Тазалык кызматкери Чыңгыз Айтматов проспектисиндеги карды тазалап жатат. Архив

Бишкектин жолдору күнү-түнү кардан тазаланып жатат

57
(жаңыланган 11:28 13.01.2021)
Эртең мененки саат 08:00гө карата 164 тоннадай техникалык туз иштетилип, шаарды кардан тазалоо иши үзгүлтүксүз жүрүүдө.

БИШКЕК, 13-янв. — Sputnik. Бишкек шаарынын жолдорун кардан тазалоого жол тейлөө бөлүмүнүн (ДЭО) 25 кызматкери жана 37 атайын техника тартылды. Бул тууралуу мэриянын маалымат кызматы кабарлады.

Баш калаанын тротуарларын, жолдорду тазалоо ишине муниципалдык кызматтагылар түн ичинде чыгышкан. Кар тазалоочу 25 МАЗ, төрт универсалдуу унаа, "Беларусь" үлгүсүндөгү төрт кичи трактор, жүк ташуучу эки ЗИЛ-130 унаасы жана эки жүктөөчү техника иш алып барууда.

Шаарда штаттык режимде 640 көчө тазалоочу кызматкер иштейт. Жүктөп иштеген 123 кызматкер, таштандыларды чыгаруучу жүздөн ашык киши иш алып барат. Санитардык тазалоо иштерине 52 атайын техника, таштандыларды ташууга 47 атайын унаа тартылган.

Эртең мененки саат 08:00гө карата 164 тоннадай техникалык туз иштетилип, шаарды кардан тазалоо иши үзгүлтүксүз жүрүүдө.

Мэрия шаардын жолдорун жана тротуарларын кар, муздан тазалоо, техникалык каражаттарды себүү боюнча мэриянын 0554 182 185 WhatsApp байланышына же 1840, 1850 номерлерине кайрылууларды жиберсе болорун эскертет.

Байланыш номерлери түнү-күнү иштейт.

57
Белгилер:
кар, тазалоо, жол, Бишкек мэриясы
Тема боюнча
Ак үйдүн тосмосу алынган жер тазаланууда. Сүрөт
Тосмосу алынган Ак үйдүн жанына жол чырак орнотулду. Сүрөттөр
Абактын эшигин ачып жаткан кызматкер. Архив

Коррупцияга айыпталган мурдагы жетекчи 11 млн. сом төлөп үй камагына чыкты

68
(жаңыланган 11:53 26.01.2021)
Мамлекеттик ишкананын мурунку жетекчилиги жана жооптуу адамдары жеке ишканалар менен сүйлөшүп алып коррупциялык схема түзгөнү үчүн кармалган.

БИШКЕК, 26-янв. — Sputnik. Коррупцияга шектелип кармалган "Кыргыз темир жолу" ишканасынын Түштүк бөлүмүнүн мурдагы башчысы мамлекетке келтирилген чыгымды төлөп берип, үй камагына чыкты. Бул тууралуу УКМКнын маалымат кызматы кабарлады.

Бажы кызматкери. Архив
© Фото / пресс-служба правительства / Алишер Алиев
Билдирүүдө айтылгандай, тергөө учурунда мекеменин мурдагы жетекчиси Ю.Б.К. коюлган айыпты толугу менен мойнуна алып, мамлекетке келтирген 11 миллион 700 миң сом өлчөмүндө зыянды төлөп берген.

Мындан улам анын баш коргоо чарасы үй камагына өзгөргөнү айтылат.

Белгилей кетсек, Ю.Б.К. жооптуу адамдар менен биргеликте чарбакер субъектилердин катышуусу менен мамлекеттик сатып алууларды жогорулатылган баада жүргүзгөн туруктуу схеманы түзүп алышканы үчүн 14-декабрда кармалган.

68
Белгилер:
Кыргыз темир жолу, шектүү, коррупция
Тема боюнча
"Кыргыз темир жолунан" 250 миң доллар опузалап алган. УКМК шектүүлөрдү кармады
Спутник V вакцинасына чыгаруу. Архив

Россия Кыргызстандын аймагында "Спутник V" вакцинасын чыгарууга даяр

69
(жаңыланган 11:24 26.01.2021)
Россия Кыргызстандын аймагында "Спутник V" вакцинасын жасоого даяр экени Москвада өткөн ЕАЭКтин жыйынында Путин тарабынан айтылган. Муну Россиянын өнөр жай жана соода министри Денис Мантуров да ырастаган.

БИШКЕК, 26-янв. — Sputnik. Россия коронавируска каршы "Спутник V" вакцинасын Кыргызстандын аймагында чыгарууга даяр. Бул тууралуу Өнөр жай, энергетика жана жер казынасын пайдалануу боюнча мамлекеттик комитеттин төрагасы Жыргалбек Сагынбаев билдирди.

Анын айтымында, кыргыз делегациясы Жогорку евразиялык экономикалык кеңештин отурумуна катышуу үчүн Москва шаарына барып, Россиянын өкмөт мүчөлөрү жана инвесторлор менен жолуккан. Жыйын учурунда Владимир Путин Россия ЕАЭБдин бардык өлкөлөрүндө вакцина өндүрүшүн ачууга даяр экендигин айткан. Андан кийин муну Россиянын өнөр жай жана соода министри Денис Мантуров дагы ырастаган.

"Эгерде Кыргызстан техникалык мүмкүнчүлүктөрү, тиешелүү шаймандары бар компанияны аныктаса, анда Россия комиссия жиберип, чечим кабыл алууга даяр экенин билдирди", – деди Сагынбаев.

Вакцина өндүрүүчү компанияны Россиянын Өнөр жай жана соода министрлиги тандайт. Талапкерлерди Кыргызстандын Мамлекеттик өнөр жай комитети сунуштайт. Айрым талапкер болгон компаниялар буга чейин министрлик менен сүйлөшүүлөрдү өткөргөн. Каржы маселесин Россиянын Өнөр жай жана соода министрлиги жана компания чечет, ал эми кыргыз өкмөтү шарт түзүп бериши керек.

Сагынбаев вакцинаны өндүрүү препараттын жеткиликтүүлүгүн гана камсыз кылбастан, жумуш орундарын да түзөрүн, ошондой эле вакцина өндүрүү жаатындагы өлкөдө алгачкы тажрыйба болорун белгилеген.

69
Белгилер:
Кыргызстан, Россия, коронавирус, вакцина, өндүрүүчү, сунуш, жолугушуу
Тема:
"Спутник V" вакцинасы
Тема боюнча
"Спутник V" вакцинасын кайсы оорусу барлар этияттык менен алышы керек? Инструкция
ЖМК: Пакистан россиялык "Спутник V" вакцинасын аларын айтты