Киши шайлоо учурунда

БШК шайлоочулардын көбү кайсы аймакта жашай турганын айтты

103
(жаңыланган 09:19 10.01.2021)
Өлкөдө президенттик шайлоо жана башкаруу формасын аныктаган референдумга добуш берүүгө 3,5 миллиондон ашык киши катталган.

БИШКЕК, 10-янв. — Sputnik. Шайлоого катыша тургандардын көбү Ош облусунда жашаарын БШКнын маалымат кызматы кабарлады.

Кыргызстанда президенттик шайлоо жана башкаруу формасын аныктаган референдумга добуш берүүгө 3 563 574 киши катталган.

Шайлоочулардын эң көбү Ош облусунда экени белгилүү болду. Ал жакта добуш берүүчүлөрдүн саны 722 933тү түзөт. Тагыраагы, жалпы шайлоочулардын 20 пайызын ээлейт.

Экинчи орунда Жалал-Абад (666 695 жаран), үчүнчүдө Чүй облусу (591 818 киши) турат.

Бишкекте 416 123 шайлоочу катталса, Ысык-Көл облусунда 307 786 кишинин добуш берери күтүлүп жатат. Андан кийинки сапта 297 264 адам менен Баткен облусу турса, жетинчи орунду 202 475 киши менен Нарын ээлеген. Ош шаарында 151 115 шайлоочу бар. Ал эми чет мамлекеттерде 49 479 кыргызстандык добуш бериши керек.

103
Белгилер:
добуш, шайлоочу, шайлоо, БШК, Ош
Тема:
Кыргызстандагы президенттик шайлоо – 2021 (189)
Тема боюнча
Коңшу Казакстанда дагы шайлоо өтүп жатат
Эшик ачып жаткан адам. Архив

Бишкекте батирге уурулукка киргендер бөлмөдөгү камерага түшүп калган

11
(жаңыланган 16:11 18.01.2021)
Кылмышка шектелип 39 жаштагы эки киши кармалды. Алар №1 тергөө абагына киргизилип, уурдалган буюмдардын баасы такталып жатат.

БИШКЕК, 18-янв. — Sputnik. Бишкекте батирге уурулукка киргендердин кылыгы бөлмөнүн ичине орнотулган камерага түшүп калган. Бул тууралуу Ленин райондук ички иштер башкармалыгынан билдиришти.

Милиция камерага тартылган видеону жарыялады. Кадрдан үйдөгү буюмдарды сыртка ташып бараткан адамдарды көрүүгө болот.

ИИБден билдиришкендей, 9-январь күнү кыргызстандык жаран арыз менен кайрылган. Ал 8-январь күнү саат 19:40та белгисиз адамдар анын Чыңгыз Айтматов проспектисиндеги батирин ачып киргенин айткан.

Тергөөнүн жүрүшүндө эки шектүү кармалды. Экөө тең 39 жашта. Алар Ленин райондук сотунун чечими менен №1 тергөө абагына киргизилди. Уурдалган баалуу буюмдардын баасы такталып жатат.

11
Белгилер:
тоноо, батир, Бишкек
Тема боюнча
Нарында курамында алтын бар деген таштарды ташып бараткандар кармалды. Сүрөт
Министрлик маданият, маалымат жана туризм министри Нуржигит Кадырбековдун ырчылар Курал Чокоев менен Кайрат Примбердиев менен жолугушу

Кайрат Примбердиев "КР эмгек сиңирген артисти" наамын сактап калды

79
(жаңыланган 16:06 18.01.2021)
Примбердиев кесиптеши Курал Чокоевдин чуу чыгарган шоусуна катышып, бир топ сынга кабылган. Мындан улам аны "КР эмгек сиңирген артисти" наамынан ажыратуу боюнча сунуш болгон.

БИШКЕК, 18-янв. — Sputnik. Ырчы Кайрат Примбердиевден "КР эмгек сиңирген артисти" наамы алынган жок. Бул тууралуу Мамлекеттик сыйлыктар боюнча комиссиянын маалыматына таянып президенттин маалымат кызматынан билдиришти.

"Жазык кодексинин 64-беренесине ылайык, адамдан мамлекет тарабынан берилген жогорку сыйлыктар ал кызмат абалынан пайдаланып оор жана өтө оор кылмыш кылганда гана кайтарып алынат", — деп айтылат билдирүүдө.

Ошондой эле мындай жооп Маданият, маалымат жана туризм министрлигине жөнөтүлгөнү кошумчаланды.

Көп өтпөй министрлик маданият, маалымат жана туризм министри Нуржигит Кадырбековдун ырчылар Курал Чокоев менен Кайрат Примбердиев менен жолукканын кабарлады. Жолугушуу жылуу маанайда өтүп, мындан ары пайдалуу демилгелерди биргеликте аткаруу боюнча макулдашуулар болгону кошумчаланды.

Министр культуры, информации и туризма Нуржигит Кадырбеков встретился с певцами Куралом Чокоевым и Кайратом Примбердиевым. 18 января 2021 года
© Фото / Пресс служба МКИТ КР
Көп өтпөй министрлик маданият, маалымат жана туризм министри Нуржигит Кадырбековдун ырчылар Курал Чокоев менен Кайрат Примбердиев менен жолукканын кабарлады

Эске салсак, буга чейин Курал Чокоевдин чет элдик көрсөтүүлөрдү туураган долбоору чыгып, аны интернет колдонуучулар катуу сынга алышкан. Ырчы Кайрат Примбердиев жана Кайрат Кыргыз катышкан бул долбоордо коомго жат, адепсиз сөздөр айтылат.

Маданият министрлиги 2011-жылы Чокоевге ыйгарылган "Маданияттын мыкты кызматкери" төш белгисин кайтарып алган. Ал эми Примбердиевдин "КР эмгек сиңирген артисти" наамынан ажыратуу боюнча президенттин аппаратына сунуш жөнөткөн.

79
Белгилер:
чечим, сыйлык, Кайрат Примбердиев
Тема боюнча
Керек болсо төш белгини алып барып берем. Курал Чокоевдин жообу видеодо