Ооруканадагы дарыгер. Архив

КРде медициналык мекемелерди кайра түзүү боюнча реформа башталды

157
Аймактык үй-бүлөлүк дарыгерлер борборлору, аймактык ооруканалар, стоматологиялык клиникалар сыяктуу медициналык мекемелер бириктирилип, кайрадан түзүлөт.

БИШКЕК, 12-янв. — Sputnik. Кыргызстандын Саламаттык сактоо министрлиги медициналык кызмат көрсөтүүлөрдү оптималдаштыруу боюнча иш баштады. Бул тууралуу ведомствонун маалымат кызматынан билдиришти.

Бул аракеттер 2019-2023-жылдарга пландалган "Дени сак адам — өнүккөн өлкө" программасынын алкагында ишке ашканы турат.

Оптималдаштыруунун алкагында аймактык үй-бүлөлүк дарыгерлер борборлору, аймактык ооруканалар, стоматологиялык клиникалар сыяктуу медициналык мекемелер бириктирилип, кайрадан түзүлөт.

"Анализ жүргүзүп көрсөк, көпчүлүк медициналык мекемелер бир аймакта жайгашат экен. Ошол эле учурда көпчүлүгү бири-биринин функциясын кайталайт, лабораториялык жана диагностикалык жабдуулар толук кандуу пайдаланылбайт. Аткарыла турган иш-чаралар жарандарга бир эле жерден ооруну алдын алуу, аныктоо жана дарылоо боюнча бардык кызматтарды колдонууга шарт түзөт", — деди саламаттык сактоо министри Алымкадыр Бейшеналиев.

Ал, ошондой эле, финансылык, кадрдык, материалдык ресурстарды үнөмдүү колдонууга мүмкүнчүлүк пайда болорун айтты. Мындан тышкары, министр мындай өзгөрүүлөр бир дагы медикти ишсиз калтырбай турганын кошумчалады.

157
Белгилер:
реформа, оорукана, медицина, Кыргызстан
Тема боюнча
Өзбекстан куруп берген эки оорукана пайдаланууга берилди
Лабораториянын кызматкери иш учурунда. Архив

ЖМК: окумуштуулар коронавирустун жаңы штаммына каршы да вакцина даярдайт

6
(жаңыланган 10:06 21.01.2021)
Декабрь айынын орто ченинде Улуу Британияда SARS-CoV-2 деп аталган коронавирустун жаңы мутациясы пайда болгону тастыкталган. Ал азыр бир катар мамлекеттерге жайылууда.

БИШКЕК, 21-янв. — Sputnik. Британиядагы Оксфорд университетинин окумуштуулары тез аранын ичинде коронавирустун жаңы штаммына каршы вакцина даярдоого  белсенип жатат. Бул тууралуу РИА Новости чет элдик сайттарга шилтеме берип жазды.

Аталган окуу жайдын командасы ушул тапта AstraZeneca вакцинасы менен иштеп жатат. Буга кошумча коронавирустун жаңы штаммына каршы изилдөө жүргүзө турганын айтышкан.

Ал эми Улуу Британиянын премьер-министри Борис Жонсон жаңы штаммдар боюнча илимпоздор менен сүйлөшүүлөрдү жүргүзүп жаткандыгын билдирген.

Декабрь айынын орто ченинде Улуу Британияда SARS-CoV-2 деп аталган коронавирустун жаңы мутациясы пайда болгону тастыкталган. Ал азыр бир катар мамлекеттерге жайылууда.

6
Белгилер:
вакцина, штамм, коронавирус, Улуу Британия
Тема:
Дүйнөгө жайылган коронавирус
Тема боюнча
Коронавирустун жаңы штаммы. Кыргызстанга келчүлөр кандай тартип менен кирет?
Вирусолог Нурматов: британиялык жаңы штаммдын абалды курчутуп жибериши күмөн
Кениядан коронавирустун 16 түрү табылды. Эксперттер тынчсызданууда
Гипермаркеттеги аял. Архив

КРдеги супермаркеттер мөөнөтү өтүп кеткен товарларды эмне кылат? Расмий жооп

39
Адис арзандатуу же башка акциялар мөөнөтү өтүп кеткен товарлардан кутулуунун ыкмасы эмес экенин белгилеген.

БИШКЕК, 21-янв. — Sputnik. Кыргызстандагы супермаркеттер түйүнүнүн маркетинг боюнча жетекчиси Никита Рыжих ири дүкөндөр мөөнөтү өтүп кеткен товарларды эмне кыла турганын Sputnik Кыргызстан агенттигинде маек берип жатып айтып берди.

Рыжих белгилегендей, мөөнөтү өтүп кеткен азык-түлүктөр дүкөндөрдүн текчелеринде турбашы керек.

Директор по маркетингу сети супермаркетов Никита Рыжих на радио Sputnik Кыргызстан
© Sputnik / Асель Сыдыкова
Кыргызстандагы супермаркеттер түйүнүнүн маркетинг боюнча жетекчиси Никита Рыжих
"Супермаркеттерде күн сайын кыдырып, товарлардын мөөнөтүн текшерген кураторлор иштейт. Эгер персонал мөөнөтү өтүп кеткен товарларды убагында тапшыруучуга өткөрүп бербесе, анда алар сый акыдан кол жуушат. Бул процесс алдын ала жүргүзүлөт. Товар бир же эки жума мурда эле кайтарылат. Тапшыруучу тарап менен түзүлгөн келишимде кайтарып берүү пайызы да жазылат. Мисалы, кайсы бир товардан 100 даана алсак, анын 10 пайызын гана кайтарып беребиз. Эгер 15 пайызын кайтара турган болсок, 5 пайызынын акысын төлөшүбүз керек", — деди Рыжих.

Ал арзандатуу же башка акциялар мөөнөтү өтүп кеткен товарлардан кутулуунун ыкмасы эмес экенин белгилеп, бул маркетинг стратегиясы экенин кошумчалаган.

39
Белгилер:
тазалоо, мөөнөт, товар, супермаркет, Кыргызстан
Тема боюнча
Жыл башынан бери кайсы товар канча пайызга кымбаттады