Жүргүнчүлөрдү текшерүү. Архивдик сүрөт

УКМК: шайлоого карата өлкөгө кирген-чыккан адамдар тыкыр текшерилип жатат

127
(жаңыланган 12:12 06.01.2021)
2021-жылдын 10-январында өтө турган президенттик шайлоого карата стратегиялык маанидеги объектилерди коргоо күчөтүлдү.

БИШКЕК, 6-янв. – Sputnik. Азыркы кезде шайлоо алдындагы кырдаалга такай көз салган УКМКнын Ыкчам штабы иштеп жатат. Бул тууралуу Улуттук коопсуздук мамлекеттик комитетинен билдиришти.

УКМКнын жеке курамы күчөтүлгөн тартипте кызмат өтөө режимине өттү. Ошондой эле 2021-жылдын 10-январында жергиликтүү бийлик жана укук коргоо органдары менен кызматташуу тартиби иштелип чыкты.

"Чагымчыл акцияларды уюштурууга, шайлоону үзгүлтүккө учуратууга камынган диний-экстремисттик жана криминалдык топтор болсо аларды алдын ала аныктоого өзгөчө көңүл бурулууда. Ошондой эле стратегиялык маанидеги объектилерди коргоо күчөтүлдү", — деп айтылат маалыматта.

Укук коргоо органдары жана Чек ара кызматы менен биргеликте өлкөгө кирип-чыккандар тыкыр текшерилип жатат.

УКМК жарандарды провокациялык маанайдагы материалдарды жайылтуудан карманууга чакырат. Мыйзам бузгандар Кылмыш жоопкерчилигине тартылары эскертилди.

127
Белгилер:
тартип, даярдык, шайлоо, УКМК
Тема:
Кыргызстандагы президенттик шайлоо – 2021 (191)
Тема боюнча
Бүгүн президенттикке талапкерлердин дебатынын экинчи туру башталат. Катышуучулар
Италиялык Ювентус клубунун чабуулчусу Криштиану Роналду. Архивдик сүрөт

Роналду тарыхта расмий оюндарда эң көп гол киргизген футболчу болду

12
(жаңыланган 11:16 21.01.2021)
35 жаштагы спортчу кечээ Италиянын Суперкубогу үчүн "Наполи" менен оюнда гол киргизди. Беттеш 2:0 эсеби менен туриндиктердин пайдасына аяктаган.

БИШКЕК, 21-янв. — Sputnik. Италиялык "Ювентус" клубунун чабуулчусу Криштиану Роналду расмий беттештерде киргизген голдорунун саны боюнча футбол тарыхында биринчи орунга чыкты. Бул тууралуу Р-Спорт жазды.

35 жаштагы спортчу кечээ Италиянын Суперкубогу үчүн "Наполи" менен оюнда гол киргизди. Беттеш 2:0 эсеби менен туриндиктердин пайдасына аяктаган.

Бул Роналдунун профессионалдык карьерасындагы клуб жана улуттук командасы үчүн киргизген 760-голу болду. Муну менен ал Австрия жана чехословакиялык футболчу Йозеф Бицандан ашып өттү. 1950-жылдары ойногон чабуулчу атаандаштарынын дарбазасына 759 ирет топ киргизген.

12
Белгилер:
лидер, гол, Криштиану Роналду, футбол
Тема боюнча
Роналду XXI кылымдын мыкты футболчусу аталды. Спортчу эмне деди
Жаңы үйлөнгөндөр. Архив

Бир мүнөттө үйлөнө калып жумушка чыккан полиция кызматкери. Кытайдагы окуя

16
(жаңыланган 11:06 21.01.2021)
Ишинен бошобогон полиция кызматкери сүйүктүүсүнө баш кошууга түшкү тамактануу учурунда убакыт таап келген.

БИШКЕК, 21-янв. — Sputnik. Кытайда кайгуул полиция кызматкери бир мүнөттүн ичинде үйлөнүп, кайра дароо эле жумушка чыкты. Бул тууралуу "Известия" басылмасы кабарлады.

Салтанат Кытайдын Хэбей провинциясында өткөн. Анда жумушунан бошобогон полиция кызматкери түшкү тамактануу учурунда убакыт таап, келинчеги менен бир мүнөттүн ичинде үйлөнүп, кайра эле кызматына жөнөгөнү айтылат.

Түгөйлөр 15-январда баш кошкон.

16
Белгилер:
полиция, той, үлпөт, үй-бүлө, Кытай
Тема боюнча
Үлпөт тоюнан 15 мүнөт өтпөй көз жумган келин. Даниядагы окуя