Биометрикалык паспорт даярдоо. Архив

Мамкаттоо: ID-картасын күтүп жаткандар бүгүн паспортун алып шайлоого катыша алат

44
(жаңыланган 15:13 10.01.2021)
Мамкаттоонун төрагасынын айтымында, бүгүнкү шайлоода №2 форма колдонулбагандыгына байланыштуу региондогу шайлоочулардын саны кыйла өстү.

БИШКЕК, 10-янв. — Sputnik. ID-картанын жасалышын күтүп жаткан кыргызстандык жарандар шайлоодо добуш берүү үчүн паспортун 10-январь күнү алып кете алышат. Бул тууралуу Мамлекеттик каттоо кызматынын төрагасы Акын Мамбеталиев брифинг учурунда билдирди.

"№2 форма колдонулбагандыгына байланыштуу региондогу шайлоочулардын саны өстү. ID-картасын күтүп жаткандар 10-январь күнү кечке чейин алып кетип жарандык милдетин аткара алышат", - деди ал.

Анын айтымына караганда, 10-январь күнү республика боюнча Мамкаттоонун 420 кызматкери иштейт. Ал эми 119 call-борборуна (чалуу бекер) 60тан ашык оператор тартылган.

44
Белгилер:
шайлоо, паспорт, ID-карта, Мамлекеттик каттоо кызматы
Тема:
Кыргызстандагы президенттик шайлоо – 2021 (189)
Тема боюнча
Талапкерлердин шайлоо фондуна 112 млн. сом түштү. Кимиси көп чогулткан
Аялдамада маршрутканы күткөн жүргүнчүлөр. Архивдик сүрөт

Бишкек милициясы иш таштаган маршрутка айдоочуларына кайрылды

4
(жаңыланган 12:31 19.01.2021)
Укук коргоо органдары мыйзам бузуу фактылары боюнча маалымат бергендерге анонимдүүлүк кепилдиги бар деп ишендирди.

БИШКЕК, 19-янв. — Sputnik. Бишкек шаардык милициясы кичи автобустардын айдоочуларын чагымчылдыкка алдырбай, мыйзам бузууларды укук коргоо органдарына билдирүүгө чакырды. Бул тууралуу мекеменин маалымат кызматы билдирди.

Ага ылайык, учурда шаарда абал туруктуу. Коомдук транспорт катышкан кырсыктар сутка ичинде катталган эмес.

"Бишкектин милициясы калаа тургундарынын жана конокторунун коопсуздугун камсыздап, коомдук тартипти көзөмөлгө алат. Кечээ айрым маршруттук унаалардын айдоочулары жумушка чыккан жок. Бирок көпчүлүгү графиктин негизинде иштеп, элди ташыды", — деп айтылат билдирүүдө.

Милиция жарандарды бул окуяга байланышкан мыйзам бузуулар боюнча 102 номерине билдирүүгө чакырып, анонимдүүлүккө кепилдик болорун убада кылды.

Эске салсак, маршруткалардын айдоочулары 18-январда жол кирени жогорулатуу талабы менен нааразычылык акциясын өткөрүүнү убада кылышкан. Мэрия өз кезегинде акцияны уюштурган тараптарды лицензиясынан ажыратарын айткан. Милиция да мыйзам бузуулар катталса, чара көрүлөрүн эскерткен.

Муниципалитеттен билдиргендей, кечээ эртең менен баш калаадагы 1 350 кичи автобустан болгону 400-500ү гана жумушка чыккан. Шаардык транспорт башкармалыгы күндүз маршруттук линиялардын 90 пайызы штаттык режимде иштеп жатканын билдирген. Кечинде аялдамада транспорт күткөндөр көбөйгөн. Шаардык транспорт башкармалыгынын башчысынын милдетин аткаруучу Улан Бейшенбаев маршруткаларга байланышкан маселе турукташканын, маселе жол тыгындарында болушу мүмкүн экенин айткан.

4
Белгилер:
эскертүү, милиция, акция, иш таштоо, маршрутка, коомдук транспорт, Бишкек
Тема боюнча
Маршрутка көйгөйү: Милиция аялдамадагы аялдарды, балдарды үйүнө ташыды. Видео
Бишкектеги аялдамаларда маршрутка күткөн эл адаттагыдан көппү? Сүрөт, видео
Ош шаардык спорт комитетинин мурдагы төрагасы Кылычбек Саркарбаев. Архивдик сүрөт

Сот Кылыч Саркарбаев үй камагына чыгарылганын тастыктады

28
(жаңыланган 11:44 19.01.2021)
Өткөн жылдын 21-декабрында Саркарбаевдин баш коргоо чарасы тандалып, эки айга тергөө абагына киргизилген болчу.

БИШКЕК, 19-янв. — Sputnik. Ош шаардык спорт комитетинин мурдагы төрагасы Кылычбек Саркарбаев соттун чечими менен үй камагына чыкты. Маалыматты Ош облустук сотунун маалымат катчысы Назгүл Исманова тастыктады.

Билдирүүгө ылайык, шаардык сот 16-январда Саркарбаевдин бөгөт чарасын үй камагына өзгөрткөн. Чечимдин негизинде ага соттун уруксатысыз Ош шаарынан башка аймакка чыгууга тыюу салынды, ошондой эле кечки 22:00дөн таңкы 6:00гө чейин үйүндө болушу шарт.

Ушул эле шаардык сот 21-декабрда Саркарбаевдин баш коргоо чарасын тандап, эки айга тергөө абагына киргизген.

Кылыч Саркарбаев паспортун жасалмалаган жана криминалдык иштерге аралашкан деген кине менен өткөн жылдын 27-декабрында кармалган.

УКМКнын маалыматына караганда, ал "Дженго" каймана аты бар уюшкан кылмыштуу топтун лидери Кадыр Досонов менен жакын мамиледе болгон.

Бул окуяга байланыштуу ал Ош шаардык спорт комитетинин жетекчиси кызматынан бошотулган.

Саркарбаев жыйынтыгы жокко чыгарылган 4-октябрдагы парламенттик шайлоого "Мекеним Кыргызстан" партиясы менен катышканы маалым.

28
Белгилер:
Кылычбек Саркарбаев, УКМК, өзгөртүүлөр, чара, сот
Тема боюнча
Ош шаардык спорт комитетине жаңы жетекчи дайындалды
Транспорт министрлигинин статс-катчысы 2,5 млн. сом төлөп абактан чыкты