Бишкек ТЭЦи. Архив

Бишкекти каптаган ыш: Финпол ЖЭБ кызматкерлерине карата териштирүү баштады

109
(жаңыланган 18:10 06.01.2021)
Акыркы жылдары баш калаада абанын булганышы өтө кооптуу чекке жеткендиги айтылып келет. Бул факты Кылмыш жана жоруктардын бирдиктүү реестрине катталганы айтылды.

БИШКЕК, 6-янв. — Sputnik. Экономикалык кылмыштарга каршы күрөшүү кызматы Бишкек шаарындагы абанын булганышына байланыштуу териштирүү баштады. Бул тууралуу мекеменин маалымат кызматы кабарлады.

Акыркы жылдары Бишкекте абанын булганышы нормадан бир нече эсе ашып кетип, элдин саламаттыгы коркунучка кабылганын экологдор айтып келишет.

"Финансы полициясы абанын булгануу себептерин аныктоо фактысы боюнча Бишкек ЖЭБинин жооптуу адамдарына карата сотко чейинки тергөөнү баштады", — деп жазылат маалыматта.

Аталган факты Жазык кодексинин 233-беренеси ("Коммерциялык же башка уюмда ыйгарым укуктарын кыянаттык менен пайдалануу") менен Кылмыш жана жоруктардын бирдиктүү реестрине катталганы айтылды.

109
Белгилер:
финансы полициясы, ЖЭБ, териштирүү, аба, Бишкек
Тема боюнча
Бишкекти каптаган ыш Deutsche Welle берүүсүнүн башкы темасы болду. Видео
Абактын эшигин ачып жаткан кызматкер. Архив

Коррупцияга айыпталган мурдагы жетекчи 11 млн. сом төлөп үй камагына чыкты

68
(жаңыланган 11:53 26.01.2021)
Мамлекеттик ишкананын мурунку жетекчилиги жана жооптуу адамдары жеке ишканалар менен сүйлөшүп алып коррупциялык схема түзгөнү үчүн кармалган.

БИШКЕК, 26-янв. — Sputnik. Коррупцияга шектелип кармалган "Кыргыз темир жолу" ишканасынын Түштүк бөлүмүнүн мурдагы башчысы мамлекетке келтирилген чыгымды төлөп берип, үй камагына чыкты. Бул тууралуу УКМКнын маалымат кызматы кабарлады.

Бажы кызматкери. Архив
© Фото / пресс-служба правительства / Алишер Алиев
Билдирүүдө айтылгандай, тергөө учурунда мекеменин мурдагы жетекчиси Ю.Б.К. коюлган айыпты толугу менен мойнуна алып, мамлекетке келтирген 11 миллион 700 миң сом өлчөмүндө зыянды төлөп берген.

Мындан улам анын баш коргоо чарасы үй камагына өзгөргөнү айтылат.

Белгилей кетсек, Ю.Б.К. жооптуу адамдар менен биргеликте чарбакер субъектилердин катышуусу менен мамлекеттик сатып алууларды жогорулатылган баада жүргүзгөн туруктуу схеманы түзүп алышканы үчүн 14-декабрда кармалган.

68
Белгилер:
Кыргыз темир жолу, шектүү, коррупция
Тема боюнча
"Кыргыз темир жолунан" 250 миң доллар опузалап алган. УКМК шектүүлөрдү кармады
Спутник V вакцинасына чыгаруу. Архив

Россия Кыргызстандын аймагында "Спутник V" вакцинасын чыгарууга даяр

69
(жаңыланган 11:24 26.01.2021)
Россия Кыргызстандын аймагында "Спутник V" вакцинасын жасоого даяр экени Москвада өткөн ЕАЭКтин жыйынында Путин тарабынан айтылган. Муну Россиянын өнөр жай жана соода министри Денис Мантуров да ырастаган.

БИШКЕК, 26-янв. — Sputnik. Россия коронавируска каршы "Спутник V" вакцинасын Кыргызстандын аймагында чыгарууга даяр. Бул тууралуу Өнөр жай, энергетика жана жер казынасын пайдалануу боюнча мамлекеттик комитеттин төрагасы Жыргалбек Сагынбаев билдирди.

Анын айтымында, кыргыз делегациясы Жогорку евразиялык экономикалык кеңештин отурумуна катышуу үчүн Москва шаарына барып, Россиянын өкмөт мүчөлөрү жана инвесторлор менен жолуккан. Жыйын учурунда Владимир Путин Россия ЕАЭБдин бардык өлкөлөрүндө вакцина өндүрүшүн ачууга даяр экендигин айткан. Андан кийин муну Россиянын өнөр жай жана соода министри Денис Мантуров дагы ырастаган.

"Эгерде Кыргызстан техникалык мүмкүнчүлүктөрү, тиешелүү шаймандары бар компанияны аныктаса, анда Россия комиссия жиберип, чечим кабыл алууга даяр экенин билдирди", – деди Сагынбаев.

Вакцина өндүрүүчү компанияны Россиянын Өнөр жай жана соода министрлиги тандайт. Талапкерлерди Кыргызстандын Мамлекеттик өнөр жай комитети сунуштайт. Айрым талапкер болгон компаниялар буга чейин министрлик менен сүйлөшүүлөрдү өткөргөн. Каржы маселесин Россиянын Өнөр жай жана соода министрлиги жана компания чечет, ал эми кыргыз өкмөтү шарт түзүп бериши керек.

Сагынбаев вакцинаны өндүрүү препараттын жеткиликтүүлүгүн гана камсыз кылбастан, жумуш орундарын да түзөрүн, ошондой эле вакцина өндүрүү жаатындагы өлкөдө алгачкы тажрыйба болорун белгилеген.

69
Белгилер:
Кыргызстан, Россия, коронавирус, вакцина, өндүрүүчү, сунуш, жолугушуу
Тема:
"Спутник V" вакцинасы
Тема боюнча
"Спутник V" вакцинасын кайсы оорусу барлар этияттык менен алышы керек? Инструкция
ЖМК: Пакистан россиялык "Спутник V" вакцинасын аларын айтты