Кара-Суу районундагы Савай айыл өкмөтүнүн башчысы Мунарбек Сайпидинов. Архив

УКМК Райым Матраимовдун өкүл баласы Мунарбек Сайпидиновду кармады

412
(жаңыланган 09:58 12.01.2021)
Таратылган кабарда Сайпидинов спорт зал курууда кызмат абалынан кыянаттык менен пайдаланып, бир миллион сомду негизсиз короткону айтылат.

БИШКЕК, 12-янв. — Sputnik. Атайын кызмат тарабынан Кара-Суу районундагы Савай айыл өкмөтүнүн башчысы Мунарбек Сайпидинов кармалды. Бул туурасында УКМКнын маалымат кызматы кабарлады.

Ага кызмат абалынан кыянаттык менен пайдаланган деген айып тагылууда.

УКМКнын билдиришинче, Савай айылындагы мектептин спорт залынын курулуш иштеринин суммасы бир миллион сомго негизсиз жогорулатылганы аныкталган. Ошондой эле Сайпидинов аталган объектинин сапатсыз жасалганына карабай эксплуатацияга берүүгө макул болгон.

Мындан сырткары, Ош шаары жана облусунун аймагында уюшкан кылмыштуу топ түзүп, ар кандай жосунсуз иштерге барганы туурасында сотко чейинки өндүрүш жүрүп жатканы айтылат. Бул иш боюнча Сайпидинов күбө катары сурак берүүдө.

Белгилей кетсек, Мунарбек Сайпидинов Бажы кызматынын төрагасынын мурдагы орун басары Райымбек Матраимовдун өкүл баласы. Буга чейин чекисттер анын үйүн, жумуш ордун тинткен. Андан соң ал УКМК төрагасы Камчыбек Ташиев менен да жолуккан.

412
Белгилер:
кармоо, Райымбек Матраимов, айыл өкмөтү
Тема боюнча
Чай ичкиле дешкен. УКМК Матраимовдун өкүл баласынын айыптоосуна үн катты
УКМК башчысы Матраимовдун өкүл баласын кабыл алды. Видео
Кишенделген аял. Архив

Эркек кишини интимдик видео менен шантаж кылган аял кармалды. Бишкектеги окуя

9
Арыз ээсинин айтымында, белгисиз аял андан 30 миң сом өлчөмүндө акча талап кылып, бербесең интимдик мүнөздөгү видеолорду туугандарыңа жиберем деп коркуткан.

БИШКЕК, 26-янв. — Sputnik. Бишкек шаарынын тургунун интимдик видео менен шантаж кылып акча талап кылган аял кармалды. Бул тууралуу Бишкек ШИИБдин маалымат кызматы билдирди.

Билдирүүдө айтылгандай, 11-январда Ленин райондук милициясына М.М. аттуу жаран арыз менен кайрылган. Арызда белгисиз аял "туугандарыңа интимдик видеону көрсөтөм" деп 30 миң сом талап кылып жатканын айтып, ага чара көрүүнү суранган.

Ыкчам-тергөө иштеринин жүрүшүндө шектүү катары 36 жаштагы аял 15 миң сом өлчөмүндө акча алып жаткан учурда кармалган.

Бул факт боюнча Кылмыш-жаза кодексинин 203-беренеси ("Пара талап кылуу") менен тергөө амалдары башталган.

9
Белгилер:
опузалап акча талап кылуу, алдамчылык, шантаж, коркутуу
Тема боюнча
700 миң сомдун дайны жок. Оштогу "Достук" бажы бекетинин тескөөчүсү кармалды
Көчөдө бараткан адамдар. Архив

ДССУ коронавирус менен күрөш көпкө созуларын айтты

6
(жаңыланган 10:37 26.01.2021)
Адистер көпчүлүк жерде вирустун жайылышын ооздуктоо мүмкүн болбой жатканын, өндүрүлгөн вакциналардын саны пандемиядан бир учурда арылуу үчүн жетишсиз экенин айтышат.

БИШКЕК, 26-янв. — Sputnik. Адамзат алдыда дагы узак жылдар бою пандемия менен күрөшөт. Мындай пикирди Дүйнөлүк саламаттык сактоо уюмунун Саламаттык сактоо жаатындагы өзгөчө кырдаалдар боюнча программасынын директору Майкл Райан билдиргенин РИА Новости жазды.

Адис бул тууралуу брифингде айткан.

“COVID-19га каршы күрөшүүдө биз жетишкен ийгиликтерге карабастан эпидемияны четтетүү оңой эмес экенин көрсөткөн көптөгөн факторлор бар”, — деген ал.

Райан мындай пикирин бүгүнкү күндө дүйнө жүзү боюнча бардык эл COVID-19га чалдыгып жатканы менен түшүндүрдү. Бардык жерде вирустун жайылышын ооздуктоо мүмкүн боло бербейт, ошондой эле өндүрүлгөн вакциналардын саны пандемиядан бир учурда арылуу үчүн жетишсиз.

Ошол эле учурда эксперт оору менен күрөшүүгө багытталган бардык чаралар текке кетпестигин, күн сайын көрүлгөн аракеттерден улам коронавирустан адам өлүмү жана жаңы жугузган учурлар азайып жатканын белгиледи. 

Райан ошондой эле адамзат тарыхында буга чейин да эпидемиялар жайылып, көп жылдарга созулуп келгенин кошумчалады. Анын пикиринде, мындай учурда илдетке жаш муун кабылат, анткени чоңдордун жыл өткөн сайын ооруга каршы иммунитети бекемделет.

6
Белгилер:
күрөш, эпидемия, коронавирус
Тема:
Дүйнөгө жайылган коронавирус
Тема боюнча
Инфекционист: СOVID менен ооругандар вакцина алууга шашпашы керек
Коркуу, тынчсыздануу коронавируска кабылуунун себептеринин бири экени айтылды