64 жашында ооруканадан көз жумган.
Классик обончу, белгилүү ырчы Токон Эшпаев быйыл көзү тирүү болгондо 70 жашка толмок. 1970-80-жылдары белгилүү обончунун аккордеон менен аткарган ырлары азыр да эл оозунда.

Улуу таланттын көзү өтсө да, анын экинчи өмүрү ырларында жашап калды. Sputnik Кыргызстан агенттиги Токон Эшпаев тууралуу сүрөттөрдүн түрмөгүн даярдаган.

Токон Эшпаев бир үйдүн жалгыз уулу болгондугу маалым. Атасы 60тан ашканда көргөн уулуна ырымдап Токтомамат деген ысым ыйгарат. Себеби ага чейинки балдары чарчап кала берген экен. Токтомамат эки жашка чыкканда төрөттөн улам апасы каза таап, Салима аттуу өгөй энесинин колунда чоңоёт. Бирок Салима апа кичинекей Токон менен анын бир туугандарын бооруна басып, энесиндей мээрим төгүп камкордукка алыптыр.

Кийин 1969-жылы чоң сахнага аттанганда белгилүү талант Токон Эшпаев деген ат менен элге таанылган.

Токон Эшпаев обон жаратарда ырдын сөзүнө абдан көңүл буруп, акындар менен жакшы иштешкендигин жакындан тааныгандар айтышат. Обончу "Ай, эжеке", "Ак көйнөкчөн аппак кыз", "Акманым", "Ак тилек", "Ардагым", "Атама", "Гүлдө, Кыргызстан", "Жаштык", "Каалаймын өмүр көктөмүн", "Керме-Тоо жылдыздары", "Өзгөчөм", "Өмүр салтанаты", "Чакырат Чаткалым", "Эжеке" деп аталган ырлардын автору болгон.

Ал Ош педагогикалык институтунун музыка факультетинде билим алып, кадимки Рыспай Абдыкадыров менен тайпалаш эле. Студент кезинде эле 1970-жылы Иноват Камбаралиевага баш кошуп, экөө беш баланын ата-энеси болушат.

1971-жылы аталган жогорку окуу жайды аяктаган соң ар кыл аскердик ансамблдерде аткаруучу, жергиликтүү райондук кеңештин маданият бөлүмүнүн башчысы өңдүү жетекчилик кызматтарда иштеген. 1986-жылы Маданият министрлигинин алдындагы искусство мекемелерин жетектөө боюнча жогорку курсту аяктап, 1987-жылдан 1992-жылга чейин Ош облустук филармониясында директор болот.

Ал эми 1993-жылдан өмүрүнүн аягына чейин Ош облустук филармониясынын солист-вокалисти болуп эмгектенген.

Кант диабети жана боор илдетинен жабыркап келген Токон Эшпаев 2014-жылы 64 жашында ооруканадан көз жумган. Дарыгерлер боорго күч келет деп акыркы кезде ырдаганга тыюу салат. Бирок белгилүү обончу буулуккан булбулдай болуп ырдамайынча тура алган эмес. Обон созгон сайын үнү ачылып, бир отурганда он чакты чыгарманы бир ырдаган адаты болгонун айтып келишет. Акыркы жолу ооруганда дайыма дарыланып жүргөн Бишкектеги ооруканага барууга макул болбой койгон.

Токон Эшпаевдин сөөгү Ош шаарында жерге берилген.

148
  • Токон Эшпаев бир үйдүн жалгыз уулу болгон. Анын көкүрөгүндөгү таланты ата-энесинин каршылыгына карабай музыкалык жогорку билим алууга түрткөн.
    © Фото / из семейного архива Эшпаевых

    Токон Эшпаев бир үйдүн жалгыз уулу болгон. Анын көкүрөгүндөгү таланты ата-энесинин каршылыгына карабай музыкалык жогорку билим алууга түрткөн.

  • Токон Эшпаев менен Рыспай Абдыкадыров Ош педагогикалык институтунун музыка факультетинде бир тайпада билим алышкан. Экөөнүн эсте калган күндөрү абдан көп.
    © Фото / из семейного архива Эшпаевых

    Токон Эшпаев менен Рыспай Абдыкадыров Ош педагогикалык институтунун музыка факультетинде бир тайпада билим алышкан. Экөөнүн эсте калган күндөрү абдан көп.

