Студенттер сабак учурунда. Архив

Студенттер окуу акысын азайтууну суранууда. Министрлик эмне деп жооп берди

263
(жаңыланган 13:21 13.01.2021)
Жогорку окуу жайлардын жана колледждердин студенттери аралыктан билим алып жаткандыктан, окуу акысын азайтуу маселесин көтөрүп чыгышкан.

БИШКЕК, 13-янв. — Sputnik. Окуу процесси аралыктан жүргөнү менен ЖОЖдордо чыгымдар азайган жок. Бул тууралуу билим берүү жана илим министринин орун басары Нурлан Өмүров маалымат жыйын учурунда билдирди.

Ал жогорку окуу жайлардын жана колледждердин студенттери аралыктан билим алып жаткандыктан, окуу акысын азайтуу маселесин көтөрүп чыгышканын айтып, бирок акыны азайтууга болбой турганын белгиледи. Өмүров алардын себептерин тизмектеп берди:

  • аралыктан окуу эмгек акыны төлөп берүү фондун азайткан жок;
  • ЖОЖдор материалдык-техникалык базаны жакшыртуунун үстүндө иштеши керек;
  • окуу формасына карабастан окутуучулардын квалификациясын жогорулатуу зарыл;
  • аралыктан окуу педагогдордун санын азайткан жок;
  • 183 миң студентке 17 миң окутуучу туура келет. Мындан сырткары, колледж жана кесиптик лицейлерде миңдеген педагогдор иштейт;
  • салттуу окутууга өтө турган болсок, бет кап менен камсыз кылып, дезинфекция жасаш керек. Мындай чыгымдар буга чейин болчу эмес.

Министрликтеги бюджеттик саясат жана финансылык башкармалыктын башчысы Акыйкат Баймуратованын айтымында, былтыркы жылдын июль айында ЖОЖдорго пландык каражаттын үчтөн бири (1,4 миллиард сом) түшкөн эмес. Мындан улам окуу жайлардагы мурдагы каражаттын калган бөлүгүн чогултуп, иштегендердин айлык жана эмгек өргүүсү төлөнүп берилген.

Андан кийин маалымат жыйында Медициналык академиянын өкүлү сүйлөп, алардын окуу жай каражатты аралыктан окутууну уюштурууга сарптаганын билдирген.

263
Белгилер:
маалымат жыйын, каражат, студенттер, ЖОЖ, окуу, Кыргызстан
Тема боюнча
Министрлик: ЖОЖдордо кадимки тартипте окуу процесси февралда башталат
Абактын эшигин ачып жаткан кызматкер. Архив

Коррупцияга айыпталган мурдагы жетекчи 11 млн. сом төлөп үй камагына чыкты

20
(жаңыланган 11:53 26.01.2021)
Мамлекеттик ишкананын мурунку жетекчилиги жана жооптуу адамдары жеке ишканалар менен сүйлөшүп алып коррупциялык схема түзгөнү үчүн кармалган.

БИШКЕК, 26-янв. — Sputnik. Коррупцияга шектелип кармалган "Кыргыз темир жолу" ишканасынын Түштүк бөлүмүнүн мурдагы башчысы мамлекетке келтирилген чыгымды төлөп берип, үй камагына чыкты. Бул тууралуу УКМКнын маалымат кызматы кабарлады.

Бажы кызматкери. Архив
© Фото / пресс-служба правительства / Алишер Алиев
Билдирүүдө айтылгандай, тергөө учурунда мекеменин мурдагы жетекчиси Ю.Б.К. коюлган айыпты толугу менен мойнуна алып, мамлекетке келтирген 11 миллион 700 миң сом өлчөмүндө зыянды төлөп берген.

Мындан улам анын баш коргоо чарасы үй камагына өзгөргөнү айтылат.

Белгилей кетсек, Ю.Б.К. жооптуу адамдар менен биргеликте чарбакер субъектилердин катышуусу менен мамлекеттик сатып алууларды жогорулатылган баада жүргүзгөн туруктуу схеманы түзүп алышканы үчүн 14-декабрда кармалган.

20
Белгилер:
Кыргыз темир жолу, шектүү, коррупция
Тема боюнча
"Кыргыз темир жолунан" 250 миң доллар опузалап алган. УКМК шектүүлөрдү кармады
Спутник V вакцинасына чыгаруу. Архив

Россия Кыргызстандын аймагында "Спутник V" вакцинасын чыгарууга даяр

62
(жаңыланган 11:24 26.01.2021)
Россия Кыргызстандын аймагында "Спутник V" вакцинасын жасоого даяр экени Москвада өткөн ЕАЭКтин жыйынында Путин тарабынан айтылган. Муну Россиянын өнөр жай жана соода министри Денис Мантуров да ырастаган.

БИШКЕК, 26-янв. — Sputnik. Россия коронавируска каршы "Спутник V" вакцинасын Кыргызстандын аймагында чыгарууга даяр. Бул тууралуу Өнөр жай, энергетика жана жер казынасын пайдалануу боюнча мамлекеттик комитеттин төрагасы Жыргалбек Сагынбаев билдирди.

Анын айтымында, кыргыз делегациясы Жогорку евразиялык экономикалык кеңештин отурумуна катышуу үчүн Москва шаарына барып, Россиянын өкмөт мүчөлөрү жана инвесторлор менен жолуккан. Жыйын учурунда Владимир Путин Россия ЕАЭБдин бардык өлкөлөрүндө вакцина өндүрүшүн ачууга даяр экендигин айткан. Андан кийин муну Россиянын өнөр жай жана соода министри Денис Мантуров дагы ырастаган.

"Эгерде Кыргызстан техникалык мүмкүнчүлүктөрү, тиешелүү шаймандары бар компанияны аныктаса, анда Россия комиссия жиберип, чечим кабыл алууга даяр экенин билдирди", – деди Сагынбаев.

Вакцина өндүрүүчү компанияны Россиянын Өнөр жай жана соода министрлиги тандайт. Талапкерлерди Кыргызстандын Мамлекеттик өнөр жай комитети сунуштайт. Айрым талапкер болгон компаниялар буга чейин министрлик менен сүйлөшүүлөрдү өткөргөн. Каржы маселесин Россиянын Өнөр жай жана соода министрлиги жана компания чечет, ал эми кыргыз өкмөтү шарт түзүп бериши керек.

Сагынбаев вакцинаны өндүрүү препараттын жеткиликтүүлүгүн гана камсыз кылбастан, жумуш орундарын да түзөрүн, ошондой эле вакцина өндүрүү жаатындагы өлкөдө алгачкы тажрыйба болорун белгилеген.

62
Белгилер:
Кыргызстан, Россия, коронавирус, вакцина, өндүрүүчү, сунуш, жолугушуу
Тема:
"Спутник V" вакцинасы
Тема боюнча
"Спутник V" вакцинасын кайсы оорусу барлар этияттык менен алышы керек? Инструкция
ЖМК: Пакистан россиялык "Спутник V" вакцинасын аларын айтты