Майыптарга карап шайлоо участкаларынын 83 пайызына пандус орнотулду

© Sputnik / Алексей КуденкоПандустан көтөрүлүп жаткан майып атам. Архив
Пандустан көтөрүлүп жаткан майып атам. Архив - Sputnik Кыргызстан
Жазылуу
Өткөн президенттик шайлоодо шайлоо участкаларынын үчтөн бири гана пандус менен жабдылган. Учурда шарттар жакшырып баратканы белгиленди.
БИШКЕК, 7-янв. — Sputnik. Кыргызстандагы шайлоо участкаларынын 83 пайызы ден соолугунан мүмкүнчүлүгү чектелгендердин шартына карап пандустар менен жабдылды. Бул тууралуу БШКнын маалымат кызматы кабарлады.
Ага ылайык, 10-январда президенттик шайлоону жана референдумду өткөрүүнүн алкагында ден соолугунан мүмкүнчүлүгү чектелген шайлоочулардын керектөө картасы жаңыланып, шарттар түзүлүп жатат.
Медициналык кызматкерлер. Архив - Sputnik Кыргызстан
Коопсуздук үчүн ар бир шайлоо участкасына экиден медик бекитилди
2017-жылдагы президенттик шайлоодо шайлоо участкаларынын үчтөн бирине гана пандус орнотулган болчу.
Өткөн жылдын февраль айында пандустар менен жабдылган шайлоо участкалары 43 пайызга, августта 65 пайызга, сентябрда 79 пайызга, ал эми декабрда 83,4 пайызга жеткени белгиленди.
Мындан тышкары, 185 участкада пандуска муктаждык жок. Ал эми 215 шайлоо участогунда атайын жабдуу орнотула элек, учурда добуш берүүчү жайда шарт түзүү жумуштары уланууда.
Жаңылыктар түрмөгү
0