Түнкү стационардагы медицина кызматкерлери. Архив

COVID жуктурган медиктер 75 миң, көз жумгандардын жакындары 2,8 млн. сомдон алышат

141
(жаңыланган 18:56 13.01.2021)
Буга чейин коронавирус жуктурган медикке 200 миң сом, ал эми каза болгон медицина кызматкеринин жакындарына 1 миллион сом өлчөмүндө компенсация төлөнчү.

БИШКЕК, 13-янв. — Sputnik. Коронавирус жуктурган медиктер эми 75 миң сомдон, ал эми оорудан көз жумган ак халатчандардын жакындары 2 миллион 800 миң сомдон компенсация ала башташат. Бул тууралуу Саламаттык сактоо министрлигинин юридика бөлүмүнүн башчысы Азамат Жумакеев билдирди.

Анын айтымында, буга чейин медиктерге компенсация өкмөт апрель айында кабыл алган токтомдун негизинде төлөнүп келген. Башкача айтканда, коронавирус жуктурган медикке 200 миң сом, ал эми каза болгон медицина кызматкеринин жакындарына 1 миллион сом өлчөмүндө компенсация берилчү.

2020-жылдын 29-июнунда президент өзгөчө кырдаал жана өзгөчө абал учурунда иштеген медиктердин компенсациясы боюнча өзгөртүлгөн мыйзамга кол койгон.

"Аталган мыйзамга ылайык, кызыл зонада иштеп жүрүп оору жуктуруп алган медицина кызматкерлери 75 миң сомдон, ал эми каза болгон медиктин жакындары 2 миллион 800 миң сом алышат", — деди Жумакеев.

Адис өзгөртүлгөн мыйзамга ылайык, компенсация 2021-жылдын 1-январынан тарта төлөнүп баштаарын кошумчалады.

Республикалык штабдын 8-декабрга карата берилген маалыматына ылайык, 30 медиктин жакындарына 1 миллион сомдон, ал эми 608 медикке 200 миң сомдон компенсация төлөнгөн.

141
Белгилер:
коронавирус, каражат, документ, компенсация, медик
Тема:
Коронавируска байланыштуу Кыргызстандагы кырдаал (2502)
Тема боюнча
Министр: калктын көбү коронавирус менен ооруп айыкты
Коронавирустун жаңы штаммы. Кыргызстандын медиктери эмне дейт?

Музду чагып, суунун ичин тинткен куткаруучулар. ӨКМдин машыгуусу видеодо

10
(жаңыланган 09:09 22.01.2021)
Өзгөчө кырдаалдар министрлигинин Суучулдарды даярдоо жана суу алдындагы техникалык иштерди жүргүзүү кызматы атайын машыгуу өткөрдү.

Видео мекеменин YouTube каналына жүктөлдү. Машыгуу Чүй облусунун ГЭС-5 эс алуу борборунда өткөн.

Суучулдар муздун алдында издөө-куткаруу иш-чараларын жүргүзүүгө тартылары белгиленди.

Куткаруучу-суучулдар күжүрмөн даярдыкта болуу үчүн маал-маалы менен муз алдында практикалык жана теориялык көнүгүүлөрдү аткарып турушат.

10
Белгилер:
машыгуу, суучул, куткаруучу, ӨКМ
Тема боюнча
Жети-Өгүздө балык уулоого кеткен кишинин сөөгү табылды. Сүрөт
Көк чай. Архив

Адис узак өмүр сүрүү үчүн төрт эрежени эстен чыгарбоону эскертти

27
Нутрициолог кант диабетинин экинчи түрүнө кабылуу тоболкелчилигин азайтуу үчүн көк чайды көп ичүүнү сунуштаган.

БИШКЕК, 22-янв. — Sputnik. Нутрициолог Марк Гилберт Express басылмасына берген маегинде ден соолукту бекемдеп, узак өмүр сүрүү үчүн туура тамактануу керектигин айтты. Бул тууралуу РИА Новости жазды.

Адистин айтымында, биринчи кезекте калориялуу азыктарды азайтуу керек. Анткени калориясы төмөн тамак рациону картаюуну жайлатып, рак, Альцгеймер жана кант диабети илдеттерин алдын алат.

Нутрициолог организмге D витамини өтө зарыл экенин белгилеп, ал иммунитет менен тыгыз байланышта болоруна токтолгон.

"Жемиштерди көп жегиле. Себеби ал жүрөктүн иштөөсүн жакшыртып, иммунитетти бекемдеп, кан басымын түшүрөт. Жемиштер холестериндин топтолушун да алдын алат", — деген адис.

Нутрициолог кант диабетинин экинчи түрүнө кабылуу тоболкелчилигин азайтуу үчүн көк чайды көп ичүүнү сунуштаган.

Бул эрежелерди бир аз убакыт эле сактаган учурда адамдын ден соолугу бир топ жакшыра турганы айтылды. Ал эми аларды дайыма аткарса, адамдын узак жашоо мүмкүнчүлүгү көбөйөт.

27
Белгилер:
кеңеш, ден соолук, өмүр
Тема боюнча
Кайсы суусундук рак оорусун алдын алат? Далилденген изилдөө