Эки бейтап каза таап, 170 кишиден COVID-19 чыкты. Соңку статистика
(жаңыланган 10:33 07.01.2021)
Стационарларда жаткан бейтаптардын 54ү өтө оор абалда. Эки жүздөн ашыгынын абалы кыйын деп бааланып, тиешелүү дарылануудан өтүп жатат.БИШКЕК, 7-янв. — Sputnik. Кыргызстанда акыркы сутка ичинде 170 кишиден коронавирус чыгып, 206 бейтап сакайды. Бул тууралуу Республикалык штаб кабарлады.
Бир сутка ичинде COVID-19 U07.1 жана U07.2 катталган жаңы учурлар:
- Бишкек — 54;
- Ош — 8;
- Чүй облусу — 49;
- Ош облусу — 16;
- Талас облусу — 3;
- Нарын облусу — 10;
- Ысык-Көл облусу — 20;
- Жалал-Абад облусу — 10.
Республика боюнча расмий түрдө жалпысынан коронавирус 81 826 кишиде табылды.
Өткөн сутка ичинде COVID-19 илдетинен сакайып чыккандар, пневмонияны эсепке алганда:
- Бишкек — 67;
- Ош шаары — 5;
- Чүй облусу — 62;
- Ош облусу — 8;
- Талас облусу — 13;
- Нарын облусу — 1;
- Ысык-Көл облусу — 32;
- Жалал-Абад облусу — 12;
- Баткен облусу — 6.
Жугуштуу оорудан айыккандардын жалпы саны 77 376га жетти.
Тилекке каршы, өткөн суткада Бишкекте эки бейтап ооруну жеңе албай калды. COVID-19 ушуну менен 1 363 кишинин өмүрүн алып кетти.
Ал эми стационарларда 885 бейтап дарыланууда. Алардын ичинен тогуз адамдын абалы канааттандырарлык, 573ү орточо, 249у оор, 54ү өтө оор абалда. Амбулатордук дарыланууда 1 277 бейтап бар.
Белгилер:
Коррупцияга айыпталган мурдагы жетекчи 11 млн. сом төлөп үй камагына чыкты
(жаңыланган 11:53 26.01.2021)
Мамлекеттик ишкананын мурунку жетекчилиги жана жооптуу адамдары жеке ишканалар менен сүйлөшүп алып коррупциялык схема түзгөнү үчүн кармалган.БИШКЕК, 26-янв. — Sputnik. Коррупцияга шектелип кармалган "Кыргыз темир жолу" ишканасынын Түштүк бөлүмүнүн мурдагы башчысы мамлекетке келтирилген чыгымды төлөп берип, үй камагына чыкты. Бул тууралуу УКМКнын маалымат кызматы кабарлады.
©
Фото / пресс-служба правительства / Алишер Алиев
Мындан улам анын баш коргоо чарасы үй камагына өзгөргөнү айтылат.
Белгилей кетсек, Ю.Б.К. жооптуу адамдар менен биргеликте чарбакер субъектилердин катышуусу менен мамлекеттик сатып алууларды жогорулатылган баада жүргүзгөн туруктуу схеманы түзүп алышканы үчүн 14-декабрда кармалган.
Белгилер:
Россия Кыргызстандын аймагында "Спутник V" вакцинасын чыгарууга даяр
(жаңыланган 11:24 26.01.2021)
Россия Кыргызстандын аймагында "Спутник V" вакцинасын жасоого даяр экени Москвада өткөн ЕАЭКтин жыйынында Путин тарабынан айтылган. Муну Россиянын өнөр жай жана соода министри Денис Мантуров да ырастаган.БИШКЕК, 26-янв. — Sputnik. Россия коронавируска каршы "Спутник V" вакцинасын Кыргызстандын аймагында чыгарууга даяр. Бул тууралуу Өнөр жай, энергетика жана жер казынасын пайдалануу боюнча мамлекеттик комитеттин төрагасы Жыргалбек Сагынбаев билдирди.
Анын айтымында, кыргыз делегациясы Жогорку евразиялык экономикалык кеңештин отурумуна катышуу үчүн Москва шаарына барып, Россиянын өкмөт мүчөлөрү жана инвесторлор менен жолуккан. Жыйын учурунда Владимир Путин Россия ЕАЭБдин бардык өлкөлөрүндө вакцина өндүрүшүн ачууга даяр экендигин айткан. Андан кийин муну Россиянын өнөр жай жана соода министри Денис Мантуров дагы ырастаган.
"Эгерде Кыргызстан техникалык мүмкүнчүлүктөрү, тиешелүү шаймандары бар компанияны аныктаса, анда Россия комиссия жиберип, чечим кабыл алууга даяр экенин билдирди", – деди Сагынбаев.
©
Фото / пресс-служба посольства КР в РФ
Сагынбаев вакцинаны өндүрүү препараттын жеткиликтүүлүгүн гана камсыз кылбастан, жумуш орундарын да түзөрүн, ошондой эле вакцина өндүрүү жаатындагы өлкөдө алгачкы тажрыйба болорун белгилеген.