Акча. Архивдик сүрөт

Райым Матраимовдун өкүл баласы канча акча төлөп үй камагына чыкканы айтылды

473
(жаңыланган 12:27 14.01.2021)
Сот шектүүнү келтирилген бир миллион сомдук зыян төлөгөнүн жана үй-бүлөлүк абалын эске алуу менен абактан бошотконун белгиледи.

БИШКЕК, 14-янв. — Sputnik. Кара-Суу районунун Савай айыл өкмөтүнүн башчысы Мунарбек Сайпидинов келтирилген зыянды мамлекетке кайтарып, үй камагына чыкты. Бул туурасында Ош облустук сотунун маалымат кызматы билдирди.

Сайпидиновдун баш коргоо чарасы Ош шаардык сотунда каралып, эки айга үй камагына чыгаруу чечими кабыл алынган.

"Шектүүнү кармоо мыйзамдуу жана негиздүү деп табылган. Токтом кабыл алууда шектүүнүн өздүгү аныкталганын, туруктуу жашаган жери такталганын, келтирилген 1 033 700 сомдук зыян толугу менен төлөнгөнүн жана үй-бүлөлүк абалын эске алуу менен үй камагына чыгарылды. Прокурордун өтүнүчү канааттандырылбай, С.М.А сот залынан бошотулду", — деп айтылат маалыматта.

Үй камагынын шартына ылайык, айыпкер саат 22:00дөн 06:00гө чейин жашаган жери Савай айылындагы үйүнөн сыртка чыгууга тыюу салынып, тергөөчүнүн биринчи чакыруусу менен келүүгө, жашаган аймагынан сырткары чыкпоого милдеттендирилген.

УКМК Сайпидиновду Савай айылындагы мектептин спорт залынын курулуш иштеринин суммасын бир миллион сомго негизсиз жогорулаткан, сапатсыз жасаткан деген шек менен 11-январда кармаган.

Белгилей кетсек, Мунарбек Сайпидинов Бажы кызматынын төрагасынын мурдагы орун басары Райымбек Матраимовдун өкүл баласы. 4-октябрдагы парламенттик шайлоого "Мекеним Кыргызстан" партиясынын тизмеси менен катышкан. Өткөн жылдын 18-ноябрында чекисттер анын үйүн, жумуш ордун тинткен. Андан соң айыл өкмөт башчы УКМКнын төрагасы Камчыбек Ташиев менен да жолуккан.

473
Белгилер:
өкмөт башчы, айыл, зыян, сот, Мунарбек Сайпидинов
Тема боюнча
Транспорт министрлигинин статс-катчысы 2,5 млн. сом төлөп абактан чыкты
Тилек Матраимов 220 миң сом айып төлөп жазадан бошотулду

Байден мигранттарга коюлган чектөөлөр боюнча Трамптын жарлыгын жокко чыгарды

4
Бул чектөөлөрдү мурда Дональд Трамптын администрациясы киргизген. Ага ылайык, Мьянма, Иран, Кыргызстан, Ливия, Судан сыяктуу 13 мамлекеттин жарандарына АКШга кирүүгө чектөөлөр коюлган.

БИШКЕК, 21-янв. — Sputnik. АКШнын жаңы президенти Жозеф Байден алгачкы иш күнүндө кол койгон жарлыктарынын бири менен Кыргызстан катарына кирген бир нече өлкөнүн жарандарына коюлган визалык чектөөнү алып салды. Бул тууралуу АКШнын Кыргызстандагы элчилигинен билдиришти.

"Президент Байден кыргыз иммигранттарынын өлкөгө кирүүсүн токтоткон иммиграциялык жана ар түрдүүлүк (Diversity Visa) визаларга чектөөлөрдү алып салуу боюнча буйрукка 20-январда кол койду. Биз кыргыз өкмөтүнүн акыркы 12 ай ичинде саясий коопсуздукту кыйла жакшыртканын байкадык", — деп айтылат элчиликтин билдирүүсүндө.

Ошондой эле өкмөт Интерпол менен кызматташуусун өркүндөтүп, кылмыштуулук жана террорчулук тууралуу маалыматтар менен ачык-айкын бөлүшүп жатканы кошумчаланды.

"АКШ кыргыз элинин коопсуздугу жана эгемендүүлүгү үчүн эки тараптуу мамилелерин бекемдөөгө умтулат", — деп айтылат билдирүүдө.

Бул чектөөлөрдү мурда Дональд Трамптын администрациясы киргизген. Ага ылайык, Мьянма, Иран, Кыргызстан, Ливия, Судан сыяктуу 13 мамлекеттин жарандарына АКШга кирүүгө чектөөлөр коюлган.

Эске салсак, 2017-жылы АКШга биометрикалык паспорт колдонбогон өлкөлөрдүн жарандары киргизилбей тургандыгы тууралуу жарлыкка мурдагы президент Дональд Трамп кол койгон. Анда Кыргызстан тез арада биометрикалык паспортторду жайылтышы керектиги айтылган.

Жо Байден 20-январь күнү ант берип, АКШнын президенттик кызматына расмий түрдө киришти.

4
Белгилер:
миграция, жарлык, Жо Байден, Дональд Трамп
Лабораториянын кызматкери иш учурунда. Архив

ЖМК: окумуштуулар коронавирустун жаңы штаммына каршы вакцина даярдайт

7
(жаңыланган 10:10 21.01.2021)
Декабрь айынын орто ченинде Улуу Британияда SARS-CoV-2 деп аталган коронавирустун жаңы мутациясы пайда болгону тастыкталган. Ал азыр бир катар мамлекеттерге жайылууда.

БИШКЕК, 21-янв. — Sputnik. Британиядагы Оксфорд университетинин окумуштуулары тез аранын ичинде коронавирустун жаңы штаммына каршы вакцина даярдоого  белсенип жатат. Бул тууралуу РИА Новости чет элдик сайттарга шилтеме берип жазды.

Аталган окуу жайдын командасы ушул тапта AstraZeneca вакцинасы менен иштеп жатат. Буга кошумча коронавирустун жаңы штаммына каршы изилдөө жүргүзө турганын айтышкан.

Ал эми Улуу Британиянын премьер-министри Борис Жонсон жаңы штаммдар боюнча илимпоздор менен сүйлөшүүлөрдү жүргүзүп жаткандыгын билдирген.

Декабрь айынын орто ченинде Улуу Британияда SARS-CoV-2 деп аталган коронавирустун жаңы мутациясы пайда болгону тастыкталган. Ал азыр бир катар мамлекеттерге жайылууда.

7
Белгилер:
вакцина, штамм, коронавирус, Улуу Британия
Тема:
Дүйнөгө жайылган коронавирус
Тема боюнча
Коронавирустун жаңы штаммы. Кыргызстанга келчүлөр кандай тартип менен кирет?
Вирусолог Нурматов: британиялык жаңы штаммдын абалды курчутуп жибериши күмөн
Кениядан коронавирустун 16 түрү табылды. Эксперттер тынчсызданууда