Саламаттык сактоо министри Алымкадыр Бейшеналиев Таластагы өрттөн күйүк алган адамдардын абалынан кабар алды

Таластагы жарылуу. Жабыркаган эки адам Бишкектин ооруканасына которулат

187
(жаңыланган 21:15 06.01.2021)
Эгер зарылчылык жаралса Кара-Буура аймактык ооруканасындагы реанимацияда жаткан үч бейтап дагы Бишкекке алып келинери айтылды.

БИШКЕК, 6-янв. — Sputnik. Саламаттык сактоо министри Алымкадыр Бейшеналиев Таластагы тез тамактануучу жайдагы өрттөн күйүк алган адамдардын абалынан кабар алып, алардын ден соолугу боюнча консилиум өткөрдү. Бул тууралуу министрликтин маалымат кызматы кабарлады.

  • Саламаттык сактоо министри Алымкадыр Бейшеналиев Таластагы тез тамактануучу жайдагы өрттөн күйүк алган адамдардын абалынан кабар алып, алардын ден соолугу боюнча консилиум өткөрдү
    Саламаттык сактоо министри Алымкадыр Бейшеналиев Таластагы тез тамактануучу жайдагы өрттөн күйүк алган адамдардын абалынан кабар алып, алардын ден соолугу боюнча консилиум өткөрдү
    © Фото / пресс-служба Минздрава КР
  • Ага ылайык, министр Кара-Буура жана Талас аймактык ооруканаларына барып медициналык жардам алып жаткандардын ден соолугун сураган
    Ага ылайык, министр Кара-Буура жана Талас аймактык ооруканаларына барып медициналык жардам алып жаткандардын ден соолугун сураган
    © Фото / пресс-служба Минздрава КР
1 / 2
© Фото / пресс-служба Минздрава КР
Саламаттык сактоо министри Алымкадыр Бейшеналиев Таластагы тез тамактануучу жайдагы өрттөн күйүк алган адамдардын абалынан кабар алып, алардын ден соолугу боюнча консилиум өткөрдү

Ага ылайык, министр Кара-Буура жана Талас аймактык ооруканаларына барып медициналык жардам алып жаткандардын ден соолугун сураган.

"Консилиумдан кийин жабыркаган Талас аймактык ооруканасындагы реанимацияда жаткан эки адамды Бишкектеги Травматология жана ортопедия илим изилдөө борборуна жөнөтүү чечими кабыл алынган", — деп айтылат маалыматта.

Эгер зарылчылык жаралса Кара-Буура аймактык ооруканасындагы реанимацияда жаткан үч бейтап дагы Бишкекке алып келинери айтылды.

Бейшеналиев жабыркагандарга керектүү медициналык жардамды берип, аларды дары-дармек менен камсыз кылуу тапшырмасын берген. Ошондой эле бардык адистердин катышуусу менен консультация уюштурууну табыштаган.

Эске салсак, 4-январь күнү Кара-Буура районуна караштуу Кызыл-Адыр айылындагы "Шаурма City" тез тамактануучу жайда газ баллон жарылып, өрт чыккан.

Кырсыктан 11 адам жабыркап ооруканага түшкөн. Алардын арасында бир жаш бала дагы бар эле. Жарылуунун келип чыгышына газ баллонду колдонууда өрт коопсуздугу боюнча эрежелердин бузулушу себеп болгон.

187
Белгилер:
бейтап, ден соолук, жарылуу, газ баллон, министр, Талас
Тема боюнча
Чүйдө турак үй күйүп, улгайган аял көз жумду
Таласта унаа өрттөнүп бир адам каза болду
Нью-Йорктогу Эркиндик эстелиги. Архивдик сүрөт

Байден мигранттарга коюлган чектөөлөр боюнча Трамптын жарлыгын жокко чыгарды

17
(жаңыланган 10:14 21.01.2021)
Бул чектөөлөрдү мурда Дональд Трамптын администрациясы киргизген. Ага ылайык, Мьянма, Иран, Кыргызстан, Ливия, Судан сыяктуу 13 мамлекеттин жарандарына АКШга кирүүгө чектөөлөр коюлган.

БИШКЕК, 21-янв. — Sputnik. АКШнын жаңы президенти Жозеф Байден алгачкы иш күнүндө кол койгон жарлыктарынын бири менен Кыргызстан катарына кирген бир нече өлкөнүн жарандарына коюлган визалык чектөөнү алып салды. Бул тууралуу АКШнын Кыргызстандагы элчилигинен билдиришти.

"Президент Байден кыргыз иммигранттарынын өлкөгө кирүүсүн токтоткон иммиграциялык жана ар түрдүүлүк (Diversity Visa) визаларга чектөөлөрдү алып салуу боюнча буйрукка 20-январда кол койду. Биз кыргыз өкмөтүнүн акыркы 12 ай ичинде саясий коопсуздукту кыйла жакшыртканын байкадык", — деп айтылат элчиликтин билдирүүсүндө.

Ошондой эле өкмөт Интерпол менен кызматташуусун өркүндөтүп, кылмыштуулук жана террорчулук тууралуу маалыматтар менен ачык-айкын бөлүшүп жатканы кошумчаланды.

"АКШ кыргыз элинин коопсуздугу жана эгемендүүлүгү үчүн эки тараптуу мамилелерин бекемдөөгө умтулат", — деп айтылат билдирүүдө.

Бул чектөөлөрдү мурда Дональд Трамптын администрациясы киргизген. Ага ылайык, Мьянма, Иран, Кыргызстан, Ливия, Судан сыяктуу 13 мамлекеттин жарандарына АКШга кирүүгө чектөөлөр коюлган.

Эске салсак, 2017-жылы АКШга биометрикалык паспорт колдонбогон өлкөлөрдүн жарандары киргизилбей тургандыгы тууралуу жарлыкка мурдагы президент Дональд Трамп кол койгон. Анда Кыргызстан тез арада биометрикалык паспортторду жайылтышы керектиги айтылган.

Жо Байден 20-январь күнү ант берип, АКШнын президенттик кызматына расмий түрдө киришти.

17
Белгилер:
миграция, жарлык, Жо Байден, Дональд Трамп
Тема боюнча
Байден бүгүн АКШга кирүү боюнча кыргызстандыктарга коюлган чектөөнү алып салат
Лабораториянын кызматкери иш учурунда. Архив

ЖМК: окумуштуулар коронавирустун жаңы штаммына каршы вакцина даярдайт

10
(жаңыланган 10:10 21.01.2021)
Декабрь айынын орто ченинде Улуу Британияда SARS-CoV-2 деп аталган коронавирустун жаңы мутациясы пайда болгону тастыкталган. Ал азыр бир катар мамлекеттерге жайылууда.

БИШКЕК, 21-янв. — Sputnik. Британиядагы Оксфорд университетинин окумуштуулары тез аранын ичинде коронавирустун жаңы штаммына каршы вакцина даярдоого  белсенип жатат. Бул тууралуу РИА Новости чет элдик сайттарга шилтеме берип жазды.

Аталган окуу жайдын командасы ушул тапта AstraZeneca вакцинасы менен иштеп жатат. Буга кошумча коронавирустун жаңы штаммына каршы изилдөө жүргүзө турганын айтышкан.

Ал эми Улуу Британиянын премьер-министри Борис Жонсон жаңы штаммдар боюнча илимпоздор менен сүйлөшүүлөрдү жүргүзүп жаткандыгын билдирген.

Декабрь айынын орто ченинде Улуу Британияда SARS-CoV-2 деп аталган коронавирустун жаңы мутациясы пайда болгону тастыкталган. Ал азыр бир катар мамлекеттерге жайылууда.

10
Белгилер:
вакцина, штамм, коронавирус, Улуу Британия
Тема:
Дүйнөгө жайылган коронавирус
Тема боюнча
Коронавирустун жаңы штаммы. Кыргызстанга келчүлөр кандай тартип менен кирет?
Вирусолог Нурматов: британиялык жаңы штаммдын абалды курчутуп жибериши күмөн
Кениядан коронавирустун 16 түрү табылды. Эксперттер тынчсызданууда
Сейсмографтын маалыматтары. Архив

Кечинде Өзгөн менен Кара-Сууда жер титиреди

0
(жаңыланган 10:16 21.01.2021)
Жер титирөө Оштун айрым жерлеринде 3 баллга чейин сезилген. Министрликтин айтымында, жабыркагандар жана кыйроолор жок.

БИШКЕК, 21-янв. — Sputnik. Өлкө аймагында очогунда күчү 3 баллга жеткен жер титирөө болгонун ӨКМ Сейсмология институтуна таянып билдирди.

Жер титирөө кечээ, 20-январь күнү, саат 22:01де катталган.

Ал Ош облусунун Өзгөн районунун Куршаб, Мырза-Арык айылдарында 3 балл, Өзгөн шаарында 2 балл, Кара-Суу районунун Жаңы-Арык, Правда айылдарында 2,5 баллга чейин сезилген.

Жер титирөөдөн жабыркагандар жана кыйроолор катталган жок.

0
Белгилер:
жер титирөө, Кара-Суу району, Өзгөн, Ош, ӨКМ
Тема боюнча
Эртең менен Нарында жер титиреди
Монголияда күчү 8,7 баллга жеткен жер титирөө болуп, Иркутскиде да сезилген