  • 1971-жылы жогорку окуу жайды аяктаган соң ар кыл ансамблдерде обончу, аткаруучу болуп иштеп, аймактарда концерт коюшкан.
    © Фото / из семейного архива Эшпаевых

    1971-жылы жогорку окуу жайды аяктаган соң ар кыл ансамблдерде обончу, аткаруучу болуп иштеп, аймактарда концерт коюшкан.

  • 1987-жыл. Кыргыз циркинин мурунку директору Курмангазы Исанаев экөө дос болушкан. Андан тышкары, 1986-жылы Маданият министрлигинин алдындагы искусство мекемелеринин жетектөө боюнча жогорку курста бирге окушкан.
    © Фото / из семейного архива Эшпаевых

    1987-жыл. Кыргыз циркинин мурунку директору Курмангазы Исанаев экөө дос болушкан. Андан тышкары, 1986-жылы Маданият министрлигинин алдындагы искусство мекемелеринин жетектөө боюнча жогорку курста бирге окушкан.

  • Токон Эшпаевдин өз энеси ал эки жашка чыкканда төрөттөн каза болуп калган. Бирок өздөй көргөн өгөй энеси Салима апанын мээримине канып чоңоёт.
    © Фото / из семейного архива Эшпаевых

    Токон Эшпаевдин өз энеси ал эки жашка чыкканда төрөттөн каза болуп калган. Бирок өздөй көргөн өгөй энеси Салима апанын мээримине канып чоңоёт.

  • 1967-жылы Ош шаарындагы Маданият үйүндө келечектеги жубайы Инават Камбаралиева менен таанышкан. Экөө студент кезде баш кошот.
    © Фото / из семейного архива Эшпаевых

    1967-жылы Ош шаарындагы Маданият үйүндө келечектеги жубайы Инават Камбаралиева менен таанышкан. Экөө студент кезде баш кошот.

  • Кыргыздын генийи Табылды Эгембердиев менен сый тамак үстүндө
    © Фото / из семейного архива Эшпаевых

    Кыргыздын генийи Табылды Эгембердиев менен сый тамак үстүндө

  • Токон Эшпаев обон жаратарда ырдын сөзүнө абдан көңүл буруп, акындар менен жакшы иштешкен.
    © Фото / из семейного архива Эшпаевых

    Токон Эшпаев обон жаратарда ырдын сөзүнө абдан көңүл буруп, акындар менен жакшы иштешкен.

  • Ал Ай, эжеке, Ак көйнөкчөн аппак кыз, Акманым, Ак тилек, Ардагым, Атама, Гүлдө, Кыргызстан, Жаштык, Каалаймын өмүр көктөмүн, Керме-Тоо жылдыздары, Өзгөчөм, Өмүр салтанаты, Чакырат Чаткалым, Эжеке деп аталган ырлардын автору болгон.
    © Фото / из семейного архива Эшпаевых

    Ал "Ай, эжеке", "Ак көйнөкчөн аппак кыз", "Акманым", "Ак тилек", "Ардагым", "Атама", "Гүлдө, Кыргызстан", "Жаштык", "Каалаймын өмүр көктөмүн", "Керме-Тоо жылдыздары", "Өзгөчөм", "Өмүр салтанаты", "Чакырат Чаткалым", "Эжеке" деп аталган ырлардын автору болгон.

  • Кыргыз эл артисти Жолболду Алыбаев жана белгилүү обончу Абдыкерим Ахмедов менен түшкөн
    © Фото / из семейного архива Эшпаевых

    Кыргыз эл артисти Жолболду Алыбаев жана белгилүү обончу Абдыкерим Ахмедов менен түшкөн

  • Токон Эшпаев жубайы Инават Камбаралиева экөө беш баланын бактылуу ата-энеси болушкан
    © Фото / из семейного архива Эшпаевых

    Токон Эшпаев жубайы Инават Камбаралиева экөө беш баланын бактылуу ата-энеси болушкан

  • Залкар талант 2014-жылы 64 жашында ооруканадан көз жумган.
    © Фото / из семейного архива Эшпаевых

    Залкар талант 2014-жылы 64 жашында ооруканадан көз жумган.

Белгилер:
Сүрөт, обончу, ыр, Ош, Токон Эшпаев
Тема боюнча
Дүйшөн Байдөбөтов 72 жашка толмок. Улуу таланттын сүрөттөгү экинчи өмүрү