Оор атлетиканын спортчусу. Архив

Эс алуу күндөрү балдар үчүн өтө турчу спорттук иш-чаралардын тизмеси

40
Мастер-класстарды балдарга спорт чеберлери жана чемпиондор өткөрөт. Спорттук иш-чаралар акысыз.

БИШКЕК, 7-янв. — Sputnik. Бишкек мэриясынын маалымат кызматы 8-январдан 10-январга чейин ордо калаада балдар үчүн спорттук иш-чаралар өтө турганын кабарлап, тизмесин жарыялады.

"Урматтуу шаардыктар, ата-энелер жана балдар! Эгер каникулду пайдалуу өткөрүүнү кааласаңыз, анда мэриянын дене тарбия жана спорт башкармалыгы даярдаган спорттук мастер-класстарга катышкыла", — деп айтылат маалыматта.

8-9-10-январь күндөрү саат 10дон 12:00гө чейин оор атлетика боюнча спорт мектебинде Азия чемпионатындагы коло медалдын ээси, КРдин оор атлетика боюнча беш жолку чемпиону Бекдөөлөт Расулбеков мастер-класс өтөт. Дареги: Жукеев-Пудовкин көчөсү, 41;

8-январь күнү саат 16:00дөн 18:00гө чейин теннис жана паралимпиада боюнча спорт мектебинде майыптыгы бар балдар үчүн пауэрлифтинг боюнча мастер-класс уюштурулат. Машыктыруучулар эл аралык класстагы спорт чеберлери Эсен Калиев менен Жыргал Орозаев. Дареги: Карасаев көчөсү, 10.

Мэрия мастер-класстар акысыз өтө турганын белгиледи.

40
Белгилер:
тизме, мастер-класс, спорт, бала, каникул, Бишкек
Тема боюнча
Саматов: көңүл бурулса КР кёрлингчилери Олимпиадада жеңишке жетише алат
Лондондо коронавируска кабылган бейтапты ооруканага жеткирүү. Архивдик сүрөт

Коронавирустун жаңы түрүндө өлүм көп катталары айтылды. ДССУ эмне дейт

16
(жаңыланган 11:42 23.01.2021)
Коронавирустун жаңы штаммы азыр 60тан ашык мамлекетте катталды. Ал SARS-CoV-2 вирусуна салыштырмалуу адамдан адамга өтө тез жугары маалым болгон.

БИШКЕК, 23-янв. — Sputnik. Британиянын премьер-министри Борис Жонсон коронавирустун "британдык" штаммы кадимки SARS-CoV-2ге салыштырмалуу адам өлүмүнө көп алып келерин айтты. Бул тууралуу РИА Новости жазды.

Брифингде айтылган маалымат боюнча, коронавирус жуктурган 1000 кишинин ичинен 10у каза тапса, вирустун мутацияланган түрүндө 13-14 бейтап акка моюн сунган. Азыр Улуу Британия сутка ичинде COVID-19дан көз жумгандардын дүйнөлүк статистикасында биринчи орунда турат.

Ошол эле учурда Жонсон өлкөдө колдонулуп жаткан Pfizer жана AstraZeneca вакциналары жаңы штаммга оң таасирин тийгизерине ишендирген.

Дүйнөлүк саламаттык сактоо уюму Жонсондун айткандары боюнча үн катып, коронавирустун "британдык" штаммында өлүмдүн көп болушу саламаттык сактоо системасына күч келгенине байланыштуу экенин айткан.

"Вирус бат тарагандыктан эл көп ооруй турганы белгилүү. Анан ооруканалар да жык толот. Дарыгерлер бирине жетишсе, экинчисине жетишпейт. Натыйжада саламаттык сактоо системасына күч келип, өлүмдү азайта албай калышат", — деген ДССУ өкүлү Ван Керкхове.

Коронавирустун жаңы түрү — VUI-202012/01 тууралуу 14-декабрда Британиянын саламаттык сактоо министри Мэтт Хэнкок айтып чыккан. Ал SARS-CoV-2 вирусуна салыштырмалуу адамдан адамга өтө тез жугары айтылган. Коронавирустун бул штаммы азыр 60тан ашык мамлекетте катталды.

16
Белгилер:
өлүм, вакцина, штамм, коронавирус, Дүйнөлүк саламаттыкты сактоо уюму, Улуу Британия
Тема:
Дүйнөгө жайылган коронавирус
Тема боюнча
Соңку бир суткада 93 адам коронавирус жугузуп, экөө каза болду
Кыргызстанда коронавируска каршы эмдөө үч этап менен жүрөт
Коронавирустун пайдасы: Баткенде башка жугуштуу оорулар азайды
Ооруканада COVID-19 кабылган бейтапка жардам көрсөтүү. Архивдик сүрөт

Соңку бир суткада 93 адам коронавирус жугузуп, экөө каза болду

28
(жаңыланган 11:07 23.01.2021)
Бүгүнкү күндө ооруканаларда 689 бейтап дарыланууда. Алардын 437си орто оордукта, 220сы оор абалда, 28и өтө оор абалда жатат.

БИШКЕК, 23-янв. — Sputnik. Кыргызстанда соңку бир сутканын ичинде 93 адам коронавирус жугузуп алса, 108 бейтап ооруну жеңип чыкты. Бул тууралуу Республикалык штаб кабарлады.

Илдеттен эки адам каза болуп, алар Чүй жана Ысык-Көл облусунун тургундары болгону айтылды. Ушуну менен өпкөнү сезгенткен оорудан 1 398 кыргызстандык каза болду.

Бир сутка ичинде катталган жаңы учурлар:

  • Бишкек – 27;
  • Ош – 2;
  • Чүй облусу – 29;
  • Ош облусу – 4;
  • Талас облусу – 2;
  • Нарын облусу – 1;
  • Ысык-Көл облусу – 21;
  • Жалал-Абад облусу – 5;
  • Баткен облусу – 2.

Бүгүнкү статистиканы кошкондо өлкөдө COVID-19 жугузуп алган адамдардын жалпы саны 83 796га жетти.

Айыгып чыккандар:

  • Бишкек – 38;
  • Ош шаары – 2;
  • Чүй облусу – 35;
  • Ош облусу – 3;
  • Нарын облусу – 3;
  • Ысык-Көл облусу – 23;
  • Жалал-Абад облусу – 1;
  • Баткен облусу – 3.

Ушуну менен коронавирустан сакайгандардын саны 79 772 кишини түздү.

Бүгүнкү күндө ооруканаларда 689 бейтап дарыланууда. Алардын төртөө канааттандырарлык абалда, 437си орто оордукта, 220сы оор абалда, 28и өтө оор абалда жатат.

Мындан сырткары, 1006 бейтап үй шартында дарыланууда.

28
Белгилер:
айыгуу, жуктуруу, оору, статистика, коронавирус, Кыргызстан
Тема:
Кыргызстандагы коронавирус жуктуруп алгандар
Тема боюнча
Кыргызстанда коронавируска каршы эмдөө үч этап менен жүрөт
Коронавирустун пайдасы: Баткенде башка жугуштуу оорулар азайды