Учкучсуз учак. Архив

Жапаров: РФ наркотрафик менен күрөшүүгө учкучсуз башкарылчу эки учак берди

280
(жаңыланган 14:58 11.01.2021)
Алдын ала жыйынтык боюнча президенттик шайлоодо жеңип чыккан Садыр Жапаров мурдагы өлкө башчылар жана алардын туугандары баңгизат соодасын калкалап турганын айткан.

БИШКЕК, 11-янв. — Sputnik. Россия Кыргызстанга наркотрафик менен күрөшүүсү үчүн эки учкучсуз башкарылуучу учак жана 150 миллион сом бөлдү. Бул тууралуу президенттикке талапкер Садыр Жапаров "Коммерсант" агенттигине берген маегинде билдирди.

Учкучу жок учактар менен каражаттар качан берилгени такталган эмес. Жапаров мурдагы өлкө башчылар жана алардын туугандары баңгизат соодасын калкалап турганын белгилеген.

"Кызматка киришерим менен баңгизат трафигин жабууну тапшыргам. Бул биринчиси. Экинчиден, коррупцияны түп тамыры менен жоюшубуз керек. Үчүнчү тапшырма — экономиканы көтөрүү. Баңгизат трафиги менен аеосуз күрөшөбүз. Анын каналдарын жабуу үчүн бизге эки-үч жыл убакыт керек", — деген Жапаров.

Ал наркотрафикке байланышы бар адамдар менен эч ким соодалашпай турганына ишендирген.

"Бийлик буга чейин өзү калкалап келген. Биздин укук коргоо органдарыбыз баңгизаттарын ташуу менен алектенген учурлар болгон. Тыюу салынган зат менен кармалгандарды акча алып туруп кое берип жиберишчү. Эми мындай болбойт. Россия баңгизат трафиги менен күрөшүүгө пилотсуз эки учак жана 150 миллион сом бөлдү. Биз бул тармак менен кызуу күрөшкүбүз келип турат", — деген саясатчы.

Эске салсак, Жапаров болжолдуу маалыматтар боюнча 10-январда өткөн президентик шайлоодо добуштардын 80 пайызын алды.

280
Белгилер:
каражат, баңгизат, Садыр Жапаров, Россия, Кыргызстан
Тема боюнча
Путин Жапаровду шайлоодогу жеңиши менен куттуктады
Кыз апасы менен кинотеатрда. Архив

Балдар үчүн кинофильмдин сценарийине сынак жарыяланды

6
Сценарий жазууга катышууну каалагандардын арызы "Кыргызфильм" киностудиясынын электрондук почтасы аркылуу кабыл алынат.

БИШКЕК, 23-янв. — Sputnik. Төлөмүш Океев атындагы "Кыргызфильм" улуттук киностудиясы балдар үчүн кинофильмдин сценарийине сынак жарыялады. Бул тууралуу Маданият, маалымат жана туризм министрлигинен кабарлады.

Ага ылайык, арыздар "Кыргызфильм" киностудиясынын электрондук почтасы аркылуу кабыл алынат.

Сценарийдин тиркемесине төмөнкүлөр кирет:

  • болжолдуу аталышы;
  • жанр;
  • убакыт;
  • логлайн (кыскача баяндоо);
  • синопсис (кыскача мааниси).
"Сценарийлер америкалык форматта гана кабыл алынат. Ал эми тиркемелери менен өзү кыргыз тилинде жазылышы шарт. Жеңүүчүлөрдүн эмгеги киностудиянын расмий сайтына жарыяланат", — деп айтылат маалыматта.

Мыкты эмгектин ээсине 100 000 сом гонорар төлөнүп бериле турганы кошумчаланды.

6
Белгилер:
балдар, кино, сынак, сценарий
Тема боюнча
"Акыркы көч" тасмасы Дакка эл аралык кинофестивалына катышууда
Китепканадагы кыз. Архивдик сүрөт

Кыргызстанда эркектерге караганда аялдар билимдүүрөөк. Статистика

15
Туруктуу жумушу бар аялдардын арасында 27 пайызы жогорку билимдүү болсо, эркектер арасында бул көрсөткүч 18 гана пайызды түзөт.

БИШКЕК, 23-янв. — Sputnik. Иштеген жарандардын арасынан карай турган болсок, Кыргызстанда кесиптик билими бар эркектерге караганда аялдар басымдуулук кылат. Бул тууралуу Улуттук статистика комитетинен билдиришти.

Тагыраагы, иши бар аялдардын арасында 27 пайызы жогорку билимдүү болсо, эркектер арасында бул көрсөткүч 18 гана пайызды түзөт.

Кыз-келиндердин билимге умтулганын мындан билсек болот, 2019-2020-окуу жылында ЖОЖдордун студенттеринин 52 пайызын кыздар түзгөн. Ал эми орто кесиптик окуу жайларда окугандардын 56 пайызы кыздар. Ошондой эле аспирантурада окуп жаткан жарандардын ичинен 59 пайызы, докторантурада 67 пайызы аял кишилер.

Учурда кыргызстандык кыз-келиндер көбүнесе билим берүү, кеңири керектелүүчү товарлардын технологиясы, саламаттык сактоо, маданият, искусство, сервис сыяктуу адистиктерде окушат.

15
Белгилер:
билим, эркек, аял, Кыргызстан
Тема боюнча
Узаган жылы пенсия менен жөлөк пулга канча каражат жумшалган. Статистика