Эл аралык аэропорттун учуу залындагы жүргүнчүлөр. Архив

Чек ара ачылган алгачкы айда КРге дээрлик 100 миң адам кирип-чыкты

55
(жаңыланган 09:56 13.01.2021)
Кыргыз өкмөтү 2020-жылдын 4-декабрынан тарта бардык чет элдиктер жана жарандыгы жок адамдар үчүн чек арасын ачкан.

БИШКЕК, 13-янв. — Sputnik. Кыргызстан чет элдиктерге чек арасын ачкан бир ай ичинде өлкөгө дээрлик 100 миңдей жаран кирип чыкты. Бул тууралуу Мамлекеттик чек ара кызматынан билдиришти.

Кеп "Манас" жана "Ош" эл аралык аэропорттору аркылуу 4-декабрдан 31-декабрга чейин каттагандар тууралуу болуп жатат.

Бул аралыкта Кыргызстандын аймагына жалпысынан 56 880 киши кирсе, алардын ичинен 30 748и чет элдик экени аныкталды.

Ошол эле учурда 39 756 адам Кыргызстандан чыгып кетти, алардын 12 645и башка өлкөлөрдүн атуулдары.

Эске салсак, кыргыз өкмөтү 2020-жылдын 4-декабрынан тарта бардык чет элдиктер жана жарандыгы жок адамдар үчүн чек арасын ачкан. Болгону акыркы 72 сааттын ичинде өткөн коронавирусту аныктоочу ПЦР-тесттин жыйынтыгын көрсөтүп, тиешелүү текшерүүлөрдөн өтүшү керек.

55
Белгилер:
статистика, чек ара, Кыргызстан
Тема боюнча
Кийинки жумадан тарта Бишкектен Лейлекке учак каттай баштайт
Нуска китеп борборунун жетекчиси Анаркан Садыкулова

Садыкулова: кандай китеп окуурун билбеген жаштар көбөйдү

3
"Нуска" китеп борборунун жетекчиси Анаркан Садыкулова учурда жаштар арасында кандай темадагы китеп окуурун билбеген, жашоодогу багытын издегендер көбөйгөнүн айтты.
Садыкулова: кандай китеп окуурун билбеген жаштар көбөйдү

Эмне жөнүндө китеп окуй турганыңды жан дүйнөң менен сезип, билип турушуң керек. Бул абдан маанилүү. Мындай пикирин Анаркан Садыкулова Sputnik Кыргызстан радиосунун эфиринде маек куруп жатып билдирди.

Анын айтымында, китеп окуган адамдын акылы тунук, даражасы бийик, ой-чабыты кенен болот.

"Акыркы 30 жылды алсак, китептен такыр алыстагандар бар. Жаштар эле эмес улуу муундагы адамдар деле эмне окуурун билбейт. Мисалы, дүкөнгө кирип кандай темадагы чыгарма издеп жатканын билишпейт. Азыркы жашоо көбүнесе акчага байланып калды", — деди Садыкулова.

Ошондой эле жетекчи китеп окуу маданиятын калыптандыруу керектигин кошумчалады.

3
Белгилер:
бизнес, жаштар, билим, китеп, нускама
Тема боюнча
Министр: китептерде ката кетпеши үчүн "Окуу китеби" борбору ачылды
Россияда курулушта иштеген мигранттар. Архивдик сүрөт

Путин мигранттарды курулушка жумушка алуу тартибин жеңилдетүүнү тапшырды

17
(жаңыланган 11:08 19.01.2021)
Чет элдик жарандар ишке бардык санитардык талаптарды сактоо менен, бирок кыйынчылыгы жок алынышы керек. Россия өкмөтү бул боюнча өз сунуштарын 1-мартка чейин берет.

БИШКЕК, 19-янв. — Sputnik. Россия президенти Владимир Путин өкмөт менен Мамлекеттик кеңештин профилдик комиссиясына мигранттарды курулуш тармагына жумушка алуу боюнча талаптарды жөнөкөйлөтүү талабын койду. Мамлекеттик кеңеш менен РФ президентинин алдындагы стратегиялык өнүгүү жана улуттук долбоорлор кеңешине берилген тапшырмалар жыйындысы Кремлдин сайтына жайгаштырылды.

Документте айтылганына караганда, кеп КМШга кирген айрым өлкөлөрдүн жарандары тууралуу болууда.

Мигранттар курулуш тармагына бардык санитардык талаптарды сактоо менен алынышы керек. Өкмөт бул боюнча өз сунуштарын 1-мартка чейин бермекчи.

"КМШнын айрым өлкөлөрүнүн жарандарын жумушка алууда COVID-19 инфекциясынын тарап кетишин алдын алуу үчүн бардык чаралар аткарылышы керек. Ошол эле учурда жумушка алуу жолдору жеңилдетилсин", — деп айтылат тапшырмада.

Жыйында Россиянын вице-премьери Марат Хуснуллин учурда курулуш тармагында жумушчу күч жетпей жаткандыктан, айрым долбоорлорду убагында бүтпөй калуу коркунучу бар экенин айтты. Ал эми Татарстандын президенти Рустам Минниханов Владимир Путинге ар кайсы объектилерге атайылап мигранттарды алып келүүнү сунуштады.

17
Белгилер:
курулуш, миграция, КМШ, Россия
Тема боюнча
ЕАЭБ пенсиясын кимдер кандай шартта алышат? 7 суроого жооп
Маразыков: айыл калкы менен бийлик ортосуна эмгек мигранттары көпүрө болот