Аялдамада маршруттук таксини күтүп турган жүргүнчүлөр. Архивдик сүрөт

Бишкек: маршрутка айдоочулары жол кирени 15 сомго чейин көтөрүүнү талап кылууда

365
(жаңыланган 18:29 12.01.2021)
Жүргүнчү ташуу кызматтарын көрсөткөн ишканалардын биринин өкүлү айдоочулар иш таштоону пландап жатканын билдирди.

БИШКЕК, 12-янв. — Sputnik. Бишкектеги маршруткалардын айдоочулары жол кирени көтөрүүнү талап кылып жатат. Бул тууралуу алар Бишкек жетекчилиги жана шаардык кеңештин төрагасы менен жолукканда айтышты.

Жүргүнчү ташуучулар ассоциациясынын жетекчиси Алтынбек Доспаев тариф 2012-жылдан бери көтөрүлө электигин эске салды.

"Сиздер льготалары бар жарандарды ташыгандыгы үчүн муниципалдык транспортко компенсация төлөп жатпайсыңарбы, эмнеге бизге төлөбөйсүңөр? Бул мыйзам бузуу", — деди ал.

Ага вице-мэр Азиз Алымкулов жооп кайтарды.

Бишкек мэриясынын алдында ыш менен күрөшүү үчүн экологиялык кеңеш түзүлдү
© пресс-служба мэрии города Бишкек
"Силер бизди да ойлогула деп жатасыңар, биз 40 компанияга тарифти көтөрүүгө уруксат берип койсок, миллионго жакын жүргүнчүлөрдү кантебиз? Азыр шаар тургундарынын арасынан маршруткалардын тарифи кымбат экенин айтып кайрылгандар көп. Силер иш таштайбыз, митингге чыгабыз деп жатасыңар. Өзүңөр ойлосоңор, жарым жылдан бери балдар араң мектепке бара баштады. Шайлоодон кийин абал эми тынчып келе жатса... Силерди билбейм, биз мыйзам жолунда гана иштейбиз", — деди Алымкулов.

Ал эми айдоочулардын өкүлү Жумашалы Куттубаев мэриядан тарифти көтөрүү боюнча мөөнөттү тактап берүүсүн суранды.

"Айрым айдоочулар 15-январда, дагы башкалары 18-январда иш таштайбыз деп жатышат. Мага так жооп берсеңер, аларга эмне деп айтышым керек", — деди ал.

Компаниялардын биринин өкүлү айдоочулар жол кирени 15 сомго чейин көтөрүүнү талап кылып жатканын билдирди.

Ошондой эле пандемиянын айынан автоунаа тетиктеринин кымбатташы көйгөй жаратып жатканын айткан айдоочулар болду.

"Сегиз жылдан бери тариф көтөрүлө элек. Бирок башка нерселер кымбаттап жатат. Мурда бир жолкусунда 350 сомго май куйсак, азыр 700 сомго чыкты", — деди дагы бир айдоочу.

Эске салсак, Бишкекте маршруткада жүрүү акысы күндүз 10 сом болсо, түнкүсүн 12 сомду түзөт.

365
Белгилер:
тариф, жол кире, маршрутка, Бишкек
Тема боюнча
Бишкектин четинде эл ташыган маршрутка оодарылып калды. Видео
Хакимов: санитардык талапты аткарбаган маршрутканын үч айдоочусу иштен кетти
Маршруткада сөгүнүп, тебинген аялдын үстүнөн айдоочу милицияга кайрылды
Коррупция беренеси менен шектелип Жогорку Кеңештин депутаты Дүйшөн Төрөкулов кармалды

Учактан кишенделип түштү. Депутат Төрөкуловдун кармалган видеосу

1
(жаңыланган 10:53 16.01.2021)
Улуттук коопсуздук мамлекеттик кызматы Жогорку Кеңештин депутаты Дүйшөн Төрөкуловду кармаган видеосун жарыялады.

БИШКЕК, 15-янв. — Sputnik. Эл өкүлү коррупцияга шектелип колго түшүрүлгөн. Ал 15-январь күнү Ош шаарынан кармалып, Бишкекке алып келинген. Кадрдан колуна кишен салынган депутатты атайын кызматтын куралчан аскерлери учактан түшүрүп, андан соң УКМКнын имаратына алып кирип кеткенин көрүүгө болот. 

Биринчи май райондук сотунун чечими менен депутат Төрөкулов эки айга УКМКнын тергөө абагына камалган.

Белгилей кетсек, Дүйшөн Төрөкулов Жогорку Кеңеште "Бир Бол" фракциясынан депутат. Октябрдагы башаламандык учурунда Ош шаардык мэриясын басып алып, өзүн өзү мэр деп жарыялап эки күн отурган.

1
Белгилер:
кармоо, УКМК, шайлоо, депутат, Дүйшөн Төрөкулов
Тема боюнча
УКМК депутат Дүйшөн Төрөкуловду желкелеген бойдон кармап кетти. Сүрөт
Автомат такап, баса калып... Спецназ кримтөбөл "Алтуханы" кармаган видео
Ооруканадагы дарыгерлер. Архив

129 киши жуктуруп, Бишкекте бир адам көз жумду. COVID статистикасы

11
(жаңыланган 10:20 16.01.2021)
Кыргызстанда коронавирус жуктуруп алгандардын саны 82 986га жетти. Анын ичинен 78 866сы айыкса, тилекке каршы, 1 382 адам акка моюн сунду.

БИШКЕК, 16-янв. — Sputnik. Өткөн суткада Кыргызстанда коронавирус 129 адамдан табылып, 151 бейтап айыкты. Бул тууралуу Республикалык штаб маалымдады.

Жуктургандар:

  • Бишкек шаары – 54;
  • Чүй облусу – 34;
  • Ош облусу – 9;
  • Талас облусу – 3;
  • Нарын облусу – 2;
  • Ысык-Көл облусу – 20;
  • Жалал-Абад облусу – 4;
  • Баткен облусу – 3.

Айыккандар:

  • Бишкек шаары – 69;
  • Ош шаары – 3;
  • Чүй облусу – 43;
  • Ош облусу – 2;
  • Талас облусу – 2;
  • Нарын облусу – 3;
  • Ысык-Көл облусу – 18;
  • Жалал-Абад облусу – 9;
  • Баткен облусу – 2.

Өткөн суткада Бишкек шаарынын бир тургуну коронавирустун курмандыгы болду.

Азыркы тапта ооруканаларда 799 бейтап коронавирустан дарыланып жатканы айтылды. Анын ичинен 229 бейтаптын абалы оор болсо, 44үнүн абалы өтө оор деп бааланууда. 

Кечээ өлкө боюнча медиктерден коронавирус табылган жок. Ошол эле учурда төрт медицина кызматкери сакайып кетти.

Ушуну менен Кыргызстанда коронавирус жуктуруп алгандардын саны 82 986га жетти. Анын ичинен 78 866сы айыкса, тилекке каршы, 1 382 адам акка моюн сунду.

11
Белгилер:
статистика, коронавирус, Кыргызстан
Тема:
Кыргызстандагы коронавирус жуктуруп алгандар
Тема боюнча
Вирусолог Нурматов: британиялык жаңы штаммдын абалды курчутуп жибериши күмөн
Кыргызстанда дагы бир менчик лабораторияга ПЦР-тест жүргүзүүгө уруксат берилди