Милиция кызматкерлери митинг учурунда. Архив

"Шайлоодон кийинки ызы-чууда качып кеткен министрдей болбойсуңарбы?" ИИМдин жообу

204
(жаңыланган 13:23 06.01.2021)
ИИМ башчысынын орун басары саясий абалды курчутпоого күч менен каражат жетиштүү экенине ишендирген. Ошондой эле митингдер болсо күч менен кууп таратууга ниеттери жок экенин айткан.

БИШКЕК, 6-янв. — Sputnik. ИИМ октябрдагы парламенттик шайлоодогудай башаламандыкты болтурбоого болгон аракетин жумшайт. Бул тууралуу министрликтин шайлоо алдындагы маалымат жыйынында ички иштер министринин орун басары Октябрь Урмамбетов билдирди.

Журналист ИИМ башчысынын орун басарынан бул жолку шайлоодо "качып кеткен министрдикиндей (Кашкар Жунушалиев — ред.) окуялар кайталанбайбы?" деп сураган.

"Жок, андай болбойт", — деди Урмамбетов.

Мындан тышкары, саясий абалды курчутпоого министрликтин күчү жана каражаты жетиштүү экенине ишендирген. Ошондой эле митингдер болсо элди күч менен кууп таратууга ниет жок экенин айткан.

Ошол эле учурда ИИМдин маалымат кызматынын башчысы Бакыт Сеитов "сиздер менен кошо көрө жатарбыз" деп жооп берген.

Учурда өлкөдөгү абалды дестабилдештирүү аракетин көргөн саясий топтор аныкталып, териштирүү иштери жүрүп жатканы кошумчаланды.

204
Белгилер:
Митинг, шайлоо, Кашкар Жунушалиев, ИИМ
Тема:
Кыргызстандагы президенттик шайлоо – 2021 (189)
Тема боюнча
УКМК: шайлоого карата өлкөгө кирген-чыккан адамдар тыкыр текшерилип жатат
Бүгүн президенттикке талапкерлердин дебатынын экинчи туру башталат. Катышуучулар
Боец WEF Кылычбек Саркарбаев в спортивном зале

Сот Кылыч Саркарбаев үй камагына чыгарылганын тастыктады

2
(жаңыланган 11:43 19.01.2021)
Өткөн жылдын 21-декабрында Саркарбаевдин баш коргоо чарасы тандалып, эки айга тергөө абагына киргизилген болчу.

БИШКЕК, 19-янв. — Sputnik. Ош шаардык спорт комитетинин мурдагы төрагасы Кылычбек Саркарбаев соттун чечими менен үй камагына чыкты. Маалыматты Ош облустук сотунун маалымат катчысы Назгүл Исманова тастыктады.

Билдирүүгө ылайык, шаардык сот 16-январда Саркарбаевдин бөгөт чарасын үй камагына өзгөрткөн. Чечимдин негизинде ага соттун уруксатысыз Ош шаарынан башка аймакка чыгууга тыюу салынды, ошондой эле кечки 22:00дөн таңкы 6:00гө чейин үйүндө болушу шарт.

Ушул эле шаардык сот 21-декабрда Саркарбаевдин баш коргоо чарасын тандап, эки айга тергөө абагына киргизген.

Кылыч Саркарбаев паспортун жасалмалаган жана криминалдык иштерге аралашкан деген кине менен өткөн жылдын 27-декабрында кармалган.

УКМКнын маалыматына караганда, ал "Дженго" каймана аты бар уюшкан кылмыштуу топтун лидери Кадыр Досонов менен жакын мамиледе болгон.

Бул окуяга байланыштуу ал Ош шаардык спорт комитетинин жетекчиси кызматынан бошотулган.

Саркарбаев жыйынтыгы жокко чыгарылган 4-октябрдагы парламенттик шайлоого "Мекеним Кыргызстан" партиясы менен катышканы маалым.

2
Белгилер:
Кылычбек Саркарбаев, УКМК, өзгөртүүлөр, чара, сот
Тема боюнча
Ош шаардык спорт комитетине жаңы жетекчи дайындалды
Транспорт министрлигинин статс-катчысы 2,5 млн. сом төлөп абактан чыкты
Бейтаптан анализ алып аткан медайым. Архивдик сүрөт

Бир суткада 90 кишиден коронавирус табылып, үч бейтап көз жумду

9
(жаңыланган 11:44 19.01.2021)
Азыркы учурда 742 адам стационарларда дарыланып жатканы айтылды. Анын ичинен 37 бейтаптын абалы өтө оор деп бааланууда.

БИШКЕК, 19-янв. — Sputnik. Өткөн суткада өлкөдө 90 кишиден коронавирус табылды. Ошол эле маалда 145 бейтап ооруну жеңген. Бул тууралуу Республикалык штаб кабарлады.

Жуктургандар:

  • Бишкек – 21;
  • Чүй облусу – 37;
  • Ош облусу – 1;
  • Нарын облусу – 2;
  • Ысык-Көл облусу – 23;
  • Жалал-Абад облусу – 3;
  • Баткен облусу – 3.

Ушуну менен коронавирус жуктургандардын саны өлкөдө 83 268ге жетти.

Айыккандар:

  • Бишкек – 61;
  • Ош шаары – 2;
  • Чүй облусу – 45;
  • Ош облусу – 4;
  • Талас облусу – 2;
  • Нарын облусу – 2;
  • Ысык-Көл облусу – 22;
  • Жалал-Абад облусу – 5;
  • Баткен облусу – 2.

Оору илештиргендердин басымдуу бөлүгү, тагыраагы, 79 249 бейтап айыккан.

Тилекке каршы, өткөн суткада коронавирус үч адамдын өмүрүн алган. Анын экөө Бишкектен, бири Ошто болчу.

Азыркы учурда 742 адам стационарларда дарыланып жатканы айтылды. Анын ичинен 220сынын абалы оор болсо, 37 бейтаптын абалы өтө оор деп бааланууда.

Өткөн суткада бир да медиктен коронавирус аныкталган эмес.

9
Белгилер:
өлүм, медик, оору, статистика, коронавирус, Кыргызстан
Тема:
Кыргызстандагы коронавирус жуктуруп алгандар
Тема боюнча
КР калкынын канчасында коронавируска каршы антитело бар? Изилдөөнүн жыйынтыгы
Россияда "британиялык" штамм мартта күч алары болжолдонууда