Өткөн суткада COVID эки адамдын өмүрүн алып кетти. Жалпы статистика
(жаңыланган 10:02 11.01.2021)
Кыргызстанда бир нече убакыттан бери COVID-19дан каза болгондордун саны үзүлбөй жатат. Учурда оор абалда 54 адамдын жатканы айтылды.БИШКЕК, 11–янв. — Sputnik. Өткөн суткада Кыргызстан боюнча коронавирус 107 адамга жукса, 101 киши илдеттен айыкты. Оору эки адамдын өмүрүн алып кетти. Бул туурасында Республикалык штабдан кабарлашты.
Каза тапкан эки адам Бишкек менен Ысык-Көл облусунун тургундары болгон.
Бир сутка ичинде COVID–19 U07.1 жана U07.2 катталган жаңы учурлар:
- Бишкек – 82;
- Ош – 0;
- Чүй облусу – 8;
- Ош облусу – 2;
- Талас облусу – 0;
- Нарын облусу – 0;
- Ысык–Көл облусу – 10;
- Жалал–Абад облусу – 1;
- Баткен облусу – 4.
Кыргызстанда коронавирус катталгандан бери жалпысынан 82 380 адамга жуккандыгы айтылды.
Бир сутка ичинде COVID-19 илдетинен сакайып чыккандар, пневмонияны эсепке алганда:
- Бишкек – 57;
- Ош шаары – 0;
- Чүй облусу – 16;
- Ош облусу – 1;
- Талас облусу – 0;
- Нарын облусу – 2;
- Ысык–Көл облусу – 12;
- Жалал–Абад облусу – 9;
- Баткен облусу – 4.
Республикалык штаб COVID–19дан айыгып кеткендердин жалпы саны 78 003 деп билдирди.
Стационарда учурда 839 бейтап дарыланууда.
Алардын ичинен:
- 10 адам – канааттандырарлык абалда;
- 543 – орточо оор;
- 232 – оор абалда;
- 54 – өтө оор абалда.
Амбулатордук дарыланууда 1 241 бейтап бар.
Сиздерге таазим! Мамытов Ленинградды курчоодон бошотуу күнүнө карата кайрылуу жасады
(жаңыланган 11:30 27.01.2021)
Мамытов 27-январда белгилене турчу маанилүү дата — Ленинградды фашисттердин курчоосунан толук бошоткон күнгө карата жасаган кайрылуусунда советтик аскерлердин эрдигин өзгөчө белгилеген.БИШКЕК, 27-янв. — Sputnik. Президенттин милдетин аткарып жаткан Жогорку Кеңештин төрагасы Талант Мамытов Ленинград шаарынын фашисттик курчоодон толук бошотулган күнүнө карата элге кайрылуу жолдоду. Бул тууралуу бүгүн, 27-январда, президенттин маалымат кызматынан билдиришти.
Кайрылууда советтик аскерлер тарабынан Ленинград шаарынын фашисттик курчоодон толук бошотулган күнү белгиленип жатканы айтылды.
"Ленинградды курчоого алуу — Улуу Ата Мекендик согуштун эң кайгылуу окуяларынын бири. Ленинград — дүйнөлүк тарыхта 900 күндүк курчоого туруштук берген жападан жалгыз шаар, ошол күндөрү миллиондогон балдар, аялдар, улгайган адамдар жана аскерлер каза болгон", — деп жазылат Мамытовдун кайрылуусунда.
Ленинградды курчоодон бошотуудагы салгылашууларда башка боордош элдер менен бирдикте 4,5 миңден ашуун мекендештерибиз баатырларча курман болушкан.
©
Фото / представительство Россотрудничества в КР
Улуу Ата Мекендик согуш учурунда курчоого алынган Ленинграддан Кыргызстанга 16 миңге жакын адам эвакуацияланган. Алардын 3,5 миңи балдар болгон.
Белгилер:
Баланы сексуалдык зомбулуктан кантип коргоо керек. ИИМдин эрежелери
(жаңыланган 11:06 27.01.2021)
ИИМ балдарга карата сексуалдык зомбулук болгон учурда кылмыштын издерин сактоо үчүн кийимдерди жууп же ыргытып салбоо зарыл экенин билдирди.БИШКЕК, 27-янв. — Sputnik. Кыргызстанда сексуалдык зомбулукка жашы жете электердин 80 пайызы тааныштары жана туугандары тарабынан кабылат. Бул тууралуу ИИМдин маалымат кызматы кабарлады.
Ошондой эле балдарга карата сексуалдык ыдыктар үйүндө же конокто жасалары айтылат.
- Министрлик ата-энелерди балдарга сак жана жоопкерчиликтүү болууга чакырып, аларды зомбулуктан коргоонун жолдорун айтып берди.
- Балдар тийишкен адамдар тууралуу жакындарына же ишенимдүү адамга айтуудан тартынбашы керек;
- Өзүңдүн коопсуздугуңду сактоого укугуң бар. Зомбулук аракет кылгандарга жооп кайтара бил;
- Жолдогу бейтааныш адамдардын автоунаасына отурба. Зарылчылык жаралганда такси кызматын чакыр;
- Подъездге, лифтиге түшүүдөн мурда тегерегиңди кара, тааныш эмес адам менен кирбе;
- Бейтааныш адамдар сунуштаган суусундуктарды ичпе;
- Каякка барарыңды жана качан келериңди жакындарыңа билдирип тур;
- Туугандарың болсо дагы эркектер менен жалгыз калбаганга аракет кыл. Үйдө ата-энелер жокто эркектерди киргизүү да кооптуу;
- Түнгө калба жана конокто көпкө отуруп калба.
Мындан сырткары, ата-энелерге балдардын уюлдук телефонуна "Мен милициянын аймактык инспекторумун" жана "112 Кыргызстан" тиркемелерин көчүрүп берүүнү сунуштады.
"Зомбулук болгон учурда эмне кылуу керек? Кылмыштын издерин сактоо үчүн кийимдерди жууп же ыргытып салбоо зарыл. Милицияга жана медициналык мекемеге кайрылуу керек. Биринчи 72 саатта дарыгер ВИЧтин, жыныстык жугуштуу оорулардын жугушунун алдын алууга, күтүлбөгөн жерден бойго бүтүрбөөгө жардам берет. Ошондой эле зомбулукка кабылган жашы жете электерге психологиялык жардам берүү маанилүү", — деп айтылат билдирмеде.
Балдарга карата сексуалдык же башка мүнөздөгү зордук-зомбулуктар жасалса 102, 112 кызматтарына жана 111 ишеним телефондоруна байланышууга болот.
Жогорку Кеңеште жаңы вице-спикер шайланууда. Көрсөтүлгөн талапкерлер
(жаңыланган 12:24 27.01.2021)
Төраганын орун басары кызматына парламенттин оппозициялык фракцияларынын квотасы менен көрсөтүлүп, шайланат.БИШКЕК, 27-янв. — Sputnik. Жогорку Кеңештин депутаттары вице-спикерди шайлап жатат.
Төраганын орун басары кызматына оппозициялык фракциялардын квотасы менен көрсөтүлөт. "Ата Мекен" фракциясы Нурбек Сыдыгалиевди, "Өнүгүү – Прогресс" фракциясы Уланбек Исмаиловдун талапкерлигин сунуштады.
Мурдагы вице-спикер Мирлан Бакиров белгисиз себептерден улам өткөн жылдын 23-декабрында кызматын тапшырып кеткен.