Ырчы Курал Чокоевдин архивдик сүрөтү

Маданият министрлиги Курал Чокоев менен Кайрат Примбердиевге чара көрдү

669
(жаңыланган 10:43 13.01.2021)
Кайрат Примбердиевди КР эмгек сиңирген артисти наамынан ажыратуу боюнча Маданият министрлигинин сунушу президенттин аппаратына жөнөтүлгөн.

БИШКЕК, 13-янв. — Sputnik. Маданият, маалымат жана туризм министрлиги коомчулуктун сынына кабылган Курал Чокоевдин чуулгандуу автордук программасы боюнча талкуу жүргүзүп, бир катар чечимдер кабыл алынганын билдирди.

Ага ылайык, министрликтин 2011-жылдын 12-июнундагы буйругу менен Курал Чокоевге ыйгарылган "Маданияттын мыкты кызматкери" төш белгисин кайтарып алуу буйругуна кол коюлду.

Ал эми Кайрат Примбердиевди КР эмгек сиңирген артисти наамынан ажыратуу боюнча Маданият министрлигинин сунушу президенттин аппаратына жөнөтүлгөн.

Мындан сырткары, бул эки ырчыны министрлик өткөрө турчу мамлекеттик маданий-массалык иш-чараларга белгилүү мөөнөткө чейин катыштырбоо сунушталганы айтылды.

Эске салсак, буга чейин Курал Чокоевдин чет элдик көрсөтүүлөрдү туураган долбоору чыгып, аны интернет колдонуучулары катуу сынга алышкан. Ырчы Кайрат Примбердиев жана Кайрат Кыргыз катышкан бул долбоордо коомго жат, адепсиз сөздөр айтылат. Буга чейин министрлик аларга карата чара көрүлө турганын айткан.

669
Белгилер:
Кайрат Примбердиев, Маданият министрлиги, чара, наам, сыйлык, Курал Чокоев
Тема боюнча
Маданият министрлиги Курал Чокоев менен Кайрат Примбердиевге чара көрдү
Кыргызстандын экс-президенти Сооронбай Жээнбеков. Архив

Сооронбай Жээнбеков сурак берип чыкты

54
(жаңыланган 13:19 18.09.2021)
Мурдагы мамлекет башчы бүгүн Кумтөр кенине байланыштуу ачылган сотко чейинки өндүрүштүн алкагында суракка чакырылган.

БИШКЕК, 18-сен. — Sputnik. Экс-президент Сооронбай Жээнбеков УКМКнын Башкы тергөө башкармалыгына сурак берип чыкты. Бул тууралуу жакындары билдирди.

Мурдагы мамлекет башчы бүгүн, 18-сентябрда, Кумтөр кенине байланыштуу ачылган сотко чейинки өндүрүштүн алкагында суракка чакырылган.

Ал 12-августта дагы күбө катары чакырылып, премьер-министр болуп турган кездеги "Кумтөр" кенине байланыштуу суроолорго жооп берген. Бүгүн да ошол маселенин айланасында суроолорго жооп берери айтылган.

54
Белгилер:
Сооронбай Жээнбеков, Кумтөр, кен, сурак, УКМК
Тема боюнча
УКМК "Кумтөрдү" иштетүүдө 200 млн. доллар чыгарып кеткендерге издөө жарыялады
Мурдагы премьер-министр Жоомарт Оторбаев кармалды
Камыр жайып жаткан келин. Архив

Кайнатамдын майдачыл, эзмелигинен тажадым. Келиндин даты

156
(жаңыланган 11:56 18.09.2021)
Sputnik Кыргызстан купуялуулук шарты менен окурмандардын жеке турмушуна байланышкан көйгөйлөрдү жарыялап келет.

"Психолог менен баарлашуу" рубрикасына кайнатасынын майдачылдыгына нааразы болгон келиндин катын жарыялайбыз.

Саламатсыздарбы! Мен 25 жаштамын. Турмушка чыкканыма алты айдын жүзү болду. Өзүм Бишкектеги мектептердин биринде мугалим болуп иштейм. Учурда боюмда бар. Жолдошум экөөбүз сүйлөшүп жүрүп үйлөнгөнбүз. Өзү шаардык бала. Кайненем он жыл мурда эле каза болуп калыптыр. Бирок эмнегедир ошондон бери кайнатам үйлөнгөн эмес. Башында чынында жолдошумдун шаарда үйү бар экенин угуп сүйүнгөм. Анткени батирлеп көчүп жүрүү кимге жаксын? Азыр, тескерисинче, жумуштан кийин үйгө баргым келбейт. Себеби кайненеден ашкан майдачыл кайнатам бар. Атабыз ушунчалык таза, кырс, эзме адам. Адамды сөз менен эле мээсин жеп, ыйлатып салат. Анда-санда болсо бир жөн, күндө кылган ишиңден кынтык табат. Ал аз келгенсип күйөөм келсе аны да өзүнчө чакырып алып, бир нерселерди айтып даттанат. Бир жакка кетсе аябай сүйүнүп, үйдө кенен басып калам.

Эми робот болбогондон кийин кээде идиштер чачылып калат же жумуштан чарчап келгенде бир аз эс алып жүргүң келет да. Жок, бизде күнүнө үйдү кырып-жышып жууп, аскерде жүргөндөй бир из менен басып жүрүш керек. Ээн-эркин жашамай жок. Колуман бир нерсе түшүп кетсе "мынча сомго үйдү евроремонт жасагам, даярга келсе анын баркын билмек беле?" деп сүйлөнөт. Ушунчалык тажап кеттим. Туугандарыбыздын келиндеринен атабыз убагында кайненеме да ушундай мамиле кылганын угуп жаман болдум. Себеби кайненем оорудан көз жумган. Ушинтип жей берип оорукчан кылган го. Азыр мен да жукарып бара жатат окшойт. Айткан сөздөрүн кулак сыртынан кетирип, көңүлгө албоого аракет кылчумун. Азыр бул да колумдан келбей калды. Ыйлайм же кечке ойлоном, кабатырланам, ачууланам.

Минтип отурсак беш жылдан кийин оорукчан болуп каларым анык. Тажаганымдан ажырашып деле кетким келет. Бирок "чыдайын, обу жок болбоюн" деп өзүмдү алдап келем. Күйөөм да бир атасына таарынса, бир мени жаман көрүп эле ортодо кыйналды. Бөлүнөлү десек да болбойт.

Психолог Гүлнара Жасоолова:

— Үй-бүлөдө кайната менен келиндин пикир келишпестиги аз болот. Келин көбүнчө кайнене, кайнеже, кайынсиңди менен тил табыша албай калат.

Эми бул жерде кайнатаңыздын кандай үй-бүлөдө чоңойгону да маанилүү. Мүмкүн ал киши кичинесинен эле апасына жардам берип, идиш-аякка аралашып, кийин үйлөнгөндө деле балдарды да өзү тарбиялап, ички үй жумуштарын жасап көнүп калгандыр. Бул жагын да эске алуу керек.

Ал кишинин аял жумуштарга киришкенинен улам үйдө кыйын жагдай жаралып жаткандыгын айтыптырсыз. Алгач "кайнатама кандай мамиле кылсам, жасаган ишимден кынтык таппайт" деп оюндагыдай мамиле жасоонун жолдорун издеп көрсөңүзчү. Анын деле чогуу отуруп сырдашчу кишиси жок, жан дүйнөсү жабыркап, балким, ичинде көйгөйлүү маселелери бардыр. Бул жагын да ойлойлу.

Дароо эле ажырашууну көздөгөн чечим чыгарбоо кеңешин берет элем. Турмушта ар кандай кыйынчылыктар болот. Алгач аны чечүүнүн жолдорун карашыбыз керек.

Негизи эркек менен аялдын психологиясында өзгөчөлүктөр болот. Муну да иликтеп көрүңүз.

Үй-бүлө мүчөлөрүнө кандай мамиле жасап, өзүңүздү мындай оор кырдаалда кантип алып жүрүү керектиги тууралуу психологго да кайрылыңыз. Же болбосо апаңыздан, улуу эжеңизден кеңеш сурасаңыз жакшы болмок.

Өзүңүздүн да саламаттыгыңызды карашыңыз керек, мындан тышкары, азыр күйөөңүз да кыйын кырдаалда экенин унутпаңыз.

156
Белгилер:
кайната, келин, күйөө, турмуш, шаар, батир, үй, оокат
Тема:
Психолог менен баарлашуу
Тема боюнча
Жолдошум менен эки бөлөк жатмай адатка айланды... Келиндин даты
Тапкан акчасын туугандарына чачып чарчатты. Жолдошуна көз каранды келиндин каты
Гашиш. Архив

Өзбекстанда Кыргызстандан ири көлөмдө баңгизат ташыган адамдар кармалды

0
Пахта-Абад районунун эки тургуну 7,5 миң долларга бааланган 1 килограмм гашиш сатып жаткан жеринен колго түшүрүлдү.

БИШКЕК, 18-сен. — Sputnik. Өзбекстандын Анжиян облусунун баңгизатка каршы күрөшүү кызматы Кыргызстандан ири көлөмдө наркотикалык каражат ташып жүргөн кылмыштуу топтун мүчөлөрүн кармады. Бул тууралуу облустук милицияга шилтеме берип Sputnik Өзбекстан агенттиги жазды.

"Пахта-Абад районунун эки тургуну 7,5 миң долларга бааланган 1 килограмм гашиш сатып жаткан жеринен колго түшүрүлдү. Алар Кыргызстандан Өзбекстанга ири көлөмдө баңгизат ташышчу", — деп айтылат кабарда.

Аталган факты боюнча кылмыш иши козголуп, тергөө иштери улантылууда.

0
Белгилер:
Өзбекстан, Кыргызстан, баңгизат, мыйзам бузуулар
Тема боюнча
Жалал-Абадда бир суткада 9 килограммга жакын нашаа табылды. Видео