Жерге коркунуч жараткан астероид жакындап келе жатат
БИШКЕК, 12-янв. — Sputnik. Жакынкы эки күндүн ичинде Жерден болжол менен сегиз миллион чакырым аралыктан коркунуч жараткан 2020 WU5 астероиди учуп өтөт. Анын орбитасынын траекториясы NASA реактивдүү кыймыл лабораториясынын сайтында айтылганын РИА Новости жазды.
2020 WU5 астероиди өткөн жылдын 29-ноябрында NEOWISE (Wide-Field Infrared Survey Explorer) космостук телескобу тарткан сүрөттөрдө байкалган. 4-декабрда ал Эл аралык астрономиялык бирлигинин (IAU) Электрондук кичи планета циркулярына киргизилген.
Бул асман телосу Жерге жакын объект болуп саналган "Аполлондор" тобуна кирип, орбиталары Жерди сырт тарабынан кесип өтөт. Окумуштуулардын белгилөөсү боюнча, анын диаметри 0,5тен 1,1 чакырымга чейин деп болжолдонууда.
Астероиддин Жерге эң жакын келген убактысы 14-январга караган түнгө туура келет. Аны Түндүк жарым шардын орто түздүктөрүнөн байкоого жакшы шарт бар. Астрономиялык объектини 200 миллиметр же андан ашык диаметрдеги объективи бар телескоптор аркылуу көрүүгө болот.
Ар кандай эсептөөлөргө ылайык, Жерден 8,1ден 7,5 миллион чакырым аралыктан өткөнү менен ал коркунучтуу астероиддердин катарына кирүүдө.
Белгилер:
Бишкектин борборунда милиция кызматкерлери адаттагыдан көп. Себеби
(жаңыланган 10:37 21.01.2021)
Sputnik Кыргызстан агенттигинин окурмандары эмне себептен борбордук аянтта жана көчөлөрдө милиция кызматкерлери чогулуп калганын сурашкан.БИШКЕК, 20-янв. — Sputnik. Бишкектин кайгуул милициясынын маалымат кызматы ордо калаанын чок ортосунда эмне себептен таң эрте милиция кызматкерлери көп экенин түшүндүрдү.
Буга чейин окурмандар "Ала-Тоо" аянтындагы автоунаалар тазаланып, кайгуул милициялары борбордук көчөлөрдө, анын ичинде Чүй проспектисинде көп турганы боюнча суроо узатышкан.
Кайгуул милициясынын маалымат кызматы билдиргендей, мекеме жакында боло турган президенттин инаугурациясына даярдык көрүп жатат жана жарандардын коопсуздугун камсыз кылууда.
Маалым болгондой, бул иш-чарада "Ала-Тоо" аянтын тосуу пландалган жок.
20-январь күнү БШК президенттик шайлоонун жыйынтыгын айтып, анда Садыр Жапаров жеңгенин кабарлаган. Жапаров шайлоочулар добушунун 79,2 пайызын алган.
Кийинчерээк президенттин инаугурациясы 28-январь күнү Токтогул Сатылганов атындагы Кыргыз улуттук филармонияда өтө турганы айтылган.
Байден мигранттарга коюлган чектөөлөр боюнча Трамптын жарлыгын жокко чыгарды
(жаңыланган 10:14 21.01.2021)
Бул чектөөлөрдү мурда Дональд Трамптын администрациясы киргизген. Ага ылайык, Мьянма, Иран, Кыргызстан, Ливия, Судан сыяктуу 13 мамлекеттин жарандарына АКШга кирүүгө чектөөлөр коюлган.БИШКЕК, 21-янв. — Sputnik. АКШнын жаңы президенти Жозеф Байден алгачкы иш күнүндө кол койгон жарлыктарынын бири менен Кыргызстан катарына кирген бир нече өлкөнүн жарандарына коюлган визалык чектөөнү алып салды. Бул тууралуу АКШнын Кыргызстандагы элчилигинен билдиришти.
"Президент Байден кыргыз иммигранттарынын өлкөгө кирүүсүн токтоткон иммиграциялык жана ар түрдүүлүк (Diversity Visa) визаларга чектөөлөрдү алып салуу боюнча буйрукка 20-январда кол койду. Биз кыргыз өкмөтүнүн акыркы 12 ай ичинде саясий коопсуздукту кыйла жакшыртканын байкадык", — деп айтылат элчиликтин билдирүүсүндө.
Ошондой эле өкмөт Интерпол менен кызматташуусун өркүндөтүп, кылмыштуулук жана террорчулук тууралуу маалыматтар менен ачык-айкын бөлүшүп жатканы кошумчаланды.
"АКШ кыргыз элинин коопсуздугу жана эгемендүүлүгү үчүн эки тараптуу мамилелерин бекемдөөгө умтулат", — деп айтылат билдирүүдө.
©
Sputnik / Павел Бедняков
Эске салсак, 2017-жылы АКШга биометрикалык паспорт колдонбогон өлкөлөрдүн жарандары киргизилбей тургандыгы тууралуу жарлыкка мурдагы президент Дональд Трамп кол койгон. Анда Кыргызстан тез арада биометрикалык паспортторду жайылтышы керектиги айтылган.
Жо Байден 20-январь күнү ант берип, АКШнын президенттик кызматына расмий түрдө киришти.
Белгилер: