Элчилик Москвадагы мекендештер кантип добуш берип жатканын айтып берди
(жаңыланган 20:47 10.01.2021)
Добуш берүү жайларында кезек эртең мененки 8ден тарта эле башталганы белгиленди. Элчиликтин имаратынын алдында дайыма 50, кээде 100дөй киши кезекке туруп жатат.БИШКЕК, 10-янв. — Sputnik. КРдин Москвадагы элчилигинде өлкө башчыны мөөнөтүнөн мурда шайлоо жана башкаруу формасын аныктоо боюнча референдумга добуш берүү кандай жүрүп жатканын Sputnik агенттигинин кабарчысына мекеменин маалымат катчысы Алмаш Алтымышева айтып берди.
Посмотреть эту публикацию в Instagram
Ал белгилегендей, Москва чет мамлекеттен туруп добуш бердирткен мамлекеттердин сап башында турат.
"Аталган шайлоонун алкагында 28 өлкөдө 48 шайлоо участогу ачылган. Анын 15и эле Россияда жайгашкан. Жарандардын көптүгүнө байланыштуу беш участок Москвада жайгашкан", — деди элчиликтин өкүлү.
Добуш берүү жайларында кезек эртең мененки 8ден тарта эле башталганы белгиленди. Элчиликтин имаратынын алдында дайыма 50, кээде 100дөй киши кезекте туруп жатат.
Москва чет мамлекеттен туруп добуш бердирткен мамлекеттердин сап башында турат© Sputnik / Данара Курманова
Добуш берүү жайларында кезек эртең мененки 8ден тарта эле башталганы белгиленди© Sputnik / Данара Курманова
Элчиликтин имаратынын алдында дайыма 50, кээде 100дөй киши кезекте туруп жатат.© Sputnik / Данара Курманова
©
Sputnik / Данара Курманова
Алтымышева кошумчалагандай, жалпысынан чет мамлекетте 50 миңдей шайлоочу катталса, анын 17 891и Москвада турат.
"Учурда Москва боюнча президентти шайлоого 1212 киши, референдумга 1143 адам добушун берди. Шайлоонун өзгөчөлүгү — жаранга эки бюлетень берилет, бирок бир эле шайлоого катышам десе өзү чечет. Экөөнө тең катыш деген кыйноо жок. Жергиликтүү убакыт боюнча саат 20:00гө чейин добуш берсе болот", — деди Алтымышева.
Сааттардагы айырмачылыктардан улам Түштүк Сахалиндеги шайлоо пункту жабылган. Болжолдуу маалыматтар боюнча, ал жакта президентти шайлоого 459, референдумга 458 киши добушун берди.
Россия Кыргызстандын аймагында "Спутник V" вакцинасын чыгарууга даяр
(жаңыланган 11:24 26.01.2021)
Россия Кыргызстандын аймагында "Спутник V" вакцинасын жасоого даяр экени Москвада өткөн ЕАЭКтин жыйынында Путин тарабынан айтылган. Муну Россиянын өнөр жай жана соода министри Денис Мантуров да ырастаган.БИШКЕК, 26-янв. — Sputnik. Россия коронавируска каршы "Спутник V" вакцинасын Кыргызстандын аймагында чыгарууга даяр. Бул тууралуу Өнөр жай, энергетика жана жер казынасын пайдалануу боюнча мамлекеттик комитеттин төрагасы Жыргалбек Сагынбаев билдирди.
Анын айтымында, кыргыз делегациясы Жогорку евразиялык экономикалык кеңештин отурумуна катышуу үчүн Москва шаарына барып, Россиянын өкмөт мүчөлөрү жана инвесторлор менен жолуккан. Жыйын учурунда Владимир Путин Россия ЕАЭБдин бардык өлкөлөрүндө вакцина өндүрүшүн ачууга даяр экендигин айткан. Андан кийин муну Россиянын өнөр жай жана соода министри Денис Мантуров дагы ырастаган.
"Эгерде Кыргызстан техникалык мүмкүнчүлүктөрү, тиешелүү шаймандары бар компанияны аныктаса, анда Россия комиссия жиберип, чечим кабыл алууга даяр экенин билдирди", – деди Сагынбаев.
©
Фото / пресс-служба посольства КР в РФ
Сагынбаев вакцинаны өндүрүү препараттын жеткиликтүүлүгүн гана камсыз кылбастан, жумуш орундарын да түзөрүн, ошондой эле вакцина өндүрүү жаатындагы өлкөдө алгачкы тажрыйба болорун белгилеген.
Бишкекте бир бейтап көз жумуп, 97 адам оору жуктурду. Кыргызстандагы коронавирус
(жаңыланган 11:03 26.01.2021)
Учурда стационарда алты жүздөн ашуун бейтап дарыланууда. Анын ичинен эки адамдын абалы канааттандырарлык, ал эми жыйырма жетиси өтө оор абалда жатат.БИШКЕК, 26-янв. — Sputnik. Кыргызстанда акыркы суткада 97 кишиден коронавирус аныкталды, ал эми 157 бейтап оорудан айыкты. Бул тууралуу Республикалык штаб кабарлады.
Бир сутка ичинде COVID-19 U07.1 жана U07.2 катталган жаңы учурлар:
- Бишкек — 42;
- Ош — 2;
- Чүй облусу — 40;
- Талас облусу — 2;
- Нарын облусу — 2;
- Ысык-Көл облусу — 6;
- Жалал-Абад облусу — 2;
- Баткен облусу — 1.
Марттагы пандемиядан бери оору жуктургандардын саны 84 068ге жетти.
Өткөн суткада COVID-19 илдетинен сакайып чыккандар, пневмонияны эсепке алганда:
- Бишкек — 61;
- Чүй облусу — 55;
- Ош облусу — 4;
- Талас облусу — 1;
- Нарын облусу — 2;
- Ысык-Көл облусу — 25;
- Жалал-Абад облусу — 5;
- Баткен облусу — 4.
Жалпысынан оорудан айыккандардын саны 80 182ге жетти.
©
Sputnik / Александр Кондратюк
Учурда стационарда 643 бейтап дарыланып жатса, алардын ичинен 219у оор, ал эми 27си өтө оор абалда. Амбулатордук дарыланууда 907 бейтап бар.
Бир сутка ичинде өлкө боюнча медицина кызматкерлери арасында коронавирус жуктуруп алган учурлар катталган жок.
Жалпысынан республика боюнча COVID-19 диагнозу менен ак халатчандар арасында 4 168 учур катталып, 4 077си сакайды.
БУУ: COVID оңдурбай, дүйнө акыркы 100 жылдыкта эң оор каатчылыкка кептелди
(жаңыланган 11:13 26.01.2021)
Антониу Гутерреш 2021-жылы дүйнөнү калыбына келтирүүдө өкмөттөр, эл аралык уюмдар, жеке сектор жана жарандык коом биргелешип ынтымакта иштешүүсү керектигин билдирди.БИШКЕК, 26-янв. — Sputnik. Бириккен Улуттар Уюмунун (БУУ) башкы катчысы Антониу Гутерреш коронавирус пандемиясынын кесепетинен дүйнө акыркы жүз жылдыктагы эң оор экономикалык каатчылыкка кептелгенин билдирди. Бул тууралуу уюмдун сайтында жарыяланды.
Катчынын айтымында, азыр "дүйнө абдан морт болуп турган кез".
"Пандемия эки миллиондон ашык адамдын өмүрүн алып кетти. Экономикалык абалыбыз акыркы 100 жыл ичиндеги эң төмөнкү көрсөтүчкө түштү. Коронавирус адамдар, өлкөлөр арасында теңсиздик бар экенин далилдеп койду. Кыскасы, жаратылышка биз кандай мамиле кылсак, ал бизге дал ошондой сокку уруп жатат. Дүйнө эли диалогго келип, кызматташуубуз керек", — деди Гутерреш.
Ошондой эле ал 2021-жылы дүйнөнү калыбына келтирүүдө өкмөттөр, эл аралык уюмдар, жеке сектор жана жарандык коом биргелешип ынтымакта иштешүүсү керектигин кошумчалады.
Белгилер